Yuldashev Maqsudjon Abdullaevichning

doktorlikdissertatsiyasihimoyasihaqidae’lon

    I. Umumiy ma’lumotlar.

Dissertatsiya mavzusi, ixtisoslik shifri: «Xalq ta’limi xodimlarining malakasini oshirishda ta’lim sifati menejmentini takomillashtirish», 13.00.01 – Pedagogika nazariyasi va tarixi. Ta’limda menejment (pedagogika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: iqtisodiyot fanlari nomzodi.

Dissertatsiya mavzusi ro‘yxatga olingan raqam: 31.03.2016/B2016.1.Ped73.

Ilmiy maslahatchi: U.I.Inoyatov, pedagogika fanlari doktori, professor.

Dissertatsiya bajarilgan muassasa nomi: O‘zbekiston pedagogika fanlari ilmiy-tadqiqot instituti.

IK faoliyat ko‘rsatayotgan muassasa nomi, IK raqami: Toshkent davlat pedagogika universiteti huzuridagi fan doktori ilmiy darajasini beruvchi 16.07.2013.Ped.04.01.

Rasmiy opponentlar:p.f.d., professor Quronov Muhamadjon, p.f.d., professor Abduqodirov Abduqahhor,p.f.d., professor Sazali Yusuf (Sazali Yusoff, Malayziya).

Etakchi tashkilot:Chonnam Milliy Universiteti, Koreya Respublikasi.

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi xalq ta’limi xodimlarining malakasini oshirishda ta’lim sifati menejmentini takomillashtirishdan iborat.

    III. Tadqiqotning ilmiy yangiligi:

xalq ta’limi rahbar xodimlarining (boshqaruv idoralari va muassasa rahbarlari) malakasini oshirish ta’limi mazmuni va sifatiga qo‘yiladigan davlat talablari kasbiy faoliyat xususiyatlari e’tiborga olingan holda ishlab chiqilgan;

XTXMOdan keyingi faoliyati samaradorligi monitoringi mexanizmi professional faoliyat natijasi, o‘quvchilarning bilim darajasi va kasbiy rivojlanishi mezonlariga asoslangan holda takomillashtirilgan;

XTXMO muassasasining ta’lim sifatini maqsadli boshqarishda me’yoriy-metodik hujjatlarni ishlab chiqish/nazoratini amalga oshirish, ta’lim jarayoni sifatini uzluksiz baholab borish hamda ilg‘or pedagogik texnologiyalarni joriy etish samaradorligini oshirish yuzasidan takliflar asoslab berilgan;

XTXMO ta’lim muassasasi sifat menejmenti tizimi o‘zini-o‘zi baholash mexanizmi asosida takomillashtirilgan.

    IV. Tadqiqot natijalarining joriy qilinishi. XTXMO ta’lim sifati menejmentini takomillashtirish yuzasidan ishlab chiqilgan uslubiy va amaliy takliflar asosida:

XTXMO ta’lim muassasalari faoliyatini takomillashtirish va ta’lim sifatini oshirishga doir takliflardan Vazirlar Mahkamasining 2014 yil 15 avgustdagi 234-son «Xalq ta’limi xodimlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida»gi qarorining 1, 3, 5 va 6-ilovalari bilan tasdiqlangan me’yoriy hujjatlarni tayyorlashda foydalanilgan (Xalq ta’limi vazirligining 2016 yil 10 fevraldagi 02-02/1-8-446-son ma’lumotnomasi). Mazkur takliflar XTXMO muassasalarining tashkiliy tuzilmasi va o‘quv-uslubiy ta’minotini takomillashtirish asosida ta’lim sifatini oshirishga imkon yaratdi;

XTXMO tizimida chet tillar o‘qituvchilarining kasb mahoratini maqsadli oshirib borish bo‘yicha takliflardan Vazirlar Mahkamasining 2015 yil 25 martdagi 67-son «Umumta’lim muassasalarining chet tillar o‘qituvchilari malakasini va kasb mahoratini oshirishga doir qo‘shimcha chora-tadbirlar to‘g‘risida»gi qarori bilan tasdiqlangan me’yoriy hujjatlarni tayyorlashda foydalanilgan (Xalq ta’limi vazirligining 2016 yil 7 apreldagi 02-02/1-8-993-son ma’lumotnomasi). Takliflarning joriy qilinishi xalq ta’limi tizimida faoliyat ko‘rsatayotgan  chet tili o‘qituvchilarining ishlab chiqarishdan ajralmagan holda kasbiy mahoratini oshirib borish mexanizmini takomillashtirish imkoniyatini yaratgan;

XTXMO tizimida sifat va samaradorlikni oshirishga doir takliflardan «Xalq ta’limi muassasalari rahbar va pedagog kadrlari malakasini oshirish va qayta tayyorlash mazmuni hamda sifatiga qo‘yiladigan Davlat talablari»ni ishlab chiqishda foydalanilgan (O\'zStandart Davlat agentligida 2013 yil 5 martda O\'zDSt 2767:2013 3523-qayd raqami bilan ro‘yxatga olingan). Mazkur Davlat talablarining joriy etilishi tizimdagi barcha malaka oshirish ta’lim muassasalarida ta’lim jarayonlarini yagona yondashuv asosida tashkil etishni ta’minlagan;

tinglovchilarning malaka oshirishdan keyingi faoliyati samaradorligi monitoringini takomillashtirishga doir takliflardan Xalq ta’limi vazirligining 2015 yil 28 fevraldagi 53-son buyrug‘i bilan tasdiqlangan «Xalq ta’limi xodimlarini qayta tayyorlash va ularning malakasini oshirish ta’limi muassasalarida tinglovchilarning malaka oshirishdan keyingi faoliyati samaradorligi monitoringini olib borish tartibi to‘g‘risida»gi nizomni tayyorlashda foydalanilgan (Xalq ta’limi vazirligining 2016 yil 7 apreldagi 02-02/1-8-993-son ma’lumotnomasi). Mazkur monitoring natijalari kurslardagi ta’lim jarayonlarini ehtiyojlarga asoslangan holda takomillashtirib borishga xizmat qiladi;

malaka oshirish ta’lim muassasalarida ta’lim sifati nazoratini takomillashtirish bo‘yicha takliflardan Xalq ta’limi vazirligining 2015 yil 20 martdagi 88-son buyrug‘i bilan tasdiqlangan «Xalq ta’limi xodimlarini qayta tayyorlash va ularning malakasini oshirish sifatini nazorat qilish tartibi to‘g‘risidagi nizom»ni tayyorlashda foydalanilgan (Xalq ta’limi vazirligining 2016 yil 10 fevraldagi 02-02/1-8-446-son ma’lumotnomasi). Mazkur nizom malaka oshirish ta’limining ichki va tashqi nazoratini amalga oshirishni yagona yondashuv asosida tashkil etish imkoniyatini yaratgan.