Мўминхўжаев Аброрхўжа Муксумходжаевичнинг
фан доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): Ўзбекистонда маънавий ва мафкуравий хавфсизликни таъминлашда сиёсий қарашлар трансформацияси 09.00.09 – “Маънавий жараёнлар ва технологиялар”
Диссертация мавзуси рўйхатга олинган рақам: Б2024.4.PhD/Fal423
Илмий раҳбар: Маматов Нормурод, фалсафа фанлари доктори, профессор.
Диссертация бажарилган муассаса номи: Республика Маънавият ва маърифат маркази ҳузуридаги Ижтимоий-маънавий тадқиқотлар институти
ИК фаолият кўрсатаётган муассаса (муассасалар) номи, ИК рақами: Республика Маънавият ва маърифат маркази ҳузуридаги Ижтимоий-маънавий тадқиқотлар институти, DSc.03/08.05.2024.F.135/01
Расмий оппонентлар: Атамуратов Мурат сиёсий фанлар доктори, Базаров Дилмурад фалсафа фанлари доктори, доцент.
Етакчи ташкилот: Ўзбекистон халқаро ислом академияси
Диссертация йўналиши: назарий аҳамиятга молик.
II. Тадқиқотнинг мақсади: Ўзбекистонда содир бўлаётган ва прогноз қилинаётган сиёсий қарашлар трансформацияси фонида маънавий ва мафкуравий таҳдидлардан сақланиш ва қадриятларни асрашда дуч келиши мумкин бўлган муаммоларни таҳлил қилиш, уларни бартараф этишга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
“сиёсий қарашлар трансформацияси” атамасининг методологик мазмуни унинг маънавий ва мафкуравий хавфсизликни таъминлашдаги ишлаш принциплари, аҳолининг сиёсий онгини ва ғоявий таҳдидлар трансформациясини чоғиштириш ҳамда  давлат бошқаруви тизимидаги ислоҳотлар билан боғлиқ жараёнларда вужудга келадиган интегратив хусусиятига кўра очиб берилган;
Маънавий-мафкуравий хавфсизлигини таъминлашда аҳолининг дунёқараши, ижтимоий-психологик бардошлилиги ҳамда сиёсий позициясини мустаҳкамлаш бўйича амалдаги мақсадли ишлашни классификациялаш, сиёсий манфаатларини тизимлаштириш ва уларни рақамли технологиялар платформасига жойлаштириш жамиятда соғлом сиёсий тафаккурни шакллантириш ва мўтадиллаштиришнинг самарали механизми эканлиги асосланган ҳамда унинг герменевтик ва аксиологик таъсири очиб берилган;
Аҳолининг маънавий ва мафкуравий таҳдидларга нисбатан сиёсий позициясини мустаҳкамлашда маҳаллий, минтақавий ва геосиёсий масштаблардаги ҳодисаларнинг аниқ сиёсий диагностикасини ишлаб чиқиш ва уларни маънавий-мафкуравий селекциялаш асосида халқ дипломатияси имкониятларидан превентив фойдаланиш самарали профилактикалаш технологияси эканлиги назарий ва амалий таъсири ҳамда сиёсий баҳолаш хусусиятига кўра далилланган;
Аҳолида сиёсий етукликни шакллантиришда оила, таълим, оммавий ахборот институтларидан самарали фойдаланишнинг тизимли-функсионал бирлигини интеграциялаштириш ва фаолиятини мунтазам сиёсий-услубий экспертизадан ўтказиш жамиятда яхлит сиёсий қарашлар трансформацияси парадигмасини яратишнинг замонавий тамойиллари эканлиги индуктив ва дедуктив таъсири кўламига кўра очиб берилган.
IV. Тадқиқот натижаларининг жорий қилиниши.
Ўзбекистонда маънаий ва мафкуравий хавфсизликни таъминлашнинг  сиёсий трансформациясини асослаш бўйича олиб борилган илмий тадқиқот натижалари асосида:
“сиёсий қарашлар трансформацияси” атамасининг сиёсий-методологик хусусияти унинг маънаий ва мафкуравий хавфсизликни таъминлашдаги иштироки, ғоявий таҳдидлар трансформациясини чоғиштириш ҳамда сиёсий институтлар билан боғлиқ жараёнда вужудга келадиган интегратив хусусиятига кўра очиб берилганлигидан Ўзбекистон Республикаси Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари Қўмитасининг маънавий хавфсизлик ва миллатлараро тотувликни таъминлаш масалаларига бағишланган конференция, семинар, давра суҳбатлари, шунингдек, маданий-маърифий соҳалардаги “Ўзбекистон герби қабул қилинган кун, Тошкент вилоятининг шаҳар ва туманларида яшовчи турли миллат ҳамда элатларнинг этномаданий хусусиятларини ўрганиш юзасидан дала этнографик тадқиқотини ўтказиш” каби тадбирларида фойдаланилган (Ўзбекистон Республикаси Маданият вазирлиги ҳузуридаги Миллатлараро муносабатлар ва хорижий мамлакатлар билан дўстлик алоқалари Қўмитасининг 2023 йил 28 августдаги 14-07-2001-сонли маълумотномаси). Натижада, маънаий хавфсизлик ва миллатлараро тотувликни таъминлаш масалаларига бағишланган тадбирларни ўтказишдаги қўйилган мақсадларга эришилган;
маънаий-мафкуравий хавфсизликни таъминлашда аҳолининг сиёсий дунёқараши, ижтимоий-психологик бардошлилиги, ғоявий позициясининг мустаҳкамлиги бўйича амалдаги тизимни таснифлаш, уларни рақамли технологиялар платформасидан фойдаланиш имкониятларини ошириш жамиятда сиёсий тафаккур балансини сақлаш ва мўтадиллаштиришнинг самарали механизми эканлиги ҳақидаги таҳлиллардан Ўзбекистон “Миллий тикланиш” демократик партиясининг 2020—2024-йилларга мўлжалланган Сайловолди дастурининг 5-иловасида белгиланган “Ҳуқуқий, сиёсий онг ва маданиятни ошириш ойлиги”ларини тизимли тартибда ўтказишда фойдаланилган (Ўзбекистон “Миллий тикланиш” демократик партиясининг 2023 йил 5 сентябрдаги 02/05-51-сонли далолатномаси). Натижада, Ўзбекистон “Миллий тикланиш” демократик партияси  ходимлари, аъзолари ва тадбирлар давомида қамраб олинган аҳолининг маънаий-маърифий йўналишдаги билим ва кўникмаларини оширишга эришилган;
жамиятдаги маҳаллий, минтақавий ва геосиёсий масштабдаги динамик характерга эга бўлган маънаий-мафкуравий ҳодисаларни диагностика қилиш, селекциялаш ва прогнозлаш ҳамда превентив дипломатиянинг (бағрикенглик, консенсус ва компромисс, кенг қамровли мулоқот, миллатлараро дўстлик ва ҳамжиҳатлик, очиқ ва прагматик сиёсат каби) имкониятларидан самарали фойдаланиш аҳолининг маънаий ва мафкуравий таҳдидларга нисбатан сиёсий иммунитетини мустаҳкамлашнинг муҳим омили эканлиги хавф-хатарларни профилактик баҳолаш хусусиятига кўра очиб берилганлигидан Ўзбекистон Республикаси вазирлар Маҳкамаси ҳузуридаги Ислом сивилизацияси маркази “Учинчи Ренессанс – янги Ўзбекистон” китоб – албомини яратишда фойдаланган (Ўзбекистон Республикаси вазирлар Маҳкамаси ҳузуридаги Ислом сивилизация Марказининг 2023-йил 18-августдаги 05-13/115-сонли далолатномаси). Натижада, маънаий ва мафкуравий таҳдидларни олдини олиш бўйича ўтказилган тадбирларини ташкил этиш ва амалга оширишга ҳамда такомиллаштиришга хизмат қилган;
ғоявий-маънаий таҳдидларга қарши курашишнинг анъанаий сиёсий тарғибот методлари (демократик, либерал, конструктив, коммуникатив) орқали давлатнинг миллий мустақиллигини мустаҳкамлаш, унинг сиёсий имижига путур етказаётган мафкуравий таҳдидларни олдини олиш ва бартараф этишда миллий қадриятларга асосланган дифференциал (классификациялаш, даражалаш, баҳолаш, табақалаштириш) ёндашувли сиёсатнинг юритилишининг аҳамияти ҳақидаги таҳлиллардан Ўзбекистон “Адолат” социал-демократик партиясининг 2020-2024 йилларга мўлжалланган сайловолди дастурининг 6-бандида белгиланган “Партия ҳудудий Кенгашлари фаолияти самарадорлигини ошириш ва уларни салоҳиятли кадрлар билан таъминлаш мақсадида ташкил этилган ўқув-семинар”ларда фойдаланилган (Ўзбекистон “Адолат” социал-демократик партиясининг 2023-йил 7-сентябрдаги 01.04/260-сонли далолатномаси) Натижада, ташкил этилган ўқув-семинарларининг самарадорлигига эришилган.