Ризаев Элёр Алимджоновичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри: «Болаларда герпетик стоматитни комплекс даволашни клиник-патогенетик асослаш», 14.00.21–Стоматология (тиббиёт фанлари).
Диссертация мавзуси рўйхатга олинган рақам: В2018.1.PhD/Tib500.
Илмий рахбар: Бекжанова Ольга Есеновна, тиббиёт фанлари доктори, профессор.
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса (муассасалар) номи, ИК рақами: Тошкент давлат стоматология институти DSc.28.12.2017.Tib.59.01.
Расмий оппонентлар: Лукина Галина Ильхамовна, тиббиёт фанлари доктори, профессор (Россия Федерацияси); Гулямов Суръат Саидвалиевич, тиббиёт фанлари доктори, профессор.
Етакчи ташкилот: Упсала университети (Швеция).
Диссертация йўналиши: амалий аҳамиятга молик.
II. Тадқиқотнинг мақсади: болалардаги герпетик стоматитни ташхислашни ва клиник-патогенетик терапиясини такомиллаштиришдан иборат.
III.Тадқиқотнинг илмий янгилиги:
герпетик стоматитларни кечиши организмнинг детоксикацион тизимларининг барқарор эмаслиги сабабли болалар ёши билан бевосита боғлиқлиги клиник исботланган;
антенатал ва перинатал омилларнинг ҳамда соматик ва стоматологик статусларни болаларда герпетик стоматитни келиб чиқишидаги ва кечишидаги муҳим ўрни баҳоланган;
герпетик стоматни ўрта молекуляр оғирликдаги моддалар ва олигопептидларнинг оғиз суюқлиги, қон плазмаси, эритроцитларда йиғилиши токсемиянинг интегратив индексининг ортиши ва касалликнинг хуруж даврида кўпроқ намоён бўлаб, ремиссия даврида сақланадиган эндоген интоксикациянинг шаклланиши билан кечиши аниқланган;
реконвалисценция даврида интокситкациянинг юқори кўрсаткичлари асосида герпетик стоматитнинг ривожланиши ва рецидивларининг юзага келишида эндоген интоксикациянинг патогенетик аҳамияти исботланган.
IV. Тадқиқот натижаларининг жорий қилиниши.
Танадаги турли хил биологик муҳитларда эндоген заҳарланиш ва клиник холатини ўрганиш асосида болаларда ГС ташхислашни такомиллаштириш, даволашни муқобиллаштириш ва самарадорлигини ошириш бўйича олинган илмий натижалар асосида:
олинган илмий натижалар асосида «Болаларда герпетик стоматитни дезинтаксикацион даволашда янгича ёндашув» мавзусида методик қўлланмалар ишлаб чиқилган ва тасдиқланган (Соғлиқни сақлаш вазирлигининг 2017 йил 11 декабрдаги 8н-з/52-сон маълумотномаси). Мазкур методик қўлланма ГСга чалинган бемор болалар танасидаги турли хил биологик мухитларда эндоген заҳарланиш, бемор клиник ҳолатини ўрганиш асосида касалликни тўғри даволаш самарадорлигини ошириш имконини берган;
«Болаларда герпетик стоматитни ташхислашда эндоген интоксикациянинг патогенетик ўрни ва моҳияти» мавзуларида методик қўлланмалар ишлаб чиқилган ва тасдиқланган (Соғлиқни сақлаш вазирлигининг 2017 йил 11 декабрдаги 8н-з/52-сон маълумотномаси). Мазкур методик қўлланма ГСга чалинган бемор болалар танасидаги турли хил биологик муҳитларда эндоген заҳарланиш, бемор клиник ҳолатини ўрганиш асосида касалликни тўғри ташхислаш самарадорлигини ошириш имконини берган;
олинган илмий натижалар соғлиқни сақлаш тизимига, жумладан: Тошкент давлат стоматология институти терапевтик стоматология бўлими, Тошкент тиббиёт академияси 3-клиникаси маслаҳат ташхис поликлиникаси, Тошкент шаҳар 3-сон болалар стоматологик поликлиникаси ва Тошкент шаҳар 1-сон стоматологик поликлиникаси клиник амалиётига жорий қилинган (Соғлиқни сақлаш вазирлигининг 2018 йил 2 апрелдаги 8н-д/64-сон маълумотномаси). Татбиқ қилинган натижалар болаларда ГСни ташхислаш ва даволаш самарадорлигини ошириб, касаллик оғирлигини 1.32 марта, рецидивланиш сонини 2.5 мартага, касаллик давомийлигини 1.64 мартага камайишига ва беморларнинг ҳаёт сифатини яхшилашга имкон яратган.
