Xoliqov Dilshod Kamolovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Uchinchi tartibli yuklangan psevdoparabolik tenglamalar uchun nolokal masalalar», 01.01.02 – Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2017.1.PhD/FM13. 
Ilmiy rahbar: Zikirov  Obidjon  Solijonovich, fizika-matematika fanlari doktori, professor.
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti, DSc.03/30.12.2019.FM.01.01.
Rasmiy opponentlar: Durdiev Durdimurod Kalandarovich, fizika-matematika fanlari doktori, professor; Djamalov Sirojiddin Zuxriddinovich, fizika-matematika fanlari doktori.
Yetakchi tashkilot: Samarqand davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi uchinchi tartibli yuklangan psevdoparabolik tipdagi tenglamalar uchun nolokal boshlang‘ich-chegaraviy masalalarni qo‘yish hamda masalalar echimining mavjudlik, yagonalik va turg‘unlik masalalarini echishdan iboratdir.
III. Tadqiqotning ilmiy yangiligi quyidagilardan iborat:
uchinchi tartibli yuklangan psevdoparabolik tipdagi tenglamalar uchun  yangi nolokal boshlang‘ich-chegaraviy shartli masalalar qo‘yilgan va echilgan;
uchinchi tartibli psevdoparabolik tenglama uchun Riman funksiyasining mavjudligi va yagonaligi isbotlangan;
uchinchi tartibli yuklangan psevdoparabolik tenglama uchun qo‘yilgan boshlang‘ich-chegaraviy masalalar regulyar echimining integral ifodasi qurilgan;
uchinchi tartibli yuklangan psevdoparabolik tipdagi tenglamalar uchun qo‘yilgan nolokal boshlang‘ich-chegaraviy  masalalarning regulyar echimining mavjudligi va yagonaligi isbotlangan;
uchinchi tartibli yuklangan umumiy psevdoparabolik tipdagi tenglamalar uchun qo‘yilgan integral shartli masalalarning regulyar echimining mavjudligi va yagonaligi isbotlangan.
IV. Tadqiqot natijalarining joriy qilinishi.
Uchinchi tartibli yuklangan psevdoparabolik tenglamalar uchun nolokal masalalarga oid olingan natijalar asosida:
xususiy hosilali uchinchi tartibli yuklangan psevdoparabolik tenglamalar uchun nolokal masalalar aniq ko‘rinishdagi echimining mavjudligi 0018RK00149 raqam bilan davlat ro‘yxatidan o‘tgan "Axborot, telekommunikatsiya va kosmik texnologiyalar, tabiiy fanlar sohasidagi ilmiy tadqiqotlar" byudjet dasturining "Tabiiy fanlar bo‘yicha ilmiy tadqiqot-lar. Matematika, fizika va astronomiya sohasidagi matematik va kompyuter modellashtirish. Amaliy tadqiqotlar" ustuvor yo‘nalishidagi 2018-2020 yillarga mo‘ljallangan AR 05132680 raqamli "Katta o‘lchamdagi g‘ovakli mu¬hitdagi oqimlarning nolokal modellari" mavzusidagi horijiy loyihada psevdoparabolik tenglamalar uchun nolokal masalalar echimini qurishda foydalanilgan (Axborot va hisoblash texnologiyalari institutining 2019 yil 19 noyabrdagi 01-07/780-son ma’lumotnomasi, Qozog‘iston). Natijada, o‘rganilayotgan masalalar echimining aniq ifodasini topish imkonini bergan;
uchinchi tartibli yuklangan psevdoparabolik tenglamalar bilan ifodalanadigan nolokal chegaraviy masalalarning echimlari mavjudligi haqidagi teoremalar asosida  Vitus Bering nomidagi Kamchatka davlat universiteti Fizika-matematika, axborot texnologiyalari va tabiiy fanlar Ilmiy-tadqiqot institutining "Kasrli hisoblashlar va ular¬ning tadbiqlari" laboratoriyasi doirasidagi MK-1152.2018.1 raqamli RF granti va  №AAAA-A17-117031050058-9 raqamli “Tebranishlar jarayonida kasr tartibli hosilalarning qo‘llanishi” mavzusidagi ilmiy-tadqiqot ishlarini olib borish jarayonida darajali xotirali fraktal ossilatorlarning keng sinfi uchun qo‘yilgan masalalarning sonli usuli ishlab chiqilgan (Vitus Bering nomidagi Kamchatka davlat universitetining 2019 yil 26 iyundagi 372-22-son ma’lumotnomasi, Rossiya). Natijada, uchinchi tartibli yuklangan psevdoparabolik tenglamalar uchun boshlang‘ich-chegaraviy masalalar, xususan, integral va A.M.Naxushev shartli masalalar natijalari yordamida masalalar echimini integral tenglamalarga keltirish imkonini bergan.