Xalilov Mirkomil Mirzatolibovichning
falsafa doktori (RhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Erlarni ekishga tayyorlaydigan mashina tekislagich-yumshatkichining parametrlarini asoslash», 05.07.01 – Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash (texnika fanlari).
Dissertatsiya mavzusi ro‘yxatga olingan raqam: B2017.3.PhD/T480.
Ilmiy rahbar: Imomqulov Qutbiddin Boqijonovich, texnika fanlari doktori, katta ilmiy xodim.
Dissertatsiya bajarilgan muassasa nomi: Qishloq xo‘jaligini mexanizatsiyalash ilmiy-tadqiqot instituti.
IK faoliyat ko‘rsatayotgan muassasa nomi, IK raqami: Namangan muhandislik-qurilish instituti, PhD.03/30.12.2019.T.90.01.
Rasmiy opponentlar: Tojiev Rasuljon Jumaboevich, texnika fanlari doktori, professor; Normizaev Abduqayum Raximberdievich, texnika fanlari nomzodi.
Etakchi tashkilot: Andijon mashinasozlik instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: erlarni ekishga tayyorlaydigan mashina tekislagich-yumshatkichining ish sifatini talablar darajasida kam energiya sarflagan holda ta’minlaydigan parametrlarini asoslashdan iborat.
III. Tadqiqotning ilmiy yangiligi:
mashina tekislagich-yumshatkichining konstruktiv sxemasi ishlab chiqilgan va texnologik ish jarayoni asoslangan;
tekislagich-yumshatkichning parametrlari uning oldida tuproq uyulib qolmasligi, ishlov berilayotgan qatlam to‘liq yumshatilishi hamda pichoqlar orasiga o‘simlik qoldiqlari va tuproq tiqilib qolmasligi hisobga olingan holda asoslangan; 
tekislagich-yumshatkichning tayanch tekisligidan osish qurilmasining pastki osish nuqtalarigacha bo‘lgan tik masofa uning pichoqlari ishlov berish chuqurligi bo‘yicha barqaror harakatlanishini hisobga olgan holda aniqlangan;
ishlab chiqilgan tekislagich-yumshatkichning maqbul parametrlari pichoqlari uzunligi va ular orasidagi ko‘ndalang va bo‘ylama masofalar, unga beriladigan tik yuklanish hamda agregatning harakat tezligini inobatga olgan holda ko‘p omilli tajribalarda olingan regressiya tenglamalarini echish orqali aniqlangan.
IV. Tadqiqot natijalarining joriy qilinishi. 
Erlarni ekishga tayyorlaydigan mashina tekislagich-yumshatkichining parametrlarini asoslash bo‘yicha olingan natijalar asosida:
erlarga ekish oldidan ishlov berishda texnologik jarayonlar bajarilishining sifat ko‘rsatkichlarini baholashga dastlabki talablar va ishlab chiqilgan tekislagich-yumshatkich bilan jihozlangan erlarni ekishga tayyorlaydigan mashina konstruksiyasini loyihalash va ishlab chiqarish uchun texnik topshiriq «BMKB-Agromash» AJda loyihalash jarayoniga joriy etilgan (Qishloq xo‘jaligi vazirligining 2019 yil 10 oktyabrdagi 02/023-2965-son ma’lumotnomasi). Natijada ishchi sirti pichoqlar bilan jihozlangan tekislagich-yumshatkichli erlarni ekishga tayyorlaydigan mashina konstruksiyasini ishlab chiqish imkoni yaratilgan;
ishlab chiqilgan tekislagich-yumshatkich bilan jihozlangan erlarni ekishga tayyorlaydigan mashinaning sanoat nusxalarini ishlab chiqarishni o‘zlashtirish uchun loyiha-konstruktorlik hujjatlari (texnikaviy shartlar va chizmalar) «BMKB-Agromash» AJda loyihalash jarayoniga joriy etilgan (Qishloq xo‘jaligi vazirligining 2019 yil 10 oktyabrdagi 02/023-2965-son ma’lumotnomasi). Natijada osma va yuqori manyovrli hamda taklif etilayotgan tekislagich-yumshatkich bilan jihozlangan erlarni ekishga tayyorlaydigan mashinani ishlab chiqarish imkoni yaratilgan;
ishlab chiqilgan ekishga tayyorlaydigan tekislagich-yumshatkich Qishloq xo‘jaligi vazirligi tasarrufidagi fermer xo‘jaliklarida, jumladan Toshkent viloyati Yangiyo‘l, Quyichirchiq va Oqqo‘rg‘on tumanlari fermer xo‘jaliklarida joriy etilgan (Qishloq xo‘jaligi vazirligining 2019 yil 10 oktyabrdagi 02/023-2965-son ma’lumotnomasi). Natijada erlarni ekishga tayyorlashda foydalanishdagi xarajatlar 17,7 foizga, mehnat sarfi 13,6 foizga kamaygan.