Yangiboev Zoyir Shoberdievichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Noma’lum manbali g‘ovak muhitlarda SH to‘lqinli tenglama uchun bir o‘lchamli teskari dinamik masalalar», 01.01.02–Differensial tenglamalar va matematik fizika (fizika-matematika fanlari).

Dissertatsiya mavzusi ro‘yxatga olingan raqam: B2017.4.PhD/FM153.

Ilmiy rahbar: Imomnazarov Xolmatjon Xudoynazarovich, fizika-matematika fanlari doktori.

Dissertatsiya bajarilgan muassasa nomi: Qarshi davlat universiteti.

IK faoliyat ko‘rsatayotgan muassasalar nomi, IK raqami: Urganch davlat universiteti, Qoraqalpoq davlat universiteti, PhD.28.12.2017.FM.55.01.

Rasmiy opponentlar: Yaxshimuratov Alisher Bekchanovich, fizika-matematika fanlari doktori; Begmatov Akram Xasanovich, fizika-matematika fanlari doktori, dotsent.

Yetakchi tashkilot: O‘zbekiston Milliy universiteti.

Dissertatsiya yo‘nalishi: nazariy ahamiyatga molik.

II. Tadqiqotning maqsadi: g‘ovak-elastik muhitda to‘g‘ri va teskari dinamik masalalarini echish va echimning yagonaligi, turg‘unlik baholarini aniqlashdan iborat.

III. Tadqiqotning ilmiy yangiligi:

g‘ovak-elastik muhitda bir o‘lchamli teskari dinamik masala uchun regulyarizatsiyalovchi algoritmi ishlab chiqilgan va turg‘unlik baholari olingan;

teskari dinamik masalaning echimi berilganlarga uzluksiz bog‘liqligi haqidagi teorema isbotlangan;

dissipativ holatda g‘ovak-elastik dinamik tenglama uchun birinchi Darbu masalasining korrektligi isbotlangan va masalaning echilishi haqidagi teoremalar isbotlangan;

yarim fazoning chegarasida shakli noma’lum impul`s nuqtali manbali ko‘ndalang to‘lqin uchun g‘ovak-elastik muhitda bir o‘lchamli teskari dinamik masala echilgan;

shakli noma’lum impul`s nuqtali manbali ko‘ndalang to‘lqin uchun g‘ovak-elastik muhitda ikki o‘lchamli to‘g‘ri dinamik masala echimining yagonalik baholari olingan;

g‘ovak-elastik muhitda ikki o‘lchamli teskari dinamik masala echimining turg‘unlik baholari olingan va yagonalik teoremalari isbotlangan.

IV. Tadqiqot natijalarining joriy qilinishi.

Noma’lum manbali g‘ovak muhitlarda SH to‘lqinli tenglama uchun bir o‘lchamli teskari dinamik masalalarga oid olingan ilmiy natijalar asosida:

g‘ovak-elastiklikning matematik modeli va regulyarizatsiyalangan echish algoritmi 1.3.1.3 raqamli «Metodi sozdaniya, issledovaniya i identifikatsii matematicheskix modeley o Zemli» (2014-2016 yy.) loyihasida geofizikaning neftgaz konlari masalalarini echishda foydalanilgan (Rossiya Fanlar akademiyasining Sibir` bo‘limi hisoblash matematikasi va matematik geofizika institutining 2018 yil 12 apreldagi 15301/12-01-62-son ma’lumotnomasi). Ilmiy natijaning qo‘llanilishi g‘ovak-elastik muhitlarda to‘lqin tarqalish tenglamasi uchun to‘g‘ri va teskari masalalarning echilishini isbotlash va echimlar uchun regulyarizatsiyalovchi algoritmlar qurish imkonini bergan;

g‘ovak-elastik muhitda birgalikdagi bir o‘lchamli teskari dinamik masalalarga doir olingan natijalar  A-13-38 raqamli «Ikki fazali muhit nochiziqli to‘lqin dinamikasi uchun to‘g‘ri va teskari masalalarni nazariy va sonli tadqiq qilish» (2015-2017 yy.) loyihasida to‘g‘ri va teskari dinamik masalalarni echishga tatbiq etilgan (O‘zbekiston Respublikasi Oliy va o‘rta maxsus ta’lim vazirligining 2018 yil 7 noyabrdagi  89-03-3799-son ma’lumotnomasi). Ilmiy natijalarning qo‘llanilishi to‘g‘ri va teskari dinamik masalalarni taqribiy echish, ularning yagonalik xususiyati va turg‘unlik baholarini aniqlash imkonini bergan.