Nishonova Shaxnozaxon Toxirjon qizining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar: 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Singulyar koeffisientli elliptiko – giperbolik va elliptiko – parabolik tipdagi tenglamalar uchun nolokal masalalar”, 01.01.02 – Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM220.
Ilmiy rahbar: Urinov Axmadjon Kushakovich, fizika-matematika fanlari doktori, professor.
Dissertatsiya bajarilgan muassasa nomi: Farg‘ona davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Mirsaburov Miraxmat, fizika-matematika fanlari doktori, professor; Apakov Yusupjon Pulatovich, fizika-matematika fanlari doktori, dotsent.
Yetakchi tashkilot: O‘zbekiston Milliy universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi singulyar koeffisientli elliptiko – giperbolik va elliptiko – parabolik tipdagi differensial tenglamalar uchun nolokal masalalar qo‘yish va o‘rganishdan iborat.
III. Tadqiqotning ilmiy yangiligi: 
aralash sohalarda qo‘yilgan nolokal chegaraviy masalalar echimining yagonaligi va mavjudligi isbotlangan;
chorak doirada ikkita singulyar koeffisientli elliptik tipdagi tenglama uchun soha chegarasida izlanayotgan funksiya va uning kasr tartibli hosilasini bog‘lovchi nolokal shartli turli masalalarning bir qiymatli echilishi isbotlangan.
yarim doirada bitta singulyar koeffisientli elliptik tipdagi tenglama uchun integral shartli bir nolokal chegaraviy masala echimining yagonaligi va mavjudligi isbotlangan;
elliptik va elliptiko – giperbolik tipdagi tenglamalarga qo‘yilgan nolokal chegaraviy masalalarga mos nolokal spektral masalalarning xos qiymatlari va xos funksiyalari topilgan.
IV. Tadqiqot natijalarining joriy qilinishi. 
Singulyar koeffisientli elliptiko – giperbolik va elliptiko – parabolik tipdagi differensial tenglamalar uchun nolokal masalalar bo‘yicha olingan natijalar asosida:
singulyar koeffisientli elliptiko – giperbolik va elliptiko – parabolik tipdagi tenglamalar uchun nolokal masalalar tadqiqoti natijalari 1.7311.2017/8.9 raqamli “Differensial va psevdodifferensial tenglamalar uchun chegaraviy masalalar tadqiqot usullarini rivojlantirish” xalqaro loyihasida foydalanilgan (Belgorod davlat milliy tadqiqot universitetining 2020 yil 5 martdagi U-88-son ma’lumotnomasi). Olingan natijalar differensial tenglamalar echimlari ko‘rinishidan foydalanish va ularni amaliy masalalarga qo‘llash imkonini bergan;
kasr tartibli hosila va integrallar qo‘llanilgan elliptiko – giperbolik tipdagi tenglamalar uchun nolokal shartli chegaraviy va spektral masalalar, hamda elliptiko – parabolik tipdagi tenglamalar uchun integral shartli masalalar tadqiqoti natijalari Matematika va kompyuter modellashtirish laboratoriyasi doirasida singulyar koeffisientli xususiy hosilali differensial tenglamalar uchun chegaraviy masalalar echimining mavjudligi va yagonaligini isbotlashda qo‘llanilgan (Vitus Bering nomidagi Kamchatka davlat universitetining 2020 yil 26 fevraldagi 111-03-son ma’lumotnomasi). Olingan natijalarni qo‘llash kasr tartibli differensial tenglamalar uchun chegaraviy masalalar echimini qurish imkonini bergan.