Juraev Abdulla Xatamovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Uchinchi va beshinchi tartibli karrali xarakteristikali tenglamalar uchun chegaraviy masalalar”, 01.01.02 – Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM217.
Ilmiy rahbar: Apakov Yusupjon Pulatovich, fizika-matematika fanlari doktori, dotsent.
Dissertatsiya bajarilgan muassasa nomi: Namangan muhandislik-qurilish instituti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Amanov Djumaklich, fizika-matematika fanlari doktori, dotsent; Gaziev Kobiljon Solijonovich, fizika-matematika fanlari nomzodi, dotsent.
Yetakchi tashkilot: Samarqand davlat universiteti. 
Dissertatsiya yo‘nalishi: nazariy ahamiyatga molik.
II. Tadqiqotning maqsadi chekli va cheksiz sohalarda vaqt bo‘yicha ikkinchi tartibli hosilaga ega bo‘lgan karrali xarakteristikali uchinchi va beshinchi tartibli tenglamalarga chegaraviy masalalar qo‘yish, uni tekshirish hamda beshinchi tartibli tenglamaga qo‘yilgan masalani Fur`e usulida echish algoritmini ishlab chiqishdan iborat.
III. Tadqiqotning ilmiy yangiligi:
uchinchi tartibli karrali xarakteristikali kichik hadlarga ega bo‘lgan tenglama uchun to‘g‘ri to‘rtburchakda ikkinchi chegaraviy masala echimining yagonaligi va mavjudligi tenglamaning koeffisientlari va berilgan funksiyalarga qo‘yilgan shartlar asosida isbotlangan;
uchinchi tartibli karrali xarakteristikali kichik hadlarga ega bo‘lgan tenglamaning kichik hadini to‘g‘ri to‘rtburchakda qo‘yilgan ikkinchi chegaraviy masalaning korrektligiga ta’siri aniqlangan va bir jinsli masalaning trivial bo‘lmagan echimlari qurilgan;
uchinchi tartibli karrali xarakteristikali kichik hadlarga ega bo‘lgan tenglama uchun to‘g‘ri to‘rtburchakda uchinchi chegaraviy masalaning bir qiymatli echilishi tenglama koeffisientlari va chegaraviy shartlar hamda berilgan funksiyalarga qo‘yilgan shartlar asosida isbotlangan;
uchinchi tartibli karrali xarakteristikali bir jinsli bo‘lmagan tenglamaga to‘g‘ri to‘rtburchakda qo‘yilgan birinchi chegaraviy masala echimining yagonaligi isbotlangan;
beshinchi tartibli karrali xarakteristikali vaqt bo‘yicha ikkinchi tartibli hosilaga ega bo‘lgan tenglamaga qo‘yilgan korrekt chegaraviy masalalarni Fur`e usulida echish algoritmi ishlab chiqilgan.
IV. Tadqiqot natijalarining joriy qilinishi. 
Chekli va cheksiz sohalarda vaqt bo‘yicha ikkinchi tartibli hosilaga ega bo‘lgan karrali xarakteristikali uchinchi va beshinchi tartibli tenglamalarga chegaraviy masalalar qo‘yish, uni tekshirish hamda beshinchi tartibli tenglamaga qo‘yilgan masalani Fur`e usulida echish algoritmini ishlab chiqish bo‘yicha olingan ilmiy natijalar asosida:
uchinchi tartibli vaqt bo‘yicha ikkinchi tartibli hosilaga ega bo‘lgan tenglamaga qo‘yilgan masalaning Grin funksiyasi qurish yordamida echish usulidan «Yuqori tartibli yuklangan tenglamalar uchun chegaraviy masalalar» mavzusidagi № 245612-2015 (2015-2019) raqamli xorijiy loyihada yangi chegaraviy masalalarni echishda foydalanilgan (E.A.Buketov nomidagi Qarag‘anda davlat universitetining 2020 yil 13 fevraldagi 02-07/733-son ma’lumotnomasi). Ilmiy natijani qo‘llash qo‘yilgan masala echimini oshkor yozishga imkon bergan;
beshinchi tartibli karrali xarakteristikali vaqt bo‘yicha ikkinchi tartibli hosilaga ega bo‘lgan tenglamaga qo‘yilgan chegaraviy masalani echishda taklif etilgan Fur`e usuli algoritmidan «Tebranish sistemalarida kasrli hisobning tadbiqi» mavzusidagi № AAAA-B19-219021990010-4 raqamli xorijiy loyihada yuqori tartibli tenglamaga qo‘yilgan masalani echishda foydalanilgan (FGBOU VO Vitus Bering nomidagi Kamchatka davlat universitetining 2020 yil 19 fevraldagi 90-01-son ma’lumotnomasi). Ilmiy natijani qo‘llash yuqori tartibli karrali xarakteristikali tenglamaga qo‘yilgan yangi masalaning echimini oshkor holda qurishga xizmat qilgan.