Abduraxmonov Otabek Baxtiyorovichning
doktorlikdissertatsiyasihimoyasihaqidae’lon
I. Umumiyma’lumotlar.
Dissertatsiya mavzusi, ixtisoslik shifri: «Burun-halqum angiofibromasini tashxislash va davolashning klinik-patogenetik xususiyatlari», 14.00.04 – Otorinolaringologiya (tibbiyot fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /katta ilmiy xodim izlanuvchi/.
Dissertatsiya mavzusi ro‘yxatga olingan raqam: 30.09.2014/B2014.3-4.Tib19.
Ilmiy maslahatchining F.I.Sh., ilmiy darajasi va unvoni: Djabbarov Karim Djabbarovich, tibbiyot fanlari doktori, professor.
Dissertatsiya bajarilgan muassasa nomi: Toshkent vrachlar malakasini oshirish instituti.
IK faoliyat ko‘rsatayotgan muassasa nomi, IK raqami: Toshkent tibbiyot akademiyasi, 16.07.2013.Tib.17.01.
Rasmiy opponentlarning F.I.Sh., ilmiy darajasi va unvoni: Kvang X`yun Kim, tibbiyot fanlari doktori, professor; Polyakov Vladimir Georgievich, tibbiyot fanlari doktori, professor, akademik; Kasimov Kabul Kasimovich, tibbiyot fanlari doktori, professor.
Etakchi tashkilot: Grats Tibbiyot Universiteti (Avstriya).
Dissertatsiya yo‘nalishi: amaliy ahamiyatga molik.
II. Tadqiqotning maqsadi. BHAning rivojlanish va residivlanish xususiyatlarini o‘rganishda klinik-patogenetik, molekulyar-genetik tekshirishlar afzalligini asoslash hamda olingan natijalar asosida tashxislash va operatsiya usulini takomillashtirish.
III. Tadqiqotning ilmiy yangiligi:
burun-halqum angiofibromasida gen-supressor R53, qon tomir endoteliy o‘sish omili (VEGF-A) hamda nitrooksisitetaza (NOS-3) genlaridagi o‘zgarishlarni o‘rganish orqali kasallik kechishi, o‘sma qaytalanishining yuzaga kelishi ushbu genlar polimorfizmiga bog‘liq ekanligi aniqlangan;
burun-halqum angiofibromasida aniqlangan gormonal, interferon oqsili hamda morfologik o‘zgarishlar asosida kasallik rivojlanishida prognostik ahamiyatga ega bo‘lgan mezonlar asosida diagnostik algoritm ishlab chiqilgan;
ilk bor kasallik kechishi va qaytalanishini prognozlash uchun o‘sma o‘sish faolligining patogenetik mezonlari aniqlangan;
burun-halqum angiofibromasini takomillashtirilgan (modifikatsiya qilingan) transmaksillyar operatsiya usuli davolash natijalarini sezilarli yaxshilashi, qon yo‘qotishlar hajmi va o‘sma qaytalanishining takrorlanish darajasi (chastotasi)ni kamaytirishi isbotlangan.
IV. Tadqiqot natijalarining joriy qilinishi.
Burun-halqum angiofibromasining davosini monitoring qilish va residivini prognozlash uchun ishlab chiqilgan diagnostik va davo algoritmi bo‘yicha olingan tadqiqot natijalari sog‘liqni saqlash amaliyotiga, jumladan, Samarqand davlat tibbiyot instituti klinikasi va Qashqadaryo viloyati onkologiya dispanseri amaliyotiga tatbiq qilingan (Sog‘liqni saqlash vazirligining 2015 yil 16 dekabrdagi 8N-d/72-son ma’lumotnomasi). Joriy qilingan davo natijalari o‘sma qaytalanishi chastotasini 2 marta (7,1%gacha), qon ketish miqdorini 1,5 barobarga, tashxislash usuli esa xavflilik darajasini 97% dan 60% ga kamaytirish bilan birga, bemorlar hayot sifatini yaxshilash imkonini bergan.