Комилова Махфуза Мирзасултон қизининг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Вирусга қарши дори воситаларини ишлаб чиқишнинг фармакотехнологик аспектлари», 15.00.01 - Дори технологияси (фармацевтика фанлари).
Диссертация мавзуси рўйхатга олинган рақам: В2021.1.PhD/Far77.
Илмий раҳбар: Кариева Ёқут Саидкаримовна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Тухтаев Хаким Рахмонович, фармацевтика фанлари доктори, профессор; Маматханова Мунирахон Ахматхон қизи, техника фанлари доктори, катта  илмий ходим.
Етакчи ташкилот: «Фармацевтика маҳсулотлари хавфсизлиги Маркази» Давлат муассасаси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: антиретровирус терапиясида қўлланиладиган эфавиренз ва невирапин капсулаларининг илмий асосланган таркиблари ва технологияларини ишлаб чиқиш, уларни стандартлаш ишларини амалга оширишдан иборат. 
III. Тадқиқотнинг илмий янгилиги:
илк бор тажрибани математик режалаштириш усулида антиретровирус терапиясида қўллаш учун мўлжалланган эфавиренз капсулалари учун ёрдамчи моддалар мажмуаси танланган ва технологияси ишлаб чиқилган;
турли ёрдамчи моддаларни сақлаган капсуланадиган массаларнинг технологик хоссаларини қиёсий ўрганиш натижасида, невирапин капсулалари учун таркиб таклиф этилган ва нам донадорлаш усулида олиш технологияси яратилган;
антиретровирус таъсирга эга эфавиренз ва невирапин капсулаларининг стандартлаш ишлари амалга оширилган ва улар учун спецификация ишлаб чиқилган;
технологияси ишлаб чиқилган эфавиренз ва невирапин капсулаларини биофармацевтик нуқтаи назардан баҳолаш учун «Эрувчанлик» синовини ўтказиш шароитлари илмий асосланган.
IV. Тадқиқот натижаларининг жорий қилиниши: Вирусга қарши дори воситаларини ишлаб чиқишнинг фармакотехнологик аспектлари бўйича олинган илмий натижалар асосида:
«Эфавиренз» капсуласи учун корхона фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари хавфсизлиги Маркази» Давлат муассасасига рўйхатдан ўтказиш учун топширилган («Фармацевтика маҳсулотлари хавфсизлиги Маркази» Давлат муассасасининг 2024 йил 11 декабрдаги 41/11-16180-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу меъёрий ҳужжатнинг тасдиқланиши маҳаллий фармацевтик ишлаб чиқарувчи корханага самарали антиретровирус дори воситаси технологиясини жорий қилиш имконини беради;
«Невирапин» капсуласи учун корхона фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари хавфсизлиги Маркази» Давлат муассасасига рўйхатдан ўтказиш учун топширилган («Фармацевтика маҳсулотлари хавфсизлиги Маркази» Давлат муассасасининг 2024 йил 11 декабрдаги 41/11-16181-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу меъёрий ҳужжатнинг тасдиқланиши юқори самарадорликга эга антиретровирус дори воситалар ассортиментини кенгайтириш имконини беради;
«Эфавиренз» капсуласи учун тажриба саноат регламенти МЧЖ «Samarkand-England Eco-Medical» ҚK  билан ҳамкорликда ишлаб чиқилган ва тасдиқланган (ОПР 7697-0211-2024). Мазкур ҳужжатнинг тасдиқланиши натижасида ОИВ-инфекциясига қарши қўлланиладиган дори воситаси учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган.