Рахимов Рахматилла Нуриллаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Euphorbia Franchetii (В.Fedtsch), Euphorbia canescens (L.), Euphorbia humifusa (Willd.) ўсимликларининг полифеноллари ва уларнинг биологик фаоллиги», 02.00.10–Биоорганик кимё (кимё фанлари).

Диссертация мавзуси рўйхатга олинган рақам: B2017.1.PhD/K21.

Илмий раҳбар: Абдулладжанова Нодира Гуломжановна, кимё фанлари доктори.

Диссертация бажарилган муассаса номи: Биоорганик кимё институти.

ИК фаолият кўрсатаётган муассаса (муассасалар) номи, ИК рақами: Биоорганик кимё институти, Ўзбекистон Миллий университети, Ўсимлик моддалари кимёси институти, DSc.27.06.2017.К/В/Т.37.01.

Расмий оппонентлар: Гафуров Махмуджон Бакиевич, кимё фанлари доктори; Рамазанов Нурмурод Шералиевич, кимё фанлари доктори, профессор.

Етакчи ташкилот: Ўзбекистон кимё-фармацевтика илмий-тадқиқот институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: Еuphorbia franchetii (B.Fedtsch), Е. сanescens (L.) ваE. humifusa (Willd.) ўсимликларининг полифеноллари таркибини ва биологик фаолликларини аниқлашдан иборат.

III. Тадқиқотнинг илмий янгилиги:

илк бор Е. franchetii (B.Fedtsch), Е. сanescens (L.), E. humifusa (Willd.) ўсимликларидан 1 та фенол оксикислотаси, 5 та флавонол, 10 та гидролизланувчи таннинлар ажратиб олинган, уларнинг тузилиши аниқланган;

Е. franchetii (B.Fedtsch) ўсимлигининг ер устки қисмидан ажратиб олинган 1-О-галлоил-2,3-гексагидроксидифеноил-4,6-валонеил-β-D-глюкоза янги гидролизланувчи таннин эканлиги исботланган;

Е. сanescens (L.)  ўсимлиги ер устки қисмидан янги гидролизланувчи таннин 1,4,6-три-О-галлоил 2,3-валонеил-β-D-глюкоза ажратиб олинган ва тузилиши аниқланган;

илкбор E. humifusa (Willd.) ўсимлигининг ер устки қисмидан ажратиб олинган 1-О-галлоил-6-О-бисгаллоил-2,4-валонеил-β-D-глюкоза янги гидролизланувчи таннин  эканлиги исботланган;

ажратиб олинган моддалар антиоксидант ва антигипоксант фаолликка эга эканлиги аниқланган.

IV. Тадқиқот натижаларининг жорий қилиниши.

Е. franchetii (B.Fedtsch), Е. сanescens (L.) ва E. humifusa (Willd.) ўсимликларининг полифеноллари ва уларнинг биологик фаолликлари бўйича олинган илмий натижалар асосида:

ўсимликлардан ажратиб олинган полифенол бирикмалари ФА-А10-Т053 рақамли «Қандли диабетда оксидатив стресс ҳолатини маҳаллий хом ашёдан олинган табиий бирикмалар билан коррекциялаш услубини ишлаб чиқиш» лойиҳасида in vitro шароитда биологик фаол моддаларнинг антиоксидант ҳамда гипогликемик фаолликни намоён этишида таъсирини аниқлашда фойдаланилган (Ўзбекистон Республикаси Фанлар академиясининг 2018 йил 17 сентябрдаги 4/1255-2467-сон маълумотномаси). Натижада экспериментал диабетда таннинлар қондаги глюкоза миқдорини гликлазидга нисбатан икки баробар кўпроқ тушириш, юқори антиоксидант ва гипогликемик фаолликни намоён этиш, тўқималар томонидан глюкозани утилизация қилинишида жигар глюкокиназа ферментини қайтариш имконини берган;

полифенол бирикмаларнинг оқсиллар билан ўзаро таъсир механизми Белосток университетининг мақсадли илмий тадқиқотларида фойдаланилган (University of Bialystok Institute of Biology Department of Biologyнинг 2018 йил 13 сентябрдаги маълумотномаси). Натижада полифеноллар α-синуклеин билан бирикиб, уларнинг ўзаро агрегацияга учрашини ингибирлаш ва  нейродегенератив касалликларни олдини олиш ҳамда даволаш хусусиятига эга бўлган дори воситаларини яратиш имконини  берган;

полифенол бирикмаларнинг пероксидли оксидланиш моделларида митохондрияларни ҳимоя қилиб, антиоксидантлик фаоллигини намоён қилиши Хитой Фанлар академияси Шинжон Физика ва кимё техника интитутининг мақсадли илмий тадқиқотида фойдаланилган (Xinjing Engineering Center for Ethnomedicice of Xinjing Technical Institute of Physics and Chemistry of CASнинг 2018 йил 30 авгусдаги маълумотномаси). Натижада организмнинг турли патологик ҳолатлардаги оксидатив стресс жараёнида полифенол моддалар антиоксидантлик хусусияти ва мембранопротекторлик хоссалари туфайли турли патологик ҳолатларнинг олдини олиш имконини берган.