Янгибоев Зойир Шобердиевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Номаълум манбали ғовак муҳитларда SH тўлқинли тенглама учун бир ўлчамли тескари динамик масалалар», 01.01.02–Дифференциал тенгламалар ва математик физика (физика-математика фанлари).

Диссертация мавзуси рўйхатга олинган рақам: В2017.4.PhD/FM153.

Илмий раҳбар: Имомназаров Холматжон Худойназарович, физика-математика фанлари доктори.

Диссертация бажарилган муассаса номи: Қарши давлат университети.

ИК фаолият кўрсатаётган муассасалар номи, ИК рақами: Урганч давлат университети, Қорақалпоқ давлат университети, PhD.28.12.2017.FM.55.01.

Расмий оппонентлар: Яхшимуратов Алишер Бекчанович, физика-математика фанлари доктори; Бегматов Акрам Хасанович, физика-математика фанлари доктори, доцент.

Етакчи ташкилот: Ўзбекистон Миллий университети.

Диссертация йўналиши: назарий аҳамиятга молик.

II. Тадқиқотнинг мақсади: ғовак-эластик муҳитда тўғри ва тескари динамик масалаларини ечиш ва ечимнинг ягоналиги, турғунлик баҳоларини аниқлашдан иборат.

III. Тадқиқотнинг илмий янгилиги:

ғовак-эластик муҳитда бир ўлчамли тескари динамик масала учун регуляризацияловчи алгоритми ишлаб чиқилган ва турғунлик баҳолари олинган;

тескари динамик масаланинг ечими берилганларга узлуксиз боғлиқлиги ҳақидаги теорема исботланган;

диссипатив ҳолатда ғовак-эластик динамик тенглама учун биринчи Дарбу масаласининг корректлиги исботланган ва масаланинг ечилиши ҳақидаги теоремалар исботланган;

ярим фазонинг чегарасида шакли номаълум импульс нуқтали манбали кўндаланг тўлқин учун ғовак-эластик муҳитда бир ўлчамли тескари динамик масала ечилган;

шакли номаълум импульс нуқтали манбали кўндаланг тўлқин учун ғовак-эластик муҳитда икки ўлчамли тўғри динамик масала ечимининг ягоналик баҳолари олинган;

ғовак-эластик муҳитда икки ўлчамли тескари динамик масала ечимининг турғунлик баҳолари олинган ва ягоналик теоремалари исботланган.

IV. Тадқиқот натижаларининг жорий қилиниши.

Номаълум манбали ғовак муҳитларда SH тўлқинли тенглама учун бир ўлчамли тескари динамик масалаларга оид олинган илмий натижалар асосида:

ғовак-эластикликнинг математик модели ва регуляризацияланган ечиш алгоритми 1.3.1.3 рақамли «Методы создания, исследования и идентификации математических моделей о Земли» (2014-2016 йй.) лойиҳасида геофизиканинг нефтгаз конлари масалаларини ечишда фойдаланилган (Россия Фанлар академиясининг Сибирь бўлими ҳисоблаш математикаси ва математик геофизика институтининг 2018 йил 12 апрелдаги 15301/12-01-62-сон маълумотномаси). Илмий натижанинг қўлланилиши ғовак-эластик муҳитларда тўлқин тарқалиш тенгламаси учун тўғри ва тескари масалаларнинг ечилишини исботлаш ва ечимлар учун регуляризацияловчи алгоритмлар қуриш имконини берган;

ғовак-эластик муҳитда биргаликдаги бир ўлчамли тескари динамик масалаларга доир олинган натижалар  А-13-38 рақамли «Икки фазали муҳит ночизиқли тўлқин динамикаси учун тўғри ва тескари масалаларни назарий ва сонли тадқиқ қилиш» (2015-2017 йй.) лойиҳасида тўғри ва тескари динамик масалаларни ечишга татбиқ этилган (Ўзбекистон Республикаси Олий ва ўрта махсус таълим вазирлигининг 2018 йил 7 ноябрдаги  89-03-3799-сон маълумотномаси). Илмий натижаларнинг қўлланилиши тўғри ва тескари динамик масалаларни тақрибий ечиш, уларнинг ягоналик хусусияти ва турғунлик баҳоларини аниқлаш имконини берган.