Хушвакова Нилюфар Журакуловнанинг
докторлик диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри: «Болаларда ирсий носиндромал нейросенсор гарангликнинг клиник ва молекуляр генетик жиҳатлари», 14.00.04–оториноларингология (тиббиёт фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: тиббиёт фанлар номзоди.
Диссертация мавзуси рўйхатга олинган рақам: 30.09.2014/Б2014.5.Tib349
Илмий маслаҳатчининг Ф.И.Ш., илмий даражаси ва унвони: Хакимов Абдумалик Махмудович, тиббиёт фанлари доктори, профессор.
Диссертация бажарилган муассаса номи: Самарқанд тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, 16.07.2013.Tib.17.01
Расмий оппонентлар Ф.И.Ш., илмий даражаси ва унвони: Бюнг Йоон Чой, тиббиёт фанлари доктори, профессор; Косяков Сергей Яковлевич, тиббиёт фанлари доктори, профессор; Маткулиев Хаитбой Маткулиевич, тиббиёт фанлари доктори, профессор.
Етакчи ташкилот номи: Вена Тиббиёт Университети (Австрия).
Диссертация йўналиши: амалий аҳамиятга молик.
II. Тадқиқотнинг мақсади: болаларда учрайдиган нейросенсор гаранглик нинг носиндромал турини Сх26 ген мутацияси билан боғлиқлигини асослаш ва ушбу хасталикни даволаш тактикасини оптималлаштиришдан иборат
III. Диссертациянинг илмий янгилиги:
болаларда ННСГнинг клиник-генетик хусусиятларига кўра учраш даражаси ва болалар касалликлари таркибида эшитишнинг пасайишига олиб келувчи ирсий омилларнинг таъсири аниқланган;
болаларда ННСГ оғирлашишида эшитиш даражаси, хасталикнинг бошланиш даври ва Сх26 гени мутацияларининг шикастловчи спектрларини ўзаро боғлиқлиги асосланган;
инбридинг (қариндошлар ўртасидаги никоҳ) муҳитида 35delG мутациялари нинг учраш даражаси панмикс муҳитдаги тегишли мутацияларга қарши таъсир қилиши, оғирлашмаган анамнезли оилаларни ажратишда инбридинг мутациянинг етакчи омили эканлиги исботланган;
носиндромал нейросенсор гарангликнинг генетик гетерогенлигини эрта ташхислаш ва оптимал даволаш учун алоҳида нозологик шакл сифатида гуруҳга ажратиш кераклиги асосланган.
IV. Тадқиқот натижаларининг жорий қилиниши:
Нейросенсор гарангликни эрта ташхислаш ва даволаш мониторинги ҳамда прогнози бўйича ишлаб чикилган мезони соғлиқни сақлаш амалиётига, жумладан, Самарқанд давлат тиббиёт институти клиникаси ва Самарқанд вилоят кўп тармоқли болалар тиббиёт марказида амалиётга татбиқ қилинган (Соғлиқни сақлаш вазирлигининг 2016 йил 13 апрельдаги 8Н-3/54-сон маълумотномаси). ННСГ болаларни стационарда бўлиш муддати, дори-дармонларга талаби, ногиронлик нафақаси тўлови ва реабилитация муддати қисқариши билан самара берди. ННСГда 35delGнинг генетик мутациясини аниқланиши эшитишни самарали протезлаш ва кохлеар имплант (КИ) учун кўрсатма бўла олади ва реабилитация кўрсаткичларини яхшилайди.
