Максудов Равшан Хасановичнинг

докторлик диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): «Пахта саноати асосий технологик машиналари юритмаларининг рационал схемаларини яратиш ва параметрларини ҳисоблаш усуллари», 05.02.03–Технологик машиналар. Роботлар, мехатроника ва робототехника тизимлари (техника фанлари).

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /техника фанлари номзоди/.

Диссертация мавзуси рўйхатга олинган рақам: 30.09.2014/В2014.5.Т318.

Диссертация бажарилган муассаса номи: Тошкент тўқимачилик ва енгил саноат институти.

ИК фаолият кўрсатаётган муассаса (муассасалар) номи, ИК рақами: Тошкент давлат техника университети ва Ўзбекистон Миллий университети, 14.07.2016.FM/T.02.02 рақамли бир марталик илмий кенгаш.

Расмий оппонентлар: Рудовский Павел Николаевич, техника фанлари доктори, профессор (Россия Федерацияси); Баходиров Ғайрат Атаханович, техника фанлари доктори; Ахмадхўжаев Хамид Турсунович, техника фанлари доктори, профессор.

Етакчи ташкилот: Андижон машинасозлик институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: пахта саноати технологик машиналарини юритиш механизмлари ишчи органларининг янги самарали схемаларини яратиш, юқори сифатли пахта толаси олишни таъминлайдиган параметрларини ишлаб чиқишдан иборат.

III. Тадқиқотнинг илмий янгилиги:

пахта бунтларини бузгич машинасининг ишчи органи ва барабани такомиллаштирилган ҳамда пахта ғарамини титувчи машинанинг ишчи орган чангини тозаловчи қурилма яратилган;

пахта саноати технологик машиналари ишчи органларининг керакли ҳаракат қонунларини таъминлайдиган янги схемадаги узатмалар конструкциялари яратилган;

ишлаб чиқилган тасмали узатмаларнинг турли ҳаракат узатиш схемаларига мос равишда тасмалар тарангликларини аниқлашнинг янги услублари ишлаб чиқилган;

пахта саноати технологик машиналарининг таркибида тавсия қилинган янги схемадаги узатмаларни инобатга олган ҳолда машина агрегатлари ишчи органларининг ҳаракат қонунлари олинган;

ишчи органларининг ҳаракат қонунлари ва юкланишларини тажрибавий усулларда аниқланган ҳамда ҳаракат қонунларини технологик жараёнга ва тола сифатига таъсир этиши бўйича рационал параметрлари ишлаб чиқилган.

IV. Тадқиқот натижаларининг жорий қилиниши:

Пахта саноати технологик машиналарининг ишчи органларини такомиллаштириш бўйича ишлаб чиқилган илмий натижалар асосида:

технологик машиналарнинг ишчи органларини такомиллаштириш йўналишида Ўзбекистон Республикаси Интеллектуал мулк агентлигининг 2 та ихтирога патенти олинган («Пахта бунтларини бузгич машинасининг ишчи органи», №IAP 03181-2006 й; «Пахта бунтларини бузгич машинасининг ишчи бара-бани», №IAP 03129-2006 й.). Натижада босқичма-босқич пахта ғарамларидаги пахта хомашёсининг сифатини сақлаган ҳолда технологик жараёнга узатиб бериш имконини берган;

пахта ғарамларини титувчи машиналарнинг ишчи органларини такомиллаштириш бўйича Ўзбекистон Республикаси Интеллектуал мулк агентлигининг ихтирога патенти олинган («Пахта ғарамини титувчи машинанинг ишчи органи чангини тозаловчи қурилма», №IAP 04272-2006 й.). Натижада пахта ғарамларини титувчи машинанинг ишлаш давомийлигини узайтириш имкони яратилган;

технологик машиналарининг қуритиш барабани, сепаратор, пахта регенератори, пахта тозалаш агрегатининг майда ва йирик чиқиндилардан тозалаш секциялари, аррали жин, тола тозалагич ва линтер машиналарининг янги такомиллашган юритмалари «Ўзпахтасаноатэкспорт» холдинг компанияси корхона-ларида, жумладан Андижон вилоятининг 1-Андижон, Пайтуг 3-Андижон, Хўжаобод пахта саноати корхоналарида, Фарғона вилоятининг Тошлоқ, 2-Қўқон, Риштон, Қўқон пахта саноати корхоналарида, Жиззах вилоятининг Зарбдор пахта саноати ва Тошкент вилоятининг Алимкент пахта саноати корхоналарида жорий этилган («Ўзпахтасаноатэкспорт» холдинг компаниясининг 2016 йил 24 октябрдаги МА-02/1381-сон маълумот-номаси). Диссертация натижалари бўйича тавсия қилинган янги схемадаги юритмалар ва ишчи органларининг пахта саноати корхоналарида қўлланилиши умумий тозалаш самарадорлигининг 5,1% га ошишини, тола ифлослиги ва нуқсонлар йиғиндиси 1,23% га, чигитнинг механик шикастланиши 1,46% га, тозаланган пахтадаги эркин толалар миқдори 0,56% га камайишини таъминлади.