Аширматов Ҳаёт Хаитовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ҳозирги замон нанотехнологиялар тараққиётининг синергетик таҳлили», 09.00.01 – Онтология, гносеология ва мантиқ (фалсафа фанлари).
Диссертация мавзуси рўйхатга олинган рақам: В2019.4.PhD/Fal374.
Диссертация бажарилган муассаса номи: Самарқанд давлат университети. 
ИК фаолият кўрсатаётган муассаса (муассасалар) номи, ИК рақами: Самарқанд давлат университети, DSc.03/30.12.2019.F.02.02.
Илмий раҳбар: Тураев Бахтиёр Омонович, фалсафа фанлари доктори, профессор. 
Расмий оппонентлар: Шермуҳаммедова Нигина Арслановна, фалсафа фанлари доктори, профессор; Очилов Жамшид Абдурашидович, фалсафа доктори (PhD), доцент.
Етакчи ташкилот: Тошкент транспорт университети
Диссертация йўналиши: назарий аҳамиятга молик.
II. Тадқиқотнинг мақсади: нанотехнология тушунчасининг моҳияти,  нанотехнологияларнинг илмий-назарий асослари, онтологик ва гносеологик жиҳатларини синергетик таҳлил этишдан иборат.
III. Тадқиқотнинг илмий янгилиги:
“Нанотехнология” тушунчасининг онтологик (нано объектларнинг фазо-вақт ўлчамига, кўламига, ўзгаришга эгалиги) ҳамда гносеологик (унинг хоссаларини тегишли асбоблар воситасида билиш, ўрганиш, бошқариш мумкинлиги) хусусиятлари синергетик парадигма ва методлар асосида очиб берилган;
ҳозирги замон нанотехнология имкониятлари ва ютуқларидан мамлакатимизда таълим бериш, фан ва ишлаб чиқариш тармоқларини ривожантиришда фойдаланиш истиқболлари синергетик аттрактор тамойилининг ўзини ўзи ташкиллаштириш концепцияси воситасида далилланган;
нанотехнологиянинг мазмун-моҳиятини очишда мазкур категориал тушунчанинг ижтимоий-фалсафий жиҳатлари синергетик методологиянинг барқарорлик ва беқарорликнинг узвий бирлиги қонунияти воситасида асосланган;
нанотехнологияларнинг келиб чиқиши, тарихий илдизлари, шаклланиш ва ривожланиш босқичлари синергетик конвергент технологиялар (NBCS-нано-био маълумотлар ва когнитив-социал мазмун) асосида аниқланган;
IV. Тадқиқот натижаларининг жорий қилиниши: 
Ҳозирги замон нанотехнологиялар тараққиётини синергетик таҳлил этиш ва уларнинг ижтимоий-тарихий омиллари ҳамда ахлоқий, фалсафий моҳиятини ўрганиш бўйича ишлаб чиқилган таклифлар асосида:
“Нанотехнология” ва “Нанотехнологиялар соҳасининг илмий-амалий ютуқлари” тушунчалари, таърифлари, уларнинг ижтимоий-фалсафий моҳияти, умумметодологик асослари ва ўзига хос хусусиятларига оид таклиф ва тавсиларидан А.Ж.Холбеков раҳбарлигидаги 2018-2020 йилларга мўлжалланган ПЗ-20170930396 рақамли “Глобаллашув шароитида жамият ҳаётини демократлаштириш жараёнидаги маънавий – ахлоқий қадриятлар ривожини тадқиқ қилиш” мавзусидаги амалий лойиҳа ижросида фойдаланилган (Олий ва ўрта махсус таълим Вазирлигини 2019 йил 3 июлдаги 89-03-2676-сон маълумотномаси). Натижада, ёшларнинг илм-фанга бўлган интилишини кучайтириш, ватанпарварлик руҳида тарбиялашга хизмат қилган;
ҳозирги замон нанотехнология имкониятлари ва ютуқларидан мамлакатимизда таълим бериш, фан ва ишлаб чиқариш тармоқларини ривожантиришда фойдаланиш истиқболлари синергетик аттрактор тамойилининг ўзини ўзи ташкиллаштириш концепцияси воситасида далилланганлигига оид таклиф-тавсияларидан Жиззах вилоят  “Истиқбол” минтақавий тадқиқот марказининг “Ижтимоий муаммоларни ҳал этишда ижтимоий шерикликни кучайтиришнинг инновацион йўлларини жорий этиш” мавзусидаги 57-11/78 рақамли грант лойиҳасининг  “Соғлиқни сақлаш соҳасини иннновацион ривожлантириш бўйича таҳлилий тадқиқот олиб бориш ва тегишли таклифлар бериш” номли 3-бандида кўзда тутилган вазифалар  ижросида фойдаланилган (Ўзбекистон Республикаси Жиззах вилояти “Истиқбол” минтақавий тадқиқот марказининг 2019 йил 26 июлдаги 21-сон маълумотномаси). Натижада, ҳозирги замон нанотехнологияларни жалб қилиниши иқтисодий ва ижтимоий ҳаётда энг муҳим силжишларга олиб келишига хизмат қилган;
нанотехнологияларнинг мазмун-моҳиятини очишда мазкур тушунчанинг ижтимоий-фалсафий қирраларини синергетик методологиянинг барқарорлик ва беқарорлик диалектикаси асосида таснифланганлигига оид таклиф ва тавсияларидан Фуқаролик жамияти шаклланишини мониторинг қилиш мустақил институти Жиззах худудий бўлинмаси ташаббуси билан тайёрланган, Жиззах вилояти телевидениеси томонидан 2014 йилнинг 14 сентябрида эфирга узатилган “Бугуннинг гапи” кўрсатуви сценарийсини тайёрлашда фойдаланилган (Фуқаролик жамияти шаклланишини мониторинг қилиш мустақил институти Жиззах худудий бўлинмасининг 2019 йил 10 сентябрдаги  20/09-01-сон маълумотномаси). Натижада, Ўзбекистонда бу соҳанинг ривожлантирилишининг ижобий томонлари ва бажарилиши лозим бўлган аниқ ишлар юзасидан кўрсатувда муҳокама этилган масалаларни очиб беришда асосий манба сифатида хизмат қилган;
нанотехнологияларнинг келиб чиқиши, тарихий илдизлари, шаклланиш ва ривожланиш босқичлари синергетик конвергент технологиялар (NBCS-нано-био маълумотлар ва когнитив-социал мазмун) асосида аниқланганлигига доир таклиф ва хулосаларидан Жиззах вилоят  “Истиқбол” минтақавий тадқиқот марказининг “Ижтимоий муаммоларни ҳал этишда ижтимоий шерикликни кучайтиришнинг инновацион йўлларини жорий этиш” мавзусидаги 57-11/78 рақамли грант лойиҳасининг “Вилоятда аҳолини озиқ-овқат махсулотлари билан таъминлаш борасида олиб борилаётган ишлар ва бу борадаги мавжуд муаммолар таҳлили ва инновацион ёндашув асосида таклифлар” номли 4-бандида кўзда тутилган вазифалар  ижросида фойдаланилган (Ўзбекистон Республикаси Жиззах вилояти “Истиқбол” минтақавий тадқиқот марказининг 2019 йил 26 июлдаги 21-сон маълумотномаси). Натижада, ижтимоий имкониятларни кўрсатиб беришда ҳар хил фалсафий ёндашувлар (ахборот даври, сунъий интелект, биополитик ишлаб чиқариш ва ҳ.к.ни) ва сифатий янги ишланмаларни қўллашга хизмат қилган.