Кахорова Комола Азаматовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Оқсил-пептид табиатли биологик фаол моддаларни тавсифлашда ҳужайра культураси моделларининг қўлланилиши», 02.00.10–Биоорганик кимё (биология фанлари).
Диссертация мавзуси рўйхатга олинган рақам: В2017.2.PhD/В83 .
Илмий раҳбар: Хашимова Зайнат Саттаровна, биология фанлари доктори.
Диссертация бажарилган муассаса номи: Биоорганик кимё институти.
ИК фаолият кўрсатаётган муассаса (муассасалар) номи, ИК рақами: Биоорганик кимё институти, Ўзбекистон Миллий университети, Ўсимлик моддалари кимёси институти, DSc.27.06.2017.К/В/Т.37.01.
Расмий оппонентлар: Хушбактова Зайнап Абдурахмановна, биология фанлари доктори, профессор; Левицкая Юлия Владимировна, биология фанлари номзоди, доцент.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятгамолик.
II. Тадқиқотнинг мақсади: Cuscuta europeae ўсимлигидан лектинсимон гликопротеидларни ажратиш, тавсифлаш ва Акат, В-16, КМЛ, Hela, C127, U937 ҳужайра культураси моделларида цитотоксик фаоллигини аниқлашдан иборат.
III. Тадқиқотнинг илмий янгилиги:
янги сичқон ингичка ичак аденокарциномаси Акат ҳужайра культураси олинган ва ӯсиш факторлари аниқланган;
билогик фаол моддаларни кенг доирада скрининг қилиш учун янги Акат линияси асосида эффектив тест-тизим яратилган;
илк бор Alhagi L ўсимлигида паразитлик қиладиган Cuscuta europeae ўсимлигидан лектинсимон оқсиллар ажратилган ва тавсифланган;
илк бор ажратилган оқсилларнинг биологик фаоллиги, жумладан цитотоксиклиги, мембрана фаоллиги ва антиоксидантлиги аниқланган.
IV. Тадқиқот натижаларининг жорий қилиниши.
Акат линиясини олиш, культивирлаш бўйича олинган илмий натижалар асосида:
сичқон ингичка ичак раки, культивирланадиган ҳужайра штамми, Акат Е7 клонига Ўзбекистон Республикаси Интеллектуал мулк агентлигининг ихтирога патенти олинган (№IAP 05428, 2017 й.). Натижада Акат линияси асосида яртилган тест-система биологик фаол моддаларни скрининг қилиш имконини берган;
Акат ва Сасо-2 ҳужайра линияларидан Т.4-16 рақамли «Бактериоцин ишлаб чиқарувчи микроорганизмларни ажратиш ва уларни озиқ-овқат саноатида ишлатиш имкониятларини баҳолаш» илмий лойиҳасида Акат Е7 клонидан in vitro шароитида лактобацилларнинг ичакда адгезиясини баҳолашда фойдаланилган (Ӯзбекистон Республикаси Фанлар академиясининг 2018 йил 24-июлдаги 4/1255-1946-сон маълумотномаси). Натижада лактобациллаларни озиқ-овқат саноатида қўллаш имконини берган.
