Маткаримов Соҳибжон Турдалиевичнинг

фалсафа доктори  (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Пўлат эритиш шлакларини қайта ишлашнинг чиқиндисиз технологиясини ишлаб чиқиш», 05.02.01–Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси  (Қуймачилик ва металларга ишлов бериш йўналиши бўйича) (техника фанлари).

Диссертация мавзуси рўйхатга олинган рақам: B2018.2.PhD/T722.

Илмий раҳбар: Юсупходжаев Анвар Абдуллаевич, техника фанлари доктори, профессор.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассасалар номи, ИК рақами: Тошкент давлат техника университети ва Ўзбекистон Миллий университети, DSc. 28.02.2018.Т.03.04.

Расмий оппонентлар: Абдуллаев Фатхулла Сагдуллаевич, техника фанлари доктори, профессор; Мамарахимов Хамза Мамаджанович, техника фанлари номзоди, доцент.

Етакчи ташкилот: “Олмалиқ кон-металлургия комбинати” акциядорлик жамияти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: пўлат эритиш шлакларини қайта ишлашнинг чиқиндисиз технологиясини ишлаб чиқишдан иборат.

III. Тадқиқотнинг илмий янгилиги:

қора металлургия шлакларидан темир ва унинг бирикмаларини ажратиб олишда гравитацион усулдан фойдаланишнинг оптимал йириклик даражаси аниқланган;

пўлат эритиш шлакларидан концентрацион стол ёрдамида FeO, Fe2O3, Fe ларни ажратиб олиш технологияси ишлаб чиқилган;

рудаёқилғили окатишларни тикловчи муҳитда термик ишлов бериш жараёнида кечадиган физик-кимёвий жараёнлар аниқланган;

рудаёқилғили окатишларни тикловчи муҳитда термик ишлов беришда Ангрен қўнғир кўмирини қўллаш технологияси ишлаб чиқилган;

пўлат эритиш шлакларини қайта ишлаш давомида кечадиган механик, кимёвий ва физик-кимёвий жараёнларнинг технологик кўрсаткичлари аниқланган.

IV. Тадқиқот натижаларининг жорий қилиниши.

Пўлат эритиш шлакларини қайта ишлашнинг чиқиндисиз технологияси бўйича олинган илмий натижалар асосида:

пўлат эритиш шлакларини гравитацион усулда бойитиш технологияси «Ўзметкомбинат» АЖга жорий қилинган («Ўзметкомбинат» АЖнинг 2019 йил 22 январдаги 01/03-02-02-40-сон маълумотномаси). Натижада гравитацион усулда бойитиш учун пўлат эритиш шлакларининг йириклик даражаси 0,1 мм гача бўлиши лозимлиги аниқланган;

пўлат эритиш шлакларидан темир ва унинг бирикмаларини концентрацион стол ёрдамида ажратиб олиш технологияси «Ўзметкомбинат» АЖга жорий қилинган («Ўзметкомбинат» АЖнинг 2019 йил 22 январдаги 01/03-02-02-40-сон маълумотномаси). Натижада пўлат эритиш шлакларини концентрацион столда бойитиш билан FeO, Fe2O3, Fe ажратиб олиш кўрсаткичлари FeO+Fe2O3-63,0; Fe-78,2% га ошириш имкони яратилган;

рудаёқилғили окатишларни тикловчи муҳитда термик ишлов беришда Ангрен қўнғир кўмирини қўллаш технологияси «Ўзметкомбинат» АЖга жорий қилинган («Ўзметкомбинат» АЖнинг 2019 йил 22 январдаги 01/03-02-02-40-сон маълумотномаси). Натижада металлашган хомашё олишда маҳаллийлаштириш имкони яратилган;

пўлат эритиш шлакларини қайта ишлашнинг технологик схемаси «Ўзметкомбинат» АЖга жорий қилинган («Ўзметкомбинат» АЖнинг 2019 йил 22 январдаги 01/03-02-02-40-сон маълумотномаси). Натижада ушбу технология комбинатга йилига 5000 тонна металлашган темир ва 13000 тонна темир оксидлари (FeO, Fe2O3) олишга эришилган.