Максудова Фируза Хуршидовнанинг
докторлик диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Диклофенак натрий дори препаратларининг таркиби ва технологиясини такомиллаштириш, уларнинг биофармацевтик кўрсаткичларини баҳолаш», 15.00.01–Дори технологияси ва фармацевтика ишларини ташкил этиш (фармацевтика фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /катта илмий ходим-изланувчи/.
Диссертация мавзуси рўйхатга олинган рақам: 30.09.2014/В2014.5.Far13.
Илмий маслаҳатчи: Кариева Ёқут Саидкаримовна, фармацевтика фанлари доктори, доцент.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, 16.07.2013.Far.21.01.
Расмий оппенентлар: Садиков Турғун, техника фанлари доктори; Юнусова Халида Маннановна, фармацевтика фанлари доктори, профессор; Зайнутдинов Умаржон Насрутдинович, кимё фанлари доктори, профессор.
Етакчи ташкилот номи: Ўзбекистон кимё-фармацевтика илмий-тадқиқот институти
Диссертация йўналиши: назарий ва амалий аҳамиятга молик.
II. Тадқиқотнинг мақсади диклофенак натрийнинг самарали, узоқ муддат сақланганда турғун монофаол ҳамда комбинирланган дори препаратларини таркиби ва технологиясини ишлаб чиқишдан иборат.
III. Тадқиқотнинг илмий янгилиги:
илк бор ностероид яллиғланишга қарши таъсирга эга бўлган гель, ичакда эрувчи таблетка ва капсула дори турлари кўринишидаги монофаол ва комбинирланган дори препаратлари таркиби ва технологияси ишлаб чиқилган;
ишлаб чиқилган гел ва капсула дори турларидан қўлланилаётган ёрдамчи моддаларнинг таъсир этувчи моддаларни ажралиб чиқишига таъсири аниқланган;
яратилган диклофенак натрий таблеткалари учун биоэквивалентлик концепциясидан келиб чиқиб илк бор «Biowaver» тартибини қўллаган ҳолда референт препарат билан терапевтик ўзаро алмашинуви назарий асосланган ва тажрибада тасдиқланган;
таклиф этилаётган дори препаратлари учун сифат ва миқдорий кўрсаткичларни турғунлигини таъминловчи сақланиш шароитлари ва яроқлилик муддатлари белгиланган;
ишлаб чиқилган дори препаратларининг специфик фаоллиги ва безарарлиги аниқланган.
IV. Тадқиқот натижаларининг жорий қилиниши.
Диклофенак натрий дори препаратлари таркиби ва технологиясини такомиллаштириш ҳамда уларнинг биофармацевтик кўрсаткичларини баҳолаш бўйича олинган илмий натижалар асосида:
диклофенак натрийнинг 25 мг ва 50 мг таблеткалари (НД 42 Уз-8773-2012) ҳамда диклофенак натрийнинг 3% гели учун меъёрий ҳужжатлар (ФСП 42 Уз-22175941-1680-2015) Дори воситалари ва тиббий техника сифатини назорат қилиш Бош бошқармаси томонидан тасдиқланган (2012 йил 15 мартдаги 5-сон ва 2015 йил 23 декабрдаги 28-сон буйруқлари);
диклофенак натрийнинг 25 мг ва 50 мг таблеткалари ҳамда 3% гели Соғлиқни сақлаш вазирлиги томонидан тиббиёт амалиётида кенг қўллашга рухсат берилганлигига асосан (2012 йил 28 мартдаги 81-сон ва 2015 йил 25 декабрдаги 93-сон буйруқлари), уларни «Remedy Group» МЧЖ ҚКда ишлаб чиқариш йўлга қўйилган. Ушбу дори препаратларини ишлаб чиқариш уларнинг ассортиментини кенгайтиради ва импорт ўрнини босади. Бугунги кунгача диклофенак натрийнинг ичакда эрийдиган 25 мг ва 50 мг таблеткаларини 9 712 ва 9 658 қадоқлари ҳамда 189 198 қадоқ 3%ли гели ишлаб чиқарилган;
диклофенак натрийнинг 25 мг ва 50 мг ичакда эрийдиган таблеткаларига (ПР 42-Уз-03873/22175941-1765-2014) ва диклофенак натрийнинг 3% гелига (ПР 42-Уз-03873/22175941-1763-2014) саноат ишлаб-чиқариш регламентлари ҳамда диклофенак натрий ҳамда бензкетозоннинг комбинирланган гели ва капсуласига тажриба саноат ишлаб-чиқариш регламентлари ишлаб чиқилган ва тасдиқланган.
