Ходжиакбарова Шахноза Турабековнанинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Aloe аrborescens mill асосида дори воситаси ва биологик фаол қўшимчалар технологиясини ишлаб чиқиш», 15.00.01–Дори технологияси (фармацевтика фанлари).

Диссертация мавзуси рўйхатга олинган рақам: В2018.2.PhD/Far39.

Илмий раҳбар: Азизов Умархон Мухтарович, кимё фанлари доктори, профессор.

Диссертация бажарилган муассаса номи: Ўзбекистон кимё-фармацевтика илмий-тадқиқот институти.

ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.27.06.2017.Far.32.01.

Расмий оппонентлар: Содиқов Алимджан Заирович, техника фанлари доктори, профессор; Тўхтаев Ҳаким Раҳмонович, тиббиёт фанлари доктори, доцент.

Етакчи ташкилот: «Дори воситалари тиббий буюмлар ва тиббий техника экспертизаси ва стандартлаштириш стандартизацияси давлат маркази» ДУК.

Диссертация йўналиши: назарий ва амалий аҳамиятга молик.

II. Тадқиқотнинг мақсади: алоэ ва катта қончўп доривор ўсимликлари қуруқ экстрактлари асосида янги самарали препарат, биологик фаол қўшимча (БФҚ) ва косметик воситалар таркиби ва технологияларини ишлаб чиқишдан иборат.

III. Тадқиқотнинг илмий янгилиги:

илк бор алоэ ва катта қончўп қуруқ экстрактлари асосида олинган юқори самарали стоматологик препарат, ошқозон ярасини даволашда ишлатиладиган БФҚ ва хуснбузарларни даволашга мўлжалланган косметик гелининг таркиб ва мўтадил технологияси ишлаб чиқилган;

алоэ ва катта қончўп қуруқ экстрактлари асосида олинган стоматологик препарат, ошқозон ярасини даволашда ишлатиладиган БФҚ ва хуснбузарларни даволашга мўлжалланган косметик гелини стандартлаш усуллари ва сифат меъёрлари ишлаб чиқилган;

стоматологик препарат, ошқозон ярасини даволашда ишлатиладиган БФҚ ва хуснбузарларни даволашга мўлжалланган косметик гелнинг фармакологик таъсири ва безарарлиги аниқланган;

стоматологик препарат, ошқозон ярасини даволашда ишлатиладиган БФҚ ва хуснбузарларни даволашга мўлжалланган косметик гели учун сифат ва миқдорий кўрсаткичларни турғунлигини таъминловчи сақланиш шароитлари ва яроқлилик муддатлари белгиланган.

IV. Тадқиқот натижаларининг жорий қилиниши.

Яратилган дори препарати ва БФҚларининг таркиби ва технологиясини ишлаб чиқиш бўйича олинган илмий натижалар асосида:

«Дента алоэ» препарати учун Ўзбекистон Республикаси Интеллектуал мулк агентлигининг ихтирога патенти бўйича тегишли қарорга мувофиқ ҳужжатлар олинган (№19492, 14.12.2018 й. ИА). Натижада яратилган ялиғланишга қарши антисептик таъсирга эга таркиб стоматит касаллигини самарали даволаш имконини берган;

БФҚ «Сабури» сиропи учун ишлаб чиқилган меъёрий-техник ҳужжатлар (технологик кўрсатмалар, Ts 25728872-002:2017) «Ўзстандарт» агентлигида рўйхатга олинган ва Ўзбекистон Республикаси Соғлиқни сақлаш вазирлиги Санитария бошқармасидан тиббиётда қўллаш ва ишлаб чиқариш учун рухсатномаси олинган (рухсатнома 29.06.2017 й.; №000097). Натижада ошқозон яллиғланиш касаллигини даволашда сифатли, иқтисодий жиҳатдан самарадор бўлган БФҚни ишлаб чиқарилиши импортни қисқартириш, бир қатор тиббий муаммоларни ҳал қилиш имконини берган;

БФҚ «Сабури» сиропи саноат миқёсида МЧЖ «Strong Farm» маҳаллий фармацевтика корхонасида ишлаб чиқарилиши йўлга қўйилган (18.09.2017 й.). Натижада ошқозон ярасини даволашда ишлатиладиган дори воситаларининг ассортиментини кенгайтириш имконини берган.