Караев Шерали Тухтаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Полиетилен учун янги юқори самарали стабилизатор антиоксидантлар олиш технологиясини ишлаб чиқиш ва қўллаш», 02.00.14 – Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2024.2.PhD/Т2775.
Илмий раҳбар: Каримов Маъсуд Убайдулла ўғли, техника фанлари доктори, профессор.
Диссертация бажарилган муассаса номи: Тошкент кимё-технология илмий тадқиқот институти. 
ИК фаолият кўрсатаётган муассаса номи, ИК рақами: Тошкент кимё-технология илмий тадқиқот институти, DSc.16/30.12.2019.К/Т.87.01.
Расмий оппонентлар: Ёдгоров Нормуҳаммад, техника фанлари доктори; Вафоев Ойбек Шукруллаевич, техника фанлари доктори, катта илмий ходим.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: полиетилен материаллари учун узоқ муддатли барқарорликни таъминлайдиган янги, юқори самарали стабилизатор антиоксидантлар олиш технологиясини ишлаб чиқишдан иборат.
III. Тадқиқотнинг илмий янгилиги: 
фенол, пентаеритрит, фтал ангидрид, салицил кислота ҳамда терефтал кислотанинг каталитик реакцияси асосида полиетиленнинг оксидланиш ва УФ нурларга чидамлилигини оширувчи стабилизатор антиоксидантлар синтез қилинган;
синтез қилинган стабилизатор антиоксидантларнинг стабиллаш самарадорлиги гидрооксил, карбонил, амин гуруҳлари ва ароматик ҳалқага боғлиқлиги аниқланган;
стабилланган полиетиленларнинг стабилланмаган полиетиленларга нисбатан узилишдаги кучи 259 Н га, эластиклик модули 33 Н/мм2 гача ортганлиги асосланган;
стабилизатор антиоксидант билан стабилланган полиетиленларнинг таркибидаги дисперс заррачаларнинг узунлиги 2 микронгача ва баландлик тақсимоти 244 нм эканлиги аниқланган;
стабилизатор антиоксидантлар олиш принципиал технологик схемаси ва техник-иқтисодий асослари ишлаб чиқилган.
IV. Тадқиқот натижаларининг жорий қилиниши. Синтез қилинган стабилизатор антиоксидант олиш технологиясини ишлаб чиқиш ва амалиётда қўллаш бўйича олинган илмий натижалар асосида:
этерификация усули ёрдамида стабилизатор антиоксидант олиш технологияси Шуртан газ-кимё мажмуаси МЧЖ корхонасида амалиётга жорий қилинган (Шуртан газ-кимё мажмуаси МЧЖ нинг 2023 йил 10 ноябрдаги 030/4314-сон маълумотномаси). Натижада, стабилизатор антиоксидантни полиетилен суюқланмасига 0,5-3,0 % миқдорда қоъллаганда полимерларни ултрабинафша нурларига барқарорлиги ва хизмат муддатини ошириш имконини берган; 
олинган АО1 маркали антиоксидант Шуртан газ-кимё мажмуаси МЧЖ корхонасида амалиётга жорий қилинган (Шуртан газ-кимё мажмуаси МЧЖ нинг 2023 йил 10 ноябрдаги 030/4314-сон маълумотномаси). Натижада, Ф-0220С, И-1561 ва П-Й342 маркали полиетиленлар учун импорт оърнини босувчи юқори сифатли стабилизатор антиоксидантларни маҳаллийлаштириш имконини берган.