Нурмуродов Салохиддин Дусмуродовичнинг
докторлик диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри:«Вольфрамнинг ультрадисперс кукунларидан конструкцион материаллар яратиш», ихтисослик шифри - 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: техника фанлари номзоди.
Диссертация мавзуси рўйхатга олинган рақам: 30.09.2014/В2014.5.Т313.
Диссертация бажарилган муассасалар номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети ва Ўзбекистон Миллий университети ҳузуридаги 16.07.2013.T/FM.02.02 рақамли илмий кенгаш
Расмий оппонентлар: Джумбаев Алижон Бекишевич, техника фанлари доктори, профессор; Михридинов Рискидин Михридинович, техника фанлари доктори, профессор; Абдуллаев Фатхулла Сагдуллаевич, техника фанлари доктори, профессор.
Етакчи ташкилот: Навоий давлат кончилик институти.
Диссертация йўналиши: амалий аҳамиятга молик.
II. Тадқиқотнинг мақсади: Қийин эрийдиган металларнинг ультрадисперс кукунларини ишлатган ҳолда конструкцион материаллар яратиш ва вольфрамнинг ультрадисперс кукунларини саноат миқёсида ишлатиш учун назарий ва амалий асослашдан иборат.
III. Тадқиқотнинг илмий янгилиги:
қийин эрийдиган металларнинг ультрадисперс кукунларини олиш учун янги плазмокимёвий реактор конструкцияси ишлаб чиқилган;
қийин эрийдиган металларнинг майда донали кукунларидан тайёрланган қаттиқ қотишмали материалларни пресслаш ва пишириш технологияси ишлаб чиқилган;
биметалл кесувчи ҳамда штамплаш асбобларини тайёрлаш ва тезкесар пўлатли асбобларнинг термик ишлов бериш усуллари ишлаб чиқилган;
плазмотрон реакторида буғланиш яширин иссиқлиги бир текисда ка-майиши ва жараённинг боришини таъминлайдиган технология ишлаб чиқилган;
биметалл композитлар оптимал структуравий шаклланиши ҳисобига ме-таллга ишлов берувчи асбобларнинг ишончли ишлашини таъминловчи тезкесар пўлатга термик ишлов бериш усули ишлаб чиқилган.
IV. Тадқиқот натижаларининг жорий қилиниши: Қийин эрийдиган металларни водород муҳитида плазмокимёвий тиклаш, вольфрамнинг ультрадисперс кукунларини ишлатган ҳолда янги конструкцион материаллар яратиш бўйича ишлаб чиқилган натижалар асосида:
қийин эрийдиган дисперс материалларни олиш ва улар асосида кесиш ва штамплаш асбобларини тайёрлаш бўйича «Биметалл кесиш ва штамплаш асбобинини тайёрлаш усули»га Ўзбекистон Респуликаси Интеллектуал мулк агентлигининг ихтирога патенти олинган (№ IAP 04728 05.06.2013й.). Ишлаб чиқилган усул конденсация ва газ кўринишидаги материаллардан қийин эрийдиган дисперс материалларни олиш ва улардан асбоблар тайёрлаш имконини берган;
тезкесар пўлатдан ясалган асбобларга термик ишлов бериш бўйича «Тезкесар пўлатдан ясалган асбобларга термик ишлов бериш усули» Ўзбекистон Респуликаси Интеллектуал мулк агентлигининг ихтирога патенти олинган (№ IAP 04531 27.02.2012 й.). Ишлаб чиқилган усул пўлатдан ясалган асбобларга термик ишлов бериш технологиясини такомиллаштириш имконини берган;
қийин эрийдиган дисперсс материалларни олиш учун қўлланиладиган плазмо-кимёвий реактор конструкцияси бўйича «Плазмо-кимёвий реактор» Ўзбекистон Респуликаси Интеллектуал Мулк агентлигининг ихтирога патенти олинган(№ IAP 04732-26.06.2013й.). Ишлаб чиқилган конструкция қийин эрийдиган материаллардан ультрадисперс кукун олиш имконини берган;
вольфрамнинг ультрадисперсс кукунлари асосида янги таркибдаги конструкцион материал ролик ишлаб чиқаришда қўлланилган («Ўзбекистон қаттиқ қотишмалар ва ўтга чидамли материаллар комбинати» акциядорлик жамиятининг 2016 йил 11 мартдаги 16/22-сон маълумотномаси). Илмий натижанинг қўлланиши роликларнинг хизмат муддатини 1,2-1,3 марта ошириш имконини берган.
