Рустамова Мадина Мусоқуловнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда 1991-2022 йилларда хотин-қизларнинг ижтимоий-иқтисодий муаммолари ва ечимлари: тарихий таҳлил (Самарқанд вилояти мисолида)», 07.00.01–Ўзбекистон тарихи. 
Диссертация мавзуси рўйхатга олинган рақам: B2023.2.PhD/Tar1457
Илмий раҳбар: Нормуродова Гўзал Бекмуродовна, Тарих фанлари доктори, доцент.
Диссертация бажарилган муассаса номи: Шароф Рашидов номидаги Самарқанд давлат университети.
ИК фаолият кўрсатаётган муассаса номи, ИК рақами: Самарқанд давлат университети ҳузуридаги илмий даражалар берувчи DSc.03/06.04.2024.Tar.20.05.
Расмий оппонентлар: Аминова Азиза Марксовна, тарих фанлари доктори, доцент; Эргашева Юлдуз Алимовна, тарих фанлари доктори, профессор 
Етакчи ташкилот: Қарши давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади:. 1991-2022-йилларда Ўзбекистонда хотин-қизларнинг ижтимоий-иқтисодий муаммолари ва ечимларини Самарқанд вилояти мисолида очиб беришдан иборат.
III. Тадқиқотнинг илмий янгилиги қуйидагилардан иборат: 
Ўзбекистонда хотин-қизларга оид давлат сиёсати асосий кўрсаткичларининг ижтимоий-иқтисодий йўналишда Самарқанд вилояти мисолидаги натижалари хотин-қизларнинг давлат муассасалари ва ННТ фаолиятидаги иштироки натижалари далилланган; 
1991-2022-йилларда Самарқанд вилояти хотин-қизлари ижтимоий-иқтисодий муаммолари таҳлилига кўра, вилоятнинг Ургут туманида эрта никоҳ, Самарқанд шаҳри, Самарқанд туманида носоғлом муҳит, Тойлоқ, Оқдарё ҳудудида оилавий ажрим ва ишсизлик асосий ижтимоий-иқтисодий муаммолар эканлиги ва унинг сабаблари аниқланган;
Самарқанд вилоятининг 1991-2022-йилларга доир иқтисодий кўрсаткичларида хотин-қизларнинг тадбиркорлик, кичик бизнес, ишлаб чиқариш соҳасидаги натижадорлигига қарамасдан вилоят аёлларининг асосий қисми ҳақ тўланмайдиган меҳнат билан бандлиги исботланган;
Республика интеллектуал тараққиётида муносиб ўринга эга бўлган Самарқанд вилоятининг туманлар (ҳудуд) кесимида хотин-қизларининг илм-фан, таълим, инновациялар, соғлиқни сақлаш соҳасидаги салоҳияти кўрсаткичлари далилланган.
Тадқиқотнинг амалий натижалари қуйдагилардан иборат:
IV. Тадқиқот натижаларининг жорий қилиниши. Самарқанд вилояти мисолида хотин-қизларнинг жамият ҳаётидаги ролини ошириш, ижтимоий-иқтисодий муаммоларини ҳал қилишга қаратилган давлат сиёсати ҳамда Самарқанд шаҳри ва тумани, Каттақўрғон, Тойлоқ, Оқдарё, Иштихон каби бир қатор туманларнинг маҳаллаларида хотин-қизларга тегишли ижтимоий, иқтисодий муаммолари ва ечимларига доир илмий хулосалардан Ўзбекистон Республикаси Оила ва хотин-қизлар қўмитаси фаолиятида фойдаланилган (ЎзР Оила ва хотин-қизлар қўмитасининг 2024-йил 1-апрелдаги 04-01/108-сонли маълумотномаси). Ушбу илмий хулосалар Ўзбекистоннинг энг янги тарихи фанида гендер тенглик масалалари тўғрисидаги илмий бўшлиқларни тўлдиришга хизмат қилган;
Самарқанд вилоятининг демографик жараёнларида хотин-қизларнинг ҳолати ва уларнинг ижтимоий-иқтисодий муаммоларини таҳлил қилиш натижасида, касбга йўналтириш, меҳнат бандлигини таъминлаш юзасидан давлат дастури асосида иш билан таъминлаш, кредитлар ажратиш орқали кичик бизнес, ишлаб чиқариш, тадбиркорликка йўналтирилганлиги ҳамда вилоят хотин-қизларининг иқтисодий фаоллигини ошириш даражасига оид илмий натижалар Ўзбекистон Республикаси Оила ва хотин-қизлар қўмитаси фаолиятида фойдаланилган (ЎзР Оила ва хотин-қизлар қўмитасининг 2024-йил 1-апрелдаги 04-01/108-сонли маълумотномаси). Ушбу илмий натижалар кенг жамоатчиликка Самарқанд вилояти хотин-қизларининг ижтимоий-иқтисодий муаммолари моҳиятига оид маълумотларни етказишга хизмат қилган;
Самарқанд вилояти хотин-қизларининг ижтимоий-маънавий, сиёсий-иқтисодий ҳаётнинг барча соҳаларида хусусан, давлат бошқаруви ва вакиллик органлари, ишлаб чиқариш, тадбиркорлик, соғлиқни сақлаш, таълим, маданият каби соҳаларда самарали меҳнат қилганлиги; уларнинг оила ва жамиятдаги мавқеини юксалтиришда, гендер тенгликни таъминлашда ижтимоий-сиёсий субъект сифатидаги роли тўғрисидаги илмий хулосалардан СамДУ фан йўналишларида ўтиладиган “Ўзбекистоннинг энг янги тарихи” номли ўқув қўлланмани ёзишда фойдаланилган (ЎзР Вазирлар Маҳкамасининг 2018-йил 24-июлдаги 571-сонли Қарори асосида 2024-йил 8-апрелдаги 10-1634-сонли маълумотнома). Мазкур илмий хулосалар “Ўзбекистонда демократик давлат ва фуқаролик жамияти асосларининг шаклланиши” мавзусида хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларидаги роли масалаларини такомиллаштиришга хизмат қилган;
Самарқанд вилояти хотин-қизларининг кўздан кечирилаётган даврда илм-фан, таълим, инновацияларга қўшган ҳиссалари, жумладан олима аёлларнинг таълим, соғлиқни сақлаш, ижтимоий ва гуманитар соҳалар ривожидаги ўрни, маориф тизимидаги роли ва давлат мукофоти совриндорларига оид илмий натижалардан СамДУ фан йўналишларида ўтиладиган “Ўзбекистоннинг энг янги тарихи” номли ўқув қўлланмани ёзишда фойдаланилган (ЎзР Вазирлар Маҳкамасининг 2018-йил 24-июлдаги 571-сонли Қарори асосида 2024-йил 8-апрел 10-1634-сонли маълумотнома). Мазкур илмий хулосалар “Янги Ўзбекистонда миллий тикланишдан миллий юксалиш сари” мавзусида Миллий дастурида белгиланган хотин-қизларнинг ҳуқуқ ва манфаатларини ижтимоий-иқтисодий соҳада амалга оширилишида қўллаб-қувватлаш сиёсати мазмун-моҳиятиини такомиллаштиришга хизмат қилган.