Қаршиев Одаш Абдугаффоровичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бухоро-Хива ҳудуди жануби-шарқий қисмидаги углеводород ресурслари базасининг шаклланишида карбонат ва туз-ангидрит формациялари структура планларининг таъсири», 04.00.07–Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: В2017.3.PhD/GM22.
Илмий раҳбар: Абдуллаев Ғайбулла Сайфуллаевич, геология-минералогия фанлари доктори, профессор.
Диссертация бажарилган муассаса номи: Нефть ва газ конлари геологияси ҳамда қидируви институти.
ИК фаолият кўрсатаётган муассаса (муассасалар) номи, ИК рақами: Нефть ва газ конлари геологияси ҳамда қидируви институти, Ўзбекистон нефть-газ саноати илмий-тадқиқот ва лойиҳалаш институти, Тошкент давлат техника университети, Россия давлат нефть ва газ университетининг Тошкент шаҳридаги филиали, DSc.27.06.2017.GM/Т.41.01.
Расмий оппонентлар: Ахунджанов Рахмаджан, геология-минералогия фанлари доктори; Ханнанов Марс Талгатович, геология-минералогия фанлари номзоди.
Етакчи ташкилот: «Ўзбекгеофизика» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Бухоро-Хива ҳудуди жануби-шарқий қисмидаги карбонат ва туз-ангидрит формациялари структура планларининг ҳусусиятлари ва уларни нефть ва газ уюмларини жойлашишидаги таъсирини аниқлашдан иборат.
III. Тадқиқотнинг илмий янгилиги:
карбонат ва туз-ангидрит формациясининг қуйи қисмида углеводород заҳираларини оширишга имкон берувчи шимолий-шарқ йўналишдаги регионал узилмаларга тегишли бурмаларнинг носимметрик чўққилари мавжудлиги исботланган;
тектоник тўсилган уюмларни очишга истиқболли ҳудудларни ажратиш имконини берадиган шимолий-шарқ йўналишдаги регионал узилмалар тизими ва улар билан боғлиқ бўлган карбонат ва туз-ангидрит формацияларини структура планлари асосланган;
депрессион ётқизиқлар тарқалган ҳудудларда нефть заҳираларини оширишга имкон берадиган «устрица-аммонитли горизонт»нинг саноат аҳамиятига эга нефтлилиги исботланган;
турли фазовий ҳолатдаги углеводород уюмларини башорат қилишга имконият берадиган истиқболли зоналарни газ, нефтгаз ва нефть уюмларини жойлашиш схемаси ёрдамида ажратиш асосланган.
IV. Тадқиқот натижаларининг жорий қилиниши.
Бухоро-Хива ҳудуди жануби-шарқий қисмидаги карбонат ва туз-ангидрит формациялари структура планларининг таъсири бўйича олинган илмий натижалар асосида:
Охирбулоқ, Чўлқувар ва Қирққулоч конларида излов ва қидирув қудуқларини жойлаштириш тавсияси «Ўзгеобурғинефтгаз» АКда амалётга жорий қилинган («Ўзбекнефтгаз» АЖнинг 2018 йил 27 декабрдаги 02-14/1-111-сон маълумотномаси). Натижада ўрта ва юқори юра даври карбонат формациясининг регионал маҳсулдорлиги тасдиқланган, маҳсулдорлик чегарасини кенгайтириш ва углеводород хомашёси заҳираларини ўстириш имконини берган;
Чўлқувар конида геокимёвий кўрсаткичлар бўйича углеводород уюмлари турини баҳолаш тавсияси «Ўзгеобурғинефтгаз» АКда амалётга жорий қилинган («Ўзбекнефтгаз» АЖнинг 2018 йил 27 декабрдаги 02-14/1-111-сон маълумотномаси). Натижада юра даври ётқизиқларининг XV горизонтида нефть уюмини аниқлаш имконини берган;
Бешкент эгиклигининг шимоли-ғарбий қисми ва Култак кўтарилмасининг шарқ, шимоли-шарқий қисмларида муфассал сейсморазведка ишларини ўтказиш тавсияси «Ўзбекгеофизика» АЖда амалётга жорий қилинган («Ўзбекнефтгаз» АЖнинг 2018 йил 27 декабрдаги 02-14/1-111-сон маълумотномаси). Натижада янги нефть ва газга истиқболли объектларни аниқлаш имконини берган.