Халиков Сарвар Пулатовичнинг

фан доктори (DSc) диссертацияси ҳимояси хақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Трахеянинг чандиқли торайишида диагностика алгоритмини ва жарроҳлик даволаш чораларини такомиллаштириш», 14.00.27–Хирургия (тиббиёт фанлари).

Диссертация мавзуси рўйхатга олинган рақам: В2017.3.DSc/Tib244.

Илмий маслаҳатчи: Беркинов Улуғбек Базарбоевич, тиббиёт фанлари доктори, доцент.

Диссертация бажарилган муассаса номи: Тошкент тиббиёт академияси.

ИК фаолият кўрсатаётган муассаса номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.

Расмий оппонентлар: Паршин Владимир Дмитриевич, тиббиёт фанлари доктори, профессор; Худайбергенов Шухрат Нурматович, тиббиёт фанлари доктори; Акилов Хабибулла Атауллаевич, тиббиёт фанлари доктори, профессор.

Етакчи ташкилот: Б.В. Петровский номидаги Хирургия илмий маркази федерал давлат илмий бюджет ташкилоти (Россия Федерацияси).

Диссертация йўналиши: илмий ва амалий ахамиятга молик.

II. Тадқиқотнинг мақсади: трахея чандиқли торайишли беморларни ташхислаш алгоритми ва жарроҳлик усулида даволаш тактикасини оптималлаштириш йўли билан даволаш натижаларини яхшилашдан иборат.

III. Тадқиқотнинг илмий янгилиги:

нафас йўлларининг юқори қисми чандиқли торайишларида, фистула ҳудудида яллиғланиш жараёни ривожланиш хавфини камайтириш мақсадида, турли диаметрли аъзолар деворларини мослаштиришга мўлжалланган трахея-ҳалқум анастомозини қўйиш усули ишлаб чиқилган;

трахея ва ҳалқум чандиқли торайишини циркуляр резекциясидан кейин ҳосил қилинган оқма қирраларини тикиш учун бирлаштириладиган тўқималарни ўзаро мослаш ва чоклар орасига бошқа тўқималар тушиб қолиш хавфини камайтириш усули ишлаб чиқилган;

патологик жараённинг тарқалишини баҳолаш ва нафас йўлларининг чандиқли зарарланишларида прогрессив шикастловчи динамик ўзгаришларнинг баҳоланишини ҳисобга олган ҳолда трахея чандиқли торайишларини шакллантиришнинг клиник ва патогенетик хусусиятлари аниқлаштирилган;

патологик жараённинг проксимал қисмида реконструктив пластик амалиётлардан сўнг трахея чандиқли торайишининг дистал қисмини босқичма-босқич циркуляр резекция қилиш нафас йўлларини қониқарли тикланишига имкон бериши исботланган;

нафас йўллари мультифокал зарарланишларини реконструктив тиклаш усулини танлаш учун клиник-ташхислаш мезонлари чандиқ жараёнининг сабаби, тури ва давомийлиги бўйича аниқланган.

IV. Тадқиқот натижаларининг жорий қилиниши.

Трахея чандиқли торайиши бўлган беморларни юқори технологик жарроҳлик усулида даволаш сифатини яхшилашга бағишланган тадқиқот бўйича олинган илмий натижалар асосида:

ишлаб чиқилган “Трахея юқори чандиқли торайишларида трахея-ҳалқум анастомозлари қўйиш усули»га Интеллектуал мулк агентлигининг ихтирога патенти олинган (IAP 05200-сон патент). Таклиф этилган усулнинг қўлланилиши амалиётдан кейинги асоратларни 36% дан 7,8% гача камайтириш ва 72,0% дан натижаларни 94,1% гача ошириш имконини берган;

ишлаб чиқилган «Трахея чандиқли торайишларини циркуляр резекциясидан кейин трахея-ҳалқум анастомозларида чокларни қўйиш усули»га Интеллектуал мулк агентлигининг ихтирога патенти олинган (IAP 05550-сон патент). Бундай ҳолатларда тавсия этилган усулни қўллаш амалиётдан кейинги асоратлар сонининг 8,2% дан 1,9% гача камайтириш имконини берган;

“Трахея чандиқли торайишини жарроҳлик йўли билан даволаш усуллари” ва “Трахея травмалари” услубий тавсияномалари тасдиқланган (Соғлиқни сақлаш вазирлигининг 2019 йил 30 апрелдаги 8н-з/56-сон маълумотномаси). Таклиф этилган тавсиялар эндоскопик ва жарроҳлик усулларининг самарадорлигини ошириш ва имкониятларини кенгайтириш, амалиётдан кейинги асоратларнинг частотасини пасайтириш, шунингдек амалиётдан кейинги яқин ва узоқ даврда яхши натижаларга эришиш имконини берган;

трахея чандиқли торайишили беморларда юқори технологик хирургик ёрдам сифатини яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, Тошкент тиббиёт академиясининг II ва III клиникалари амалий фаолиятига (Соғлиқни сақлаш вазирлигининг 2019 йил 30 апрелдаги 8н-з/56-сон маълумотномаси) татбиқ этилган. Трахея чандиқли торайишини жарроҳлик усулида даволашда тавсия этилган алгоритм ва янги усуллари ихтисослаштирилган тиббий ёрдам турини кенгайтиришга ва умуман даволашнинг умумий самарадорлигини 77,2% дан 91,6% гача ошириш имконини берган.