Мўминова Раъно Далабаевнанинг
фалсафа доктори (PhD) диссертацияси  ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Помидор экинида ACARIPHORMES туркуми вакилларининг зарари ва улар миқдорини бошқаришни такомиллаштириш”, 06.01.09 –Ўсимликларни ҳимоя қилиш (қишлоқ хўжалиги фанлари).
Диссертация мавзуси рўйхатга олинган рақам: B2019.4.PhD/Qx303.
Илмий раҳбар: Маматов Камол Шавқиевич, биология фанлари номзоди, катта илмий ходим.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса (муассасалар) номи, ИК рақами: Тошкент давлат аграр университети, DSc.27.06.2017.Qx.13.01.
Расмий оппонентлар: Ходжаев Шамиль Турсунович, қишлоқ хўжалиги фанлари доктори, профессор; Бобобеков Қаландар, биология фанлари номзоди, доцент.
Етакчи ташкилот: Сабзавот, полиз экинлари ва картошкачилик илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Республикамизнинг Тошкент вилояти шароитида помидорда Acariphormes туркуми вакилларининг тур таркиби, биоэкологик хусусиятлари, тарқалиши, зарарлилик даражасини аниқлаш ва уларга қарши уйғунлашган кураш чораларини такомиллаштиришдан иборат.
III. Тадқиқотнинг илмий янгилиги:
помидор экинида каналарнинг биоэкологик хусусиятлари ва популяцияларининг шаклланиши ўрганилиб, иқтисодий зарарлилик миқдор мезони ишлаб чиқилган;
помидор агробиоценозида каналар табиий энтомофагларининг тур таркиби ва уларнинг самарадорлиги аниқланган;
каналарнинг сонини бошқаришда янги турдаги акарицидлар ўрганилиб, уларни ишлатишни мақбул муддати ва меъёрлари ҳамда ишлатиш технологияси яратилган;
помидор экини агробиоценозида Acariphormes туркумига мансуб зараркунандаларга қарши биологик, ҳамда кимёвий воситаларнинг биологик, хўжалик ва иқтисодий самарадорлиги аниқланган.
IV. Тадқиқот натижаларининг жорий қилиниши.
Помидор экини агробиоценозида зарарли каналарнинг миқдорини бошқариш бўйича олиб борилган тадқиқот натижалари асосида:
помидорда каналарга қарши бир қатор истиқболли замонавий акарицидлар ўрганилиб, ижобий баҳо олганлари амалий тавсия қилинган (Вертумек 3,6% эм.к. (0,2 л/га), Абамин, 5% (0,1 л/га), Калито, 18,6 % эм.к. (0,225 л/га), Энтомектин Экстра, 3,6 % сус.к. (0,15 л/га), Коло, 50% сус.п. (1,0 л/га), Benthos 1,8% эм.к. (0,5 л/га), Римон Фаст, 10% сус.к.(0,3-0,7 л/га) ва жорий этилган (Ўзбекистон Республикаси кимёлаштириш ва ўсимликларни ҳимоя қилиш воситалари давлат комиссиясининг 2019 йил 12 февралдаги 2-6/1-41-сон маълумотномаси) Натижада уларнинг ишлатиш регламентлари белгиланган;
помидор экинида занг кана ва ўргимчакканага қарши янги кимёвий препаратларни Қибрай тумани «Бекпўлат Агро Омад» ва Тошкент тумани «Sevara brend stylе» фермер хўжаликларида жами 24,5 гектар майдонга жорий этилган (Қишлоқ хўжалиги вазирлигининг 2019 йил 16 майдаги 02/023-204-сон маълумотномаси). Натижада ушбу препаратлар қўлланилганда 85,0-93,4% биологик самарадорликка эришилган ҳамда гектаридан назоратга нисбатан ўртача 13,2-13,5 тонна помидор ҳосили сақлаб қолиш имкони яратилган.