Maksudova Firuza Xurshidovnaning

doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Diklofenak natriy dori preparatlarining tarkibi va texnologiyasini takomillashtirish, ularning biofarmatsevtik ko‘rsatkichlarini baholash», 15.00.01–Dori texnologiyasi va farmatsevtika ishlarini tashkil etish (farmatsevtika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /katta ilmiy xodim-izlanuvchi/.

Dissertatsiya mavzusi ro‘yxatga olingan raqam: 30.09.2014/B2014.5.Far13.

Ilmiy maslahatchi: Karieva Yoqut Saidkarimovna, farmatsevtika fanlari doktori, dotsent.

Dissertatsiya bajarilgan muassasa nomi: Toshkent farmatsevtika instituti.

IK faoliyat ko‘rsatayotgan muassasa nomi, IK raqami: Toshkent farmatsevtika instituti, 16.07.2013.Far.21.01.

Rasmiy oppenentlar: Sadikov Turg‘un, texnika fanlari doktori; Yunusova Xalida Mannanovna, farmatsevtika fanlari doktori, professor; Zaynutdinov Umarjon Nasrutdinovich, kimyo fanlari doktori, professor.

Yetakchi tashkilot nomi: O‘zbekiston kimyo-farmatsevtika ilmiy-tadqiqot instituti

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi diklofenak natriyning samarali, uzoq muddat saqlanganda turg‘un monofaol hamda kombinirlangan dori preparatlarini tarkibi va texnologiyasini ishlab chiqishdan iborat.

    III. Tadqiqotning ilmiy yangiligi:

ilk bor nosteroid yallig‘lanishga qarshi ta’sirga ega bo‘lgan gel`, ichakda eruvchi tabletka va kapsula dori turlari ko‘rinishidagi monofaol va kombinirlangan dori preparatlari tarkibi va texnologiyasi ishlab chiqilgan;

ishlab chiqilgan gel va kapsula dori turlaridan qo‘llanilayotgan yordamchi moddalarning ta’sir etuvchi moddalarni ajralib chiqishiga ta’siri aniqlangan;

yaratilgan diklofenak natriy tabletkalari uchun bioekvivalentlik konsepsiyasidan kelib chiqib ilk bor «Biowaver» tartibini qo‘llagan holda referent preparat bilan terapevtik o‘zaro almashinuvi nazariy asoslangan va tajribada tasdiqlangan; 

taklif etilayotgan dori preparatlari uchun sifat va miqdoriy ko‘rsatkichlarni turg‘unligini ta’minlovchi saqlanish sharoitlari va yaroqlilik muddatlari belgilangan;

ishlab chiqilgan dori preparatlarining spesifik faolligi va bezararligi aniqlangan.

    IV. Tadqiqot natijalarining joriy qilinishi.

Diklofenak natriy dori preparatlari tarkibi va texnologiyasini takomillashtirish hamda ularning  biofarmatsevtik ko‘rsatkichlarini baholash bo‘yicha olingan ilmiy natijalar asosida:

diklofenak natriyning 25 mg va 50 mg tabletkalari (ND 42 Uz-8773-2012) hamda diklofenak natriyning 3% geli uchun me’yoriy hujjatlar (FSP 42 Uz-22175941-1680-2015) Dori vositalari va tibbiy texnika sifatini nazorat qilish Bosh boshqarmasi tomonidan tasdiqlangan (2012 yil 15 martdagi 5-son va 2015 yil 23 dekabrdagi 28-son buyruqlari);

diklofenak natriyning 25 mg va 50 mg tabletkalari hamda 3% geli  Sog‘liqni saqlash vazirligi tomonidan tibbiyot amaliyotida keng qo‘llashga ruxsat berilganligiga asosan (2012 yil 28 martdagi 81-son va 2015 yil 25 dekabrdagi 93-son buyruqlari), ularni «Remedy Group» MChJ QKda ishlab chiqarish yo‘lga qo‘yilgan. Ushbu dori preparatlarini ishlab chiqarish ularning assortimentini kengaytiradi va import o‘rnini bosadi. Bugungi kungacha diklofenak natriyning ichakda eriydigan 25 mg va 50 mg  tabletkalarini 9 712 va 9 658 qadoqlari hamda 189 198 qadoq 3%li geli ishlab chiqarilgan;

diklofenak natriyning 25 mg va 50 mg ichakda eriydigan tabletkalariga (PR 42-Uz-03873/22175941-1765-2014) va diklofenak natriyning 3% geliga (PR 42-Uz-03873/22175941-1763-2014) sanoat ishlab-chiqarish reglamentlari hamda diklofenak natriy hamda benzketozonning kombinirlangan geli va kapsulasiga tajriba sanoat ishlab-chiqarish reglamentlari ishlab chiqilgan va tasdiqlangan.