Аскаров Пулат Азадовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўт йўллари «янги» жароҳатлари хирургиясида омиллар таҳлили», 14.00.27–Хирургия (тиббиёт фанлари).
Диссертация мавзуси рўйхатга олинган рақам: B2018.1.PhD/Tib511.
Илмий раҳбар: Акбаров Миршавкат Миралимович,тиббиёт фанлари доктори.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассасалар номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.
Расмий оппонентлар: Хакимов Мурод Шавкатович, тиббиёт фанлари доктори, профессор; Арипова Назира Уктамовна, тиббиёт фанлари доктори, профессор.
Етакчи ташкилот: А.Н. Сизганов номидаги Миллий хирургия илмий маркази АЖ (Қозоғистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: ўт йўллари жароҳатларида амалиётлар натижаларини омилли таҳлил қилиш, даволаш-диагностика доктринасининг тактик жиҳатларини такомиллаштириш йўли билан хирургик даволаш натижаларини яхшилашдан иборат.
III. Тадқиқотнинг илмий янгилиги:
янги шикастланишларда реконструктив-тиклаш амалиётларидан сўнг узоқ муддатларда торайишлар шаклланишининг патогенетик хусусиятлари ҳамда ушбу асоратлар ривожланиш хавфига таъсир қилувчи тактик-техник жиҳатлар аниқлаштирилган;
реконструктив-тиклаш амалиётларидан сўнг такрорланадиган холангитни даволаш ва профилактика қилиш учун жигар ташқи ва ички ўт йўлларини дренажлаб тозалаш усули такомиллаштирилган;
эндоген заҳарланиш синдромини коррекция қилиш мақсадида натрий гипохлорити билан билвосита электрокимёвий оксигенациялаш ва қўшимча озонлаш билан бирга плазмаферезнинг такомиллаштирилган усули имкониятлари аниқлаштирилган;
эндоген заҳарланиш синдромининг аниқланиш вақти, клиник кўринишларнинг оғирлиги, жароҳатнинг табиати ва даражасига қараб ўт йўллари янги жароҳатларини даволашнинг оптимал усулини танлашнинг тактик-техник хусусиятлари аниқлаштирилган.
IV. Тадқиқот натижаларининг жорий қилиниши.
Ўт йўллари шикастланишлари бўлган беморларни жарроҳлик усулида даволаш натижаларини яхшилаш бўйича олинган илмий натижалар асосида:
«Ўт йўллари реконструктив амалиётларидан кейин холангит билан касалланган беморларни даволаш усули» тасдиқланган (Соғлиқни сақлаш вазирлигининг 2019 йил 21 январдаги 8н-д/19-сон маълумотномаси). Янги шикастланишлар юзасидан бажарилган реконструктив жарроҳлик амалиётларидан сўнг ўт йўлларини тозалаш усулининг тавсия этилган тактик ва техник жиҳатлар билан биргаликда қўлланилиши, холангит ривожланиш частотасини 20,7% дан 8,6% гача камайтириш имконини берган;
«Ўт йўлларининг «янги» шикастланишларини жарроҳлик усулида тиклашда чуқурлаштирилган ёндашув» услубий тавсияномаси тасдиқланган (Соғлиқни сақлаш вазирлигининг 2019 йил 21 январдаги 8н-д/19-сон маълумотномаси). Таклиф этилган тавсиялар ўт йўллари шикастланишларини жарроҳлик усулида даволашни яхшилаш, реконструктив амалиётлардан кейинги асоратларни камайтириш ва беморларни шифоханада бўлиш муддатини қисқартириш имконини берган;
ўт йўлларининг ятроген шикастланишлари билан беморларни жарроҳлик усулида даволашни такомиллаштириш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, Академик В.Воҳидов номидаги Республика ихтисослаштирилган хирургия илмий-амалий таиббиёт маркази, Самарқанд давлат тиббиёт институти клиникасининг жарроҳлик бўлими амамлий фаолиятига (Соғлиқни сақлаш вазирлигининг 2019 йил 21 январдаги 8н-д/19-сон маълумотномаси) татбиқ этилган. Тадқиқот натижаларига кўра, ўт йўлларининг ятроген жароҳати билан касалланган беморларга ихтисослаштирилган юқори технологик тиббий ёрдам кўрсатиш имконияти сезиларли даражада кенгайтирилган, амалиётдан кейинги эрта ва кеч даврда асоратларни 56,3% дан 23,6% гача ва ўлим кўрсаткичини 10,7% дан 4,2% гача камайтириш имконини берган.
