Сирожитдинов Камол Комиловичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Жигар эхинококкозининг асоратланган шаклларида хирургик тактиканинг хусусиятлари», 14.00.27 – Хирургия (тиббиёт фанлари)
Диссертация мавзуси рўйхатга олинган рақам: B2018.1.PhD/Tib599
Илмий раҳбар: Назиров Феруз Гафурович, тиббиёт фанлари доктори, профессор, академик
Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази
ИК фаолият кўрсатаётган муассаса номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01
Расмий оппонентлар: Акилов Хабибулла Атауллаевич, тиббиёт фанлари доктори, профессор; Хакимов Мурод Шавкатович, тиббиёт фанлари доктори
Етакчи ташкилот: Россия Федерацияси соғлиқни сақлаш вазирлиги «Н.И. Пирогов номидаги тиббий-хирургик марказ» Федерал давлат бюджет муассасаси (Россия Федерацияси)
Диссертация йўналиши: амалий аҳамиятга молик
II. Тадқиқотнинг мақсади: янги резекция технологияларини жорий қилиш ва оператив амалиётларнинг тактик жиҳатларини такомиллаштириш йўли билан асоратланган жигар эхинококкозини хирургик даволаш натижаларини яхшилашдан иборат
III. Тадқиқотнинг илмий янгилиги:
қорин бўшлиғининг барча гидатид зарарланган аъзолари таркибида бирламчи ва қайталанган жигар эхинококкози асоратланган шакллари ривожланишининг патогенетик хусусиятлари очиб берилган;
жигар эхинококкози асоратланган шакллари кечишининг морфо-функционал хусусиятлари асосида хирургик даволашнинг тактик-техник жиҳатлари такомиллаштирилган;
жигар эхинококкозининг маҳаллий қайталанишига олиб келиши мумкин бўлган ҳаёт қобилияти сақланиб қолган протосколекслар аниқланган фиброз капсуланинг морфологик структураси аниқлаштирилган;
жигар эхинококкози хирургиясида қолдиқ бўшлиқ ультратовушли кавитациясини қўллаш (\"CUSA Excel®\", \"Ultracision\", \"LigaSure\") фиброз капсуладаги куртак элементларини ҳам ҳисобга олган ҳолда абсолют паразитоцид таъсирга эришиш имконини бериши исботланган.
IV. Тадқиқот натижаларининг жорий қилиниши:
Жигар эхинококкозининг асоратланган шаклларини ташхислаш ва хирургик даволашни яхшилашга қаратилган илмий тадқиқот натижалари бўйича:
«Жигар эхинококкозининг асоратланган шаклларида хирургик тактика хусусиятлари» услубий тавсияномаси тасдиқланган (Соғлиқни сақлаш вазирлигининг 2018 йил 7 ноябрдаги 8н-д/237-сон маълумотномаси). Тавсиялар жигар эхинококкози хирургиясида асосий қоидаларга риоя қилиш: қолдиқ бўшлиқни текшириш ва адекват антипаразитар қайта ишлаш имкони билан паразитар кистага максимал кириш ва кам қон йўқотишга эришилган, бу эса геморрагик асоратларнинг умумий кўрсаткичини 14,8% дан 5,4% гача ишончли пасайтиришга имкон берган;
«Жигар эхинококкозининг асоратланган шаклларида хирургик тактика хусусиятларини танлаш дастури» ишлаб чиқилган (Соғлиқни сақлаш вазирлигининг 2018 йил 7 ноябрдаги 8н-д/237-сон маълумотномаси). Клиник-ташхислаш алгоритмини қўллаш ЖЭ нинг турли шаклларида хирургик даволаш тактикасини танлашни оптималлаштириш имконини бериб, касалликнинг ўзига хос асоратлари ва қайталаниш хавфини қисқартириш имконини берган;
жигар эхинококкозининг асоратланган шакллари билан беморларни ташхислаш ва хирургик даволаш сифатини яхшилашга бағишланган тадқиқот бўйича олинган илмий натижалар соғлиқни сақлаш амалий фаолиятига, хусусан, академик В.Воҳидов номидаги Республика ихтисослаштирилган илмий-амалий тиббиёт маркази, Республика шошилинч тиббий ёрдам илмий марказининг Андижон ва Фарғона вилояти филиалларининг хирургия бўлимлари амалий фаолиятига (Соғлиқни сақлаш вазирлигининг 2018 йил 7 ноябрдаги 8н-д/237 сонли маълумотномаси) татбиқ этилган. Тадқиқотнинг олинган натижалари жигар эхинококкози асоратланган шаклларини хирургик даволашнинг тактик-техник жиҳатларини такомиллаштириш, шунингдек, ижобий натижаларни 70,7% дан 87,9% гача ошириш, амалиёт вақтида ва ундан кейинги асоратларни 33,6% дан 7,9% га, ўлим кўрсаткичини 33,6% дан 0,7% гача пасайтириш имконини берган.
