Каюмов Шохрух Шароф оъғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): Темир йўлларнинг станция ва юк ишларини ташкил этиш транспорт жараёнлари технологияси, 05.08.03 – Темир йоъл транспортини ишлатиш (техника фанлари). 
Диссертация мавзуси рўйхатга олинган рақам: № В2023.2.PhD/Т3751.
Илмий раҳбар: Расулов Маруфджан Халикович, техника фанлари номзоди, профессор. 
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент давлат транспорт университети ҳузуридаги PhD.15/31.08.2022.Т.73.01 рақамли Илмий кенгаш.
Расмий оппонентлар: Рахмангулов Александр Нелевич, техника фанлари доктори, доцент; Махкамов Алимжон Хамдамович, техника фанлари боъйича фалсафа доктори (PhD), доцент. 
Етакчи ташкилот: Андижон давлат техника институти. 
II. Тадқиқотнинг мақсади темир йўлларнинг станция ва юк ишларини ташкил этиш транспорт жараёнлари технологиясини такомиллаштиришдан иборат.
III. Тадқиқотнинг илмий янгилиги:
вагон оқимларининг суткалик нотекислигининг вагонларнинг туриб қолишига таъсирини ҳисобга олган ҳолда, вагон айланишини башорат қилишнинг кўп омилли модели ёрдамида кўрсаткичлар боғлиқлигини аниқлаш учун кўп ўлчовли обектларни корреляцион-регрессион таҳлил қилиш усули ишлаб чиқилган;
юк обектларига вагонларни узатиш-олиб чиқишнинг оптимал кетма-кетлигини аниқлаш усули технологик амалларни бажаришни кутиш вақтини минималлаштириш асосида юк фронтлари сиғими ва манёвр локомотивлари паркини ҳисобга олган ҳолда тўпламлар назариясидан фойдаланиб ишлаб чиқилган;
темир йўл ярим очиқ вагонлари пастки люкларини ёпиш қурилмасини ишлатиш параметрларини аниқлашнинг математик модели юкларни кўтаришда механизациялашган усулга қўйиладиган талабларни ҳисобга олиб, кинетик энергиянинг ўзгариш теоремаси асосида ишлаб чиқилган;
саноат корхонаси ва туташ станцияси ўзаро ҳамкорлиги жараёнида темир йўл ярим очиқ вагонлари пастки люкларини ёпишда кичик механизация воситаларидан фойдаланишнинг юкларни етказиб бериш муддатлари ва ишчиларнинг меҳнат унумдорлигига таъсири асосланган.
IV. Тадқиқот натижаларининг жорий қилиниши. Темир йўлларнинг станция ва юк ишларини ташкил этиш транспорт жараёнлари технологиясини такомиллаштириш боъйича олинган илмий натижалар асосида:
тўпламлар назариясидан фойдаланиб, юк фронтларининг сиғими ва локомотивлар паркини ҳисобга олган ҳолда технологик амалларни бажаришга кутиш вақтларини минималлаштиришга асосланган вагонларни юк обектларига узатиб-олиб чиқишнинг оптимал кетма-кетлигини аниқлаш усули Тошкент минтақавий темир йўл узелига жорий этилган (Ўзбекистон Республикаси Транспорт вазирлигининг 2025-йил 10-февралдаги 4/Э198-сонли маълумотномаси). Вагонларни юк обектларига узатишни режалаштиришни автоматлаштирилган натижасида бир вагон узатмасида 12 дақиқа тежаш имкониятини яратган, бу эса вагонайланмасини 48 дақиқа тезлаштиришга олиб келган ва 266,8 млн. сўм иқтисодий самарага эришиш имконини берган;
темир йўл ярим очиқ вагонларининг пастки люкларини ёпиш усули, темир йўл ярим очиқ вагонлари пастки люкларини ёпиш қурилмасини ишлатиш параметрларини аниқлашнинг математик модели “Ўзбекистон металлургия комбинати” АЖда (“ЎМК” АЖ) жорий этилган (“ЎМК” АЖнинг 2025-йил 10-февралдаги 01/05-01-01/195-сонли маълумотномаси). Ушбу модел бўйича тажрибаларнинг натижаларига кўра, ярим очиқ вагонлар пастки люкларини механизациялашган усулда ёпиш орқали вагонларни узатишлар сони 50% ва тегишли амалларни бажариш вақти қўлда бажарилиш усулига нисбатан қисқариб ҳамда вагонларни тозалашда банд ходимларнинг меҳнат унумдорлиги 35% ошган, бу эса 351,3 млн. сўм иқтисодий самарага эришиш имконини берган.