Арипова Джамиля Шухратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали буйрак етишмовчилиги ва уремик синдром билан оғриган беморларда эфферент терапия», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2019.2.PhD/Tib852.
Илмий раҳбар: Даминов Ботир Турғунпўлатович, тиббиёт фанлар доктори, профессор.
Диссертация бажарилган муассаса номи: Тошкент педиатрия тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02.
Расмий оппонентлар: Каримов Маъруф Шокирович, тиббиёт фанлари доктори, профессор; Сабиров Максуд Атабоевич, тиббиёт фанлари доктори, доцент.
Етакчи ташкилот: Тошкент врачлар малакасини ошириш институти.
Диссертация йўналиши: амалий аҳамиятга молик.
II. Тадқиқотнинг мақсади: уремик заҳарланиш ва буйракларнинг сурункали касалликларида энтеросорбентларни қўллаш билан даволаш самарадорлигини такомиллаштиришдан иборат.
III. Тадқиқотнинг илмий янгилиги: 
экспериментал моделда сурункали буйрак касалликлари ва уремик аутоинтоксикацияларда энтеросорбентларни қўллаш билан эфферент даволаш усули экстракорпорал детоксикация орқали организмдаги захарли моддаларни чиқариш афзаллиги асосланган;
илк бор энтеросорбентлар самараси тажрибада буйрак етишмовчилиги кузатилган сичқонларнинг ичак деворларида патологик ўзгаришларда (шиллиқ қават атрофияси, ангиоэктазия, лимфоцитар ва нейтрофил инфильтратлар) ишончли регрессив таъсири исботланган;
эфферент даволаш усуллари касалликни патогентик механизмларига таъсир этиши орқали беморлар хаёт сифатини яхшиланиши, клиник белгиларнинг ижобий ўзгариши, коптокчалар фильтрацияси тезлигини ошиши аниқланган;
энтеросорбентлар қўлланиши натижасида эритроцитлар хавзасининг меъёрлашиши патологик шаклларини улуши камайиши билан коррелятив боғлиқлиги исботланган.
IV. Тадқиқот натижаларининг жорий қилиниши. 
Сурункали буйрак етишмовчилиги ва уремик синдром билан хасталанган беморларда эфферент терапиянинг самарадорлигини баҳолаш бўйича олинган илмий натижалар асосида:
«Уремик синдром ва сурункали буйраклар етишмовчилигини комплекс даволаш» услубий тавсиянома тасдиқланган (Соғлиқни сақлаш вазирлигининг 2020 йил 10 июндаги 8н-р/68-сон маълумотномаси). Мазкур тавсиянома сурункали буйрак етишмовчилиги ва уремик синдром билан хасталанган беморларда эфферент терапиянинг ўрни ва аҳамиятини баҳолаш имконини берган;
«Нанокомпозитли энтеросорбентни қўллаш билан буйракларнинг сурункали касалликларини даволаш усули» услубий тавсиянома тасдиқланган (Соғлиқни сақлаш вазирлигининг 2020 йил 10 июндаги 8н-р/68-сон маълумотномаси). Мазкур тавсиянома сурункали буйрак етишмовчилиги ва уремик синдромни даволашда нанокомпозитли энтеросорбентни қўллаш самарадорлигини баҳолаш имконини берган;
Сурункали буйрак етишмовчилиги ва уремик синдром билан хасталанган беморларда эфферент терапиянинг самардорлигини баҳолаш бўйича олинган илмий натижалар соғлиқни сақлаш соҳаси амалиётига, жумладан, Республика биринчи клиник шифохонаси ва Тошкент тиббиёт академияси клиникаси, Республика ихтисослаштирилган хирургия илмий-амалий тиббиёт марказининг клиник амалиётига татбиқ этилган (Соғлиқни сақлаш вазирлигининг 2020 йил 13 июлдаги 8н-з/79-сон маълумотномаси). Олинган натижаларнинг амалиётга жорий қилиниши сурункали буйрак етишмовчилиги ва уремик синдром билан хасталанган беморларнинг асоратланган шаклларини даволаш натижаларини сезиларли, даволашнинг гибрид технологияли гемодиализ+энтеросорбция Kt/v кўрсаткичларини 1,05+0,05 дан 1,18+0,03 гача, ўртача 8%га оширишга имкон берган.