Малышев Максим Святославовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Медамин ва альбендазолни карбоксил гуруҳ тутган полимерлар билан таъсирлашувининг физик-кимёвий хусусиятлари», 02.00.04–Физик кимё, 02.00.06–Юқори молекуляр бирикмалар (кимё фанлари).

Диссертация мавзуси рўйхатга олинган рақам: В2018.1.PhD/К89.

Илмий раҳбар: Мирзахидов Хайрулла Абдуллаевич, кимё фанлари номзоди, доцент.

Диссертация бажарилган муассаса номи: Ўзбекистон Миллий университети.

ИК фаолият кўрсатаётган муассаса номи, ИК рақами: Ўзбекистон Миллий университети, DSc.27.06.2017.К.01.03 рақамли илмий кенгаш асосидаги бир марталик илмий кенгаш.

Расмий оппонентлар: Сидиков Абдужалол Сидикович, кимё фанлари доктори, профессор; Арсланов Шарафутдин Султанович, кимё фанлари доктори, профессор.

Етакчи ташкилот: Тошкент фармацевтика институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: медамин ва альбендазолнинг карбоксилтутган полимерлар билан полимер комплексларини олиш ҳамда уларнинг физик-кимёвий хусусиятларини аниқлашдан иборат.

III. Тадқиқотнинг илмий янгилиги:

илк бор медамин гидрохлориднинг пектин, пекта кислотаси, полиакрилоилгликол, полиметакрилоилгликол ҳамда альбендазолни пектин, полиметакрил ва пекта кислоталари билан полимерлар комплекслари олинган;

полимерларни медамин ва альбендазол билан боғланишини электростатик ҳамда бошқа нисбатан кучсиз турли таъсирлашувлар орқали амалга ошиши аниқланган;

пектин ва акрилоилгликол кислотаси гидрогелларига медамин ҳамда альбендазол гидрохлоридининг ютилиши асосида олинган полимер дори шаклларининг пролонгация хоссасига эга бўлиши исботланган;

илк бор медамин гидрохлориднинг пектин ва пекта кислотаси билан полимер комплекслари шаклида эхинококкозга қарши фаолликка эга бўлиши аниқланган.

IV. Тадқиқот натижаларининг жорий қилиниши.

Медамин ва альбендазолни янги полимер дори шаклларини синтезлаш ва уларнинг хоссаларини аниқлаш бўйича олинган илмий натижалар асосида:

қишлоқ хўжалик молларининг гельминтоз касаллигини даволашда қўлланиладиган 2,5% «Медапек» («Карпек») учун ишлаб чиқилган техник шартлар «Ўзстандарт» агентлиги томонидан рўйхатга олинган (Тs 035354400-027:2016). Натижада медаминнинг эхинококкоз ва гельминтозга қарши заҳарлилиги кам бўлган янги полимер доривор шаклини яратиш имконини берган;

антигельминт хоссали «Медапек» («Карпек») препаратини ишлаб чиқариш бўйича технологик йўриқнома Ўзбекистон Республикаси қишлоқ ва сув хўжалиги вазирлиги томонидан тасдиқланган (ТИ 03535440-027:2017). Натижада ветеринария амалиётида ишлатилаётган импорт ўрнини босувчи янги препаратлар олиш имконини берган;

медамин асосидаги янги полимер комплексларидан ФА-А11-Т193 рақамли «Эхинококкоз ва бошқа хавфли гельминтоз касалликларга қарши «Медапек» («Карпек») юқори самарали дори воситаларни ишлаб чиқариш технологиясини яратиш» фундаментал лойиҳасида эхинококкоз ва бошқа хавфли гельминтоз касалликларга қарши препарат олишда фойданилган (Ўзбекистон Республикаси Фанлар академиясининг 2018 йил 4 декабрдаги 4/1255-3169-сон маълумотномаси). Натижада янги ветеренария препарати олишнинг технологик регламентини ишлаб чиқиш имконини берган.