Қурбонов Жавлонбек Журабековичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Давлат ва корпоратив тузилмалар ўртасидаги ўзаро молиявий муносабатларни самарали ташкил этиш истиқболлари», 08.00.07–Молия, пул муомаласи ва кредит (иқтисодиёт фанлари).

Диссертация мавзуси рўйхатга олинган рақам: B2017.2.PhD/Iqt211.

Илмий раҳбар: Ташмурадова Бувсара Эгамовна, иқтисодиёт фанлари доктори, профессор.

Диссертация бажарилган муассаса номи: Тошкент молия институти.

ИК фаолият кўрсатаётган муассаса номи, ИК рақами: Банк-молия академияси ва Тошкент давлат иқтисодиёт университети, DSc.27.06.2017.I.15.01.

Расмий оппонентлар: Жумаев Нодир Хосиятович, иқтисодиёт фанлари доктори, профессор; Хусанов Нодир Жумаевич, иқтисодиёт фанлари номзоди, доцент.

Етакчи ташкилот: Абу Райхон Беруний номидаги Бизнес ва бошқарув Республика олий мактаби.

Диссертация йўналиши: назарий ва амалий аҳамиятга молик.

II. Тадқиқотнинг мақсади: Ўзбекистонда давлат ва акциядорлик жамиятлари ўртасидаги ўзаро молиявий муносабатларни самарали ташкил этишга қаратилган илмий таклиф ва амалий тавсиялар ишлаб чиқишдан иборат.

III. Тадқиқотнинг илмий янгилиги:

«корпоратив молия» тушунчаси хўжалик юритувчи субъектларнинг корпоратив шаклдаги тузилмаларни ташкил этишдан кўзланган асосий мақсадга эришиш ҳамда таъсисчилар капиталини оширишни таъминлаш устуворлигини белгилаш орқали такомиллаштирилган;

давлат инвестиция сиёсатида белгиланган акциядорлик жамиятлари устав капиталида хорижий инвесторларнинг иштироки бўйича амалдаги талаблар қулай инвестицион муҳитни яратиш жиҳатидан такомиллаштирилган;

хорижий инвесторлар учун тижорат банкларда ҳисобрақамлар очиш ва уларга хорижий валютада қимматли қоғозларни сотиб олиш (сотиш)ни амалга ошириш ҳуқуқини бериш бўйича илмий таклиф ишлаб чиқилган;

инвестицион лойиҳалар самарадорлигини ифодаловчи NPV, MIRR, IRR, PP, DPP каби молиявий кўрсаткичларни инновацион шаклда баҳолаш механизми такомиллаштирилган.

IV. Тадқиқот натижаларининг жорий қилиниши.

Давлат ва корпоратив тузилмалар ўртасидаги ўзаро молиявий муносабатларни самарали ташкил этиш истиқболлари юзасидан олинган илмий натижалар асосида:

«Корпоратив молия» тушунчасининг иқтисодий мазмуни, унинг хусусиятлари ва берилган муаллифлик таърифлари борасидаги илмий-назарий қарашлар Ўзбекистон Республикаси Олий ва ўрта махсус таълим вазирлиги томонидан нашр этишга рухсат берилган «Zamonaviy korporativ boshqaruv» номли дарсликда ўз аксини топган (Ўзбекистон Республикаси Олий ва ўрта махсус таълим вазирлигининг 2018 йил 25 августдаги 744-сонли буйруғига асосан 744-023 рақам билан рўйхатга олинган гувоҳнома). Бунинг натижасида корпоратив молиявий муносабатларни ташкил этишда мазкур тушунчаларнинг таърифи ва аниқ чегарасини белгилашга имкон яратган;

акциядорлик жамиятлари устав капиталидаги чет эллик инвесторлар улушининг 15 фоиз ҳажмида бўлиши тўғрисидаги талабни бекор қилиш бўйича илмий таклиф Ўзбекистон Республикаси Президентининг 2018 йил 13 июлдаги ПҚ-3852-сонли «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини янада яхшилаш чора-тадбирлари тўғрисида»ги Қарори билан тасдиқланган «Йўл харитаси» (30-банди)да ўз аксини топган (Хусусийлаштирилган корхоналарга кўмаклашиш ва рақобатни ривожлантириш давлат қўмитасининг 2018 йил 18 сентябрдаги 2078/02-09-сон маълумотномаси). Бунинг натижасида акциядорлик жамиятлари учун қулай инвестицион муҳит яратилишига ва қонунчиликдаги мавжуд камчиликларнинг бартараф этилишига эришилган;

хорижий инвесторлар учун Ўзбекистон Республикасининг тижорат банкларида ҳисобрақамлар очиш ва хорижий валютада сотиб олиш (сотиш)ни амалга ошириш ҳуқуқи бериш бўйича илмий таклиф Ўзбекистон Республикаси Президентининг 2018 йил 13 июлдаги ПҚ-3852-сон «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини янада яхшилаш чора-тадбирлари тўғрисида»ги  Қарори билан тасдиқланган «Йўл харитаси» (30-банди)да ўз аксини топган (Хусусийлаштирилган корхоналарга кўмаклашиш ва рақобатни ривожлантириш давлат қўмитасининг 2018 йил 18 сентябрдаги 2078/02-09-сон маълумотномаси). Бунинг натижасида Жаҳон банки ва Халқаро молия корпорациясининг нуфузли «Бизнес юритиш» ҳисоботидаги Ўзбекистон Республикасининг рейтингини янада ошириш ва фонд бозорига чет эллик инвесторларни жалб қилиш жараёнларини тезлаштиришга эришилган;

«Инвестицион лойиҳаларни баҳолаш электрон дастури» номли электрон дастурни амалиётда фойдаланиш бўйича илмий таклифи Ўзбекистон Республикаси Инвестициялар бўйича давлат қўмитаси томонидан амалиётга жорий этилган (Ўзбекистон Республикаси Инвестициялар бўйича давлат қўмитасининг 2018 йил 10 майдаги ШВ-03/05-3739-сонли маълумотномаси). Мазкур таклифнинг амалиётга жорий этилиши натижасида инвестицион лойиҳалар самарадорлигини баҳоловчи кўрсаткичлар – NPV, IRR, MIRR, PP, DPPни ҳисоблаш учун сарфланадиган вақтни тежаш ва инвестицион фаолият самарадорлигини ошириш имкони яратилган.