Ҳамраева Насиба Абдурасуловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Диагностика и лечение системной красной волчанки в резко континентальных климатических условиях», 14.00.05 – Ички касалликлар (тиббиёт фанлари).
Диссертация мавзуси рўйхатга олинган рақам: В2017.4.PhD/Tib425.
Илмий раҳбар: Тоиров Эркин Санатович, тиббиёт фанлари доктори.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02.
Расмий оппонентлар: Алиахунова Мавжуда Юсуповна, тиббиёт фанлари доктори, профессор; Ахмедов Холмурод Садуллаевич, тиббиёт фанлари доктори. 
Етакчи ташкилот: Андижон давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: тизимли қизил югирик касаллигининг хавф омиллари ва клиник намоён бўлиш хусусиятларини, ташхисотини ва яллиғланишга қарши даволаш муолажаларининг самарадорлигини такомиллаштиришдан иборат. 
III. Тадқиқотнинг илмий янгилиги:
тизимли қизил югирик касаллигининг ривожланишида ирсий-генетик, иқлим омиллари, салбий овқат стереотиплари ва бу омилларнинг аҳамияти ва уларнинг ўзаро боғлиқлик даражаси кўп факторли ва дастурий таҳлил натижалари асосланган;
биринчи марта ACR (1997) клиник мезонларига кирувчи тери, бўғим ва буйрак зарарланишларининг кескин континентал иқлим шароитида юқори даражада эканлиги кўрсатилган; 
яллиғланишга қарши С3, С4 комплемент таркибий қисмлари, С-реактив оқсил, α – ўсма некроз омили, айланувчи иммун комплекси кўрсаткичлари қиёсий таҳлили асосида буйрак зарарланишларининг иммун табиатли ривожланиш механизми кўрсатилган; 
махсус яратилган ва мостлаштирилган Lupus Qol (2007) сўровномаси орқали биринчи марта касалликнинг ички психометрик хусусиятлари ва беморлар ҳаёт сифати кўрсаткичлари 8 та психометрик шкалада баҳолаш натижалари исботланган;
биринчи марта босқичли (6 ойгача) даволаш ва кузатиш жараёнида клиник, лаборатор белгиларининг динамик ўзгаришлари яллиғланишга қарши терапия турига кўра таҳлил этилган ҳамда синхрон интенсив даволаш ва бошқа турдаги яллиғланишга қарши даво усулларининг самарадорлиги қиёсий баҳоланган. 
IV. Тадқиқот натижаларининг жорий қилиниши. 
Кескин континентал иқлим шароитида тизимли қизил югирик касаллигининг диагностикаси ва даволаш бўйича олинган натижалар асосида:
«Тизимли қизил югирик касаллигини хавф омилларини дастурий аниқлаш алгоритми» номли услубий тавсиянома тасдиқланган (Соғлиқни сақлаш вазирлигининг  2019 йил 5 ноябрдаги 8н-р/464-сон маълумотномаси). Мазкур услубий тавсиянома кескин континентал иқлим шароитида тизимли қизил югирик касаллигининг хавф омиллари ва касалликни эрта аниқлаш, ўз вақтида  ташхислаш ва даволаш имконини берган;
Кескин континентал иқлим шароитида тизимли қизил югирик касаллигининг ташхислаш ва даволаш бўйича тавсиялар соғлиқни сақлаш амалиётига, жумладан, Самарқанд шаҳар ва Самарқанд тумани тиббиёт бирлашмаларининг клиник амалиётига тадбиқ этилган (Соғлиқни сақлаш вазирлигининг 2020 йил 8 июндаги 8н-з/39-сон маълумотномаси). Олинган тадқиқот натижаларининг амалиётга жорий қилиниши кескин континентал иқлим шароитида тизимли қизил югирик касаллигининг ривожланишда ирсий мойиллик (58,7%), иқлимнинг салбий таъсири (73,8%) ва озиқ-овкат стереотиплари (87,5%) тизимли қизил югирик касаллиги учун асосий хавф омиллари деб ҳисобланиб, ирсий преморбид ҳолати кескин континентал иқлим омиллари ва озиқ-овкат стереотиплардаги бузилишлар билан ўзаро ўрта ҳамда юқори даражада (r=0,72 ва r=0,50) корреляцион боғлиқлиги яратилган дастурнинг ревматология амалиётида самарали қўллаш тизимини яратиш ва самарадорлигини ошириш имконини берган.