Орипов Шукрулло Абдусаломович 
фалсафа доктори (PhD) диссертацияси ҳимояси ҳақида эълон

I. Умумий маълумотлар: 
Диссертация мавзуси, ихтисослик шифри (илмий даража бериладиган фан тармоғи номи): “Бессел оператори қатнашган тўртинчи тартибли гиперболик ва псевдогиперболик тенгламалар учун масалалар” 01.01.02-Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: № В 2024.2.PhD/FM1058
Илмий раҳбар: Каримов Шахобиддин Туйчибоевич, физика-математика фанлари доктори, доцент.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Фарғона давлат университети, PhD.03/30.12.2019.FM.05.04.
Расмий оппонентлар: Хасанов Анварджан, физика-математика фанлари доктори, профессор; Эргашев Тухтасин Гуламжанович, физика-математика фанлари доктори, доцент.
Етакчи ташкилот: Термиз давлат университети
Диссертация йўналиши: назарий аҳамиятга молик.
II. Тадқиқотнинг мақсади алмаштириш операторлари ва Риман усули ёрдамида сингуляр коеффициентли хусусий ҳосилали дифференциал тенгламалар учун бошланғич ва чегаравий масалаларни қўйиш ва ўрганишдан иборат.
III. Тадқиқотнинг илмий янгилиги қуйидагилардан иборат: 
Бессел оператори қатнашган дифференциал тенгламалар учун алмаштириш операторлари ёрдамида Риман функсиясини қуриш усули ишлаб чиқилган;
вақт ўзгарувчиси бўйича Бессел оператори қатнашган тўртинчи тартибли гиперболик тенглама учун топилган Риман функсиясидан фойдаланиб Коши масаласининг бир қийматли ечилиши исботланган;
фазовий ўзгарувчиси бўйича Бессел оператори қатнашган тўртинчи тартибли гиперболик тенглама учун Коши масаласининг бир қийматли ечилиши алмаштириш операторлари ва Риман усулларидан фойдаланиб исботланган;
Бессел оператори қатнашган псевдогиперболик Буссинеска-Ляв тенгламаси учун Коши ва Гурса масалаларининг ечимлари алмаштириш операторлари ва Риман усулидан фойдаланиб топилган.
IV. Тадқиқот натижаларининг жорий қилиниши. Бессел оператори қатнашган тўртинчи тартибли гиперболик ва псевдогиперболик тенгламалар учун масалаларни тадқиқ қилиш бўйича олинган натижалар асосида:
Бессел оператори қатнашган тўртинчи тартибли Буссинеска-Ляв тенгламаси учун қурилган Риман функсияси ҳамда Коши ва Гурса масалаларининг ечим формулаларидан № 23-21-10015-сонли хорижий грантда псевдогиперболик тенгламалар ва коеффициентлари махсусликка эга бўлган дифференциал тенгламалар учун чегаравий масалаларни ечишда фойдаланилган (Россия Таълим ва фан вазирлиги Челябинск давлат университетининг 2024-йил 8-октябрдаги №13-8-сонли маълумотномаси). Натижада, баъзи ноклассик дифференциал тенгламалар учун ечимнинг интеграл кўринишини топиш ва уларни амалий масалаларга татбиқ қилиш имконини берган;
коеффициентлари махсусликка эга бўлган тўртинчи тартибли гиперболик типдаги тенглама ва Буссинеска-Ляв тенгламаси учун бошланғич ва чегаравий масалаларнинг ечимларини қуриш бўйича олинган натижалардан “Бисингуляр масалалар ва уларнинг татбиқлари” номли хорижий илмий лойиҳада псевдогиперболик ва сингуляр коеффициентли дифференциал тенгламалар учун чегаравий масалаларнинг ечимини қуришда фойдаланилган (Ўш давлат университетининг 2024-йил 25-ноябрдаги №1576-сонли маълумотномаси). Натижада, амалий масалалар ечимларининг интеграл кўринишларини топиш имконини берган.