Беккулов Батирали Рахманкуловичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Шоли қуритиш қурилмасининг конструкциясини ишлаб чиқиш ва унинг параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2018.4.PhD/Т371.
Илмий раҳбар: Алиев Райимжон, техника фанлари доктори, профессор.
Диссертация бажарилган муассаса номи: Андижон машинасозлик институти.
ИК фаолият кўрсатаётган муассаса номи, ИК рақами: Наманган муҳандислик-қурилиш институти, PhD.03/30.12.2019.Т.90.01.
Расмий оппонентлар: Мансуров Мухторжон Тохиржонович, техника фанлари доктори;  Росабоев Абдуқодир Тўхтақўзиевич, техника фанлари номзоди, катта илмий ходим.
Етакчи ташкилот: Наманган муҳандислик-технология институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: шолини кам энергия сарфлаб, сифатли қуритишни таъминлайдиган барабанли қуритиш қурилмасининг янги конструкциясини ишлаб чиқиш ва унинг параметрларини асослашдан иборат.
III. Тадқиқотнинг илмий янгилиги:
шоли қуритиш учун ихчам энергия ва ресурстежамкорликни таъминлайдиган барабанли қуритиш қурилмасининг конструкцияси ишлаб чиқилган;
қуритиш барабанидаги шоли уюмининг ҳаракатини ифодалайдиган аналитик боғланишлар унинг оғирлик марказининг кинематик параметрларини ҳисобга олган ҳолда ишлаб чиқилган;
шоли қуритиш қурилмасининг технологик, конструктив ва энергетик параметрлари унинг даврий ишлаши ва барабаннинг сиғимидан келиб чиққан ҳолда асосланган;
шоли қуритиш қурилмасининг мақбул конструктив ўлчамлари ва иш режимлари унинг иш сифат кўрсаткичларини ўзгаришига боғлиқ равишда аниқланган.
IV. Тадқиқот натижаларининг жорий қилиниши.
Шоли қуритиш қурилмасининг конструкциясини ишлаб чиқиш ва унинг параметрларини асослаш бўйича олинган илмий натижалар асосида:
шоли қуритиш технологик жараёни учун барабанли қурилманинг техник ечимига Ўзбекистон Республикаси Интеллектуал мулк агентлигининг фойдали моделга патенти олинган («Устройство для сушки зерновых продуктов», №FАР 01403 – 2019 й.). Натижада шоли учун барабанли қуритиш қурилмасининг конструкцияси ишлаб чиқилган;
ишлаб чиқилган шоли қуритиш қурилмаси Андижон вилояти Избоскан туманидаги “Тешабой ишончи” ва “Дурдона Саида умиди” фермер хўжаликларида жорий этилган (Қишлоқ хўжалиги вазирлигининг 2019 йил 24 июлдаги 02/021-1346-сон маълумотномаси). Натижада қурилманинг электр энергияси истеъмоли 4,5 кВт∙соат бўлганда шоли қуритиш самарадорлигини табиий усулда қуритишга нисбатан 3 марта оширишга эришилган;
шоли қуритиш қурилмаси Андижон вилоятидаги “Хамиджон ишончи” фермер хўжалигида жорий этилган (Қишлоқ хўжалиги вазирлигининг 2019 йил 24 июлдаги 02/021-1346-сон маълумотномаси). Натижада қуритилган шолига механик ишлов бериш билан табиий усулда қуритилган шолидан 98 кг гуруч, қурилмада қуритилган шолидан 102 кг гуруч олиш имконияти яратилган.