Chorieva Sanam Tojievnaning
falsafa doktori (PhD) dissertatsiyasi himoyasi  haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Singulyar koeffisientli aralash turdagi tenglamalar uchun chegaraviy va ichki xarakteristikalarda siljishli shartli masalalar», 01.01.02–Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM224.
Ilmiy rahbar: Mirsaburov Miraxmat, fizika-matematika fanlari doktori, professor.
Dissertatsiya bajarilgan muassasa nomi: Termiz davlat universiteti.
IK faoliyat ko‘rsatayotgan muassasalar nomi, IK raqami: O‘zbekiston Milliy universiteti, DSc.30.09.2019.FM.01.01.
Rasmiy opponentlar: Urinov Axmadjon Kushokovich, fizika-matematika fanlari doktori, professor; Zikirov Obidjon Salijanovich, fizika-matematika fanlari doktori, professor.
Yetakchi tashkilot: Samarqand davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: soha ichida buziladigan giperbolik va aralash turdagi singulyar koeffisientli tenglamalar uchun chegaraviy va ichki xarakteristikalarda Bisadze-Samarskiy, Frankl va siljishli shartli masalalarning korrektligini isbotlashdan iborat.
III. Tadqiqotning ilmiy yangiligi:
soha ichida buziladigan giperbolik tenglama uchun Bisadze-Samarskiy shartli, ya’ni chegaraviy xarakteristikada izlanayotgan echimning qiymatlarini soha ichida yotuvchi ikkita maxsus egri chiziq nuqtalari bilan bog‘lovchi chegaraviy masala echilgan;
soha ichida buziladigan giperbolik tenglama uchun bitta xarakteristikada siljish shartli masala echilgan, masala echimini izlash jarayonida funksional tenglamaga kelinib, tenglama echimi izlanayotgan sinfning muhimligi kontrmisol yordamida ko‘rsatilgan;
singulyar koeffisientli Gellerstedt tenglamasi uchun etishmaydigan Bisadze-Samarskiy shartli masalaning korrektligi isbotlangan;
xarakteristik bo‘lmagan qismida nofredgol`m operator ishtirok etgan va bitta yakkalangan nuqtada birinchi tartibli maxsusligi bo‘lgan Trikomi tipidagi singulyar integral tenglamasini regulyarlashtirish algoritmi tuzilgan;
singulyar koeffisientli aralash tipdagi va aralash tipdagi tenglamalar uchun mos ravishda bitta chegaraviy xarakteristikada va ichki xarakteristikalarda siljishli shartli masalalarning korrektligi isbotlangan.
IV. Tadqiqot natijalarining joriy qilinishi.
Singulyar koeffisientli aralash tipdagi tenglama uchun chegaraviy va ichki xarakteristikalarda siljishli shartli masalalar bo‘yicha olingan natijalar asosida:
nostandart singulyar integral tenglamalarni regulyarlashtirish usuli  0213-2014-0002 raqamli «Ekstremal jarayonlarning aralash tipdagi nolokal differensial tenglamalar ko‘rinishidagi matematik modellari» xalqaro loyihasida singulyar koeffisientli Gellerstedt tenglamalari uchun nolokal` chegaraviy masalalar echimlarini topishda qo‘llanilgan (Rossiya Fanlar akademiyasi Kabardino-Balkar ilmiy markazi Amaliy matematika va avtomatlashtirish institutining 2019 yil  25 sentyabrdagi ma’lumotnomasi). Ilmiy natijaning qo‘llanilishi aralash tipdagi buziluvchan tenglamalar uchun nolokal chegaraviy masalalarini samarali tadqiq etish imkonini bergan;
soha ichida buziladigan giperbolik tenglamalar va singulyar koeffisientli aralash tipdagi tenglamalar uchun nolokal chegaraviy masalalarning korrektligini asoslovchi teoremalar 17-41-020516 raqamli «Suyuqlik va gazlar oqimining matematik modellari va ularning tatbiqlari» xalqaro grant loyihasida aralash tipdagi tenglamalar uchun qo‘yilgan Bisadze-Samarskiy tipidagi masalalarini echishda  qo‘llanilgan (Boshkoqirdistan Avtonom Respublikasi Strategik tadqiqotlar institutining 2019 yil 12 sentyabrdagi  85-son ma’lumotnoma). Natijaning qo‘llanilishi nostandart Trikomi tipidagi singulyar integral tenglamalar echimini oshkor ko‘rinishda yozish imkonini bergan.