Захидова Нодира Эркиновнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Преэклампсия ривожланиш хавфини прогнозловчи мультифакторли алгоритмларини ишлаб чиқиш», 14.00.20–Тиббий генетика (тиббиёт фанлари).
Диссертация мавзуси рўйхатга олинган рақам: В2017.3.PhD/Tib382.
Илмий раҳбар: Хегай Татьяна Рудольфовна, тиббиёт фанлари доктори.
Диссертация бажарилган муассаса номи: Иммунология ва инсон геномикаси институти.
ИК фаолият кўрсатаётган муассаса номи, ИК рақами: Иммунология ва инсон геномикаси институти, DSc.30.08.2018.Tib.50.01.
Расмий опонентлар: Мухамедов Рустам Султанович, биология фанлари доктори, профессор; Каримова Феруза Джавдатовна, тиббиёт фанлари доктори, профессор.
Етакчи ташкилот: Тиббий-генетика илмий маркази давлат федерал бюджет илмий корхонаси (Россия).
Диссертация йўналиши: назарий ва амалий аҳамиятга молик.
II. Тадқиқотни мақсади: преэклампсия ривожланиш хавфини прогнозловчи мултифакторли алгоритмларни ишлаб чиқишдан иборат.
III. Тадқиқотнинг илмий янгилиги:
илк бор преэклампсия ривожланишида иштирок этувчи (АСЕ, FLT1, MECOM) генларининг аллел вариантлари ва генотиплари учраши даражаси аниқланган;
илк бор ўзбек миллатига хос аёлларда преэклампсия ривожланиши артериал босимни бошқарувчи (АСЕ) генининг rs4646994 полиморфизми билан боғлиқлиги исботланган;
илк бор ўзбек популяциясида преэклампсия келиб чиқиши эндотелиал ўзгаришларга олиб келувчи (FLT1) геннинг rs1185049 полиморфизми билан боғлиқлиги исботланган;
илк бор преэклампсия ривожланишида иштирок этувчи полиморфизмларининг ўзбек миллатига хос комбинациялари (rs1185049, rs4646994, rs7626980) аниқланган.
IV. Тадқиқот натижаларининг жорий қилиниши.
Преэклампсия ривожланиш хавфини прогнозлаш ва эрта ташхислашнинг замонавий молекуляр-генетик усулларини ишлаб чиқиш бўйича олинган илмий натижалар асосида:
Преэклампсия ривожланиш хавфини прогнозловчи мультифакторли алгоритмларини ишлаб чиқиш бўйича олинган илмий натижалар InterPregGen Европа Иттифоқи Еттинчи Рамкали Дастури жамғармасининг 282540 рақамли «Марказий Осиё ва Европа популяцияларида преэклампсияни генетик тадқиқоти» мавзусидаги лойиҳасида қўлланилган, шунингдек Ноттингем университети ва Лидс университетининг (Буюк Британия) клиник бўлимлари амалиётларига жорий этилган (Ноттингем ва Лидс университетлари InterPregGen лойиҳаси координатори Linda Morgan ва дивизион директори профессор P.M.Hopkinsларнинг 2019 йил 25 апрелдаги маълумотномалари). Жорий қилинган натижалар, яъни юқори статистик аҳамиятли генетик вариантларни умумий геном миқиёсида аниқланиши преэклампсия скрининги ва уни пайдо бўлиш хавфини баҳолашга имконият яратган;
«Мультифакторли касалликлар ривожланиши хавф омилларининг мета-таҳлили» услубий қўлланмаси тасдиқланган (Соғлиқни сақлаш вазирлигининг 2018 йил 26 декабрдаги 8н-д/278-сон маълумотномаси). Мазкур услубий қўлланма мультифакторли касалликлар ривожланиши хавф омиллари аниқлаш, ташхислаш, касаллик кечишини башорат қилиш ва ўз вақтида даволаш чора-тадбирларини қўллашга хизмат қилган;
преэклампсия ривожланиш хавфини прогнозлаш ва эрта ташхислашнинг замонавий молекуляр-генетик усулларини ишлаб чиқиш бўйича олинган илмий натижалар соғлиқни сақлаш тизимига, жумладан, Республика ихтисослаштирилган акушерлик ва гинекология илмий-амалий тиббиёт маркази ва Иммунология ва инсон геномикаси институти амалиётларига жорий этилган (Соғлиқни сақлаш вазирлигининг 2019 йил 26 мартдаги 8н-з/40-сон маълумотномаси). Жорий қилинган натижалар преэклампсия ривожланишининг хавф гуруҳларини аниқлаш усулларини оптималлаштириш, ҳомиладорлик даврида гипертензив ўзгаришларнинг олдини олиш, касаллик асоратларини камайтириш ҳисобига оналар ўлими кўрсаткичларини пасайтириш ҳамда уларни стационарда даволаниш муддатини қисқартириш билан тиббий ёрдам кўрсатиш сифатини оширишга имконият яратган.
