Quchqarova Sarvinoz Atamuratovnaning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
    Dissertatsiya mavzusi, ixtisoslik shifri: «Cheksiz 2 blok differensial tenglamalar sistemasi bilan yoziladigan differensial o‘yinlar», 01.01.02 – Differensial tenglamalar va matematik fizika (fizika-matematika fanlari).
    Dissertatsiya mavzusi ro‘yxatga olingan raqam: B2022.2.PhD/FM707.
    Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
    IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.01 raqamli Ilmiy kengash.
Ilmiy rahbar: Ibragimov G‘ofurjon Ismoilovich, fizika-matematika fanlari doktori, professor.
Rasmiy opponentlar: fizika-matematika fanlari doktori, professor Mamadaliev Numanjon (Mirzo Ulug‘bek nomidagi O‘zbekiston Milliy universiteti); fizika-matematika fanlari nomzodi, dotsent Ibaydullaev To‘lanboy Tursunboevich  (Zahiriddin Muhammad Bobur nomidagi Andijon Davlat universiteti). 
    Yetakchi tashkilot: Namangan davlat universiteti.
    Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi   Gilbert fazosida cheksiz 2 blok differensial tenglamalar sistemasining echimi mavjud va yagonaligini isbotlash, kafolatlangan tutish va qochish vaqtlarini topish, optimal tutish vaqtini topish, quvlovchi va qochuvchi uchun optimal strategiya qurish, hamda   fazoda ko‘p karrali tutish masalalarini echishdan iborat.
III. Tadqiqotning ilmiy yangiligi quyidagilardan iborat:
  fazoda o‘yinchilar boshqaruvlariga aralash cheklovlar qo‘yilgan differensial o‘yinda ko‘p karrali tutish uchun zarur va etarli shartlar tengsizliklarni echish yordamida aniqlangan; 
   Gilbert fazosida o‘yinchilar boshqaruvlari uchun integral cheklovlar qo‘yilgan differensial o‘yinni ifodalovchi cheksiz 2 blok differensial tenglamalar sistemasi echimining mavjudligi va yagonaligi bo‘yicha intuitiv echimlarning etarli shartlari keltirilgan;
  Gilbert fazosida o‘yinchilar boshqaruvlariga geometrik cheklovlar qo‘yilgan quvish differensial o‘yinida kafolatlangan tutish hamda qochish differensial o‘yinida kafolatlangan qochish vaqtini aniqlash bo‘yicha zaruriy shartlar topilgan;
  Gilbert fazosida o‘yinchilarning boshqaruvlari integral cheklovli differensial o‘yinda optimal tutish vaqtini aniqlash uchun yangi etarli shartlar aniqlanib, o‘yinchilar uchun to‘la sistema aniqlaydigan optimal strategiyalar qurilgan. 
IV.Tadqiqot natijalarining joriy qilinishi: Turli chegarali boshqaruvlarga ega cheksiz ikki blok differensial tenglamalar sistemasi bo‘yicha olingan natijalar asosida:
  Gilbert fazosida o‘yinchilar boshqaruvlariga geometrik cheklovlar qo‘yilgan quvish differensial o‘yinida kafolatlangan tutish hamda qochish differensial o‘yinida kafolatlangan qochish vaqtini aniqlash bo‘yicha topilgan yangi etarli shartlar 01-01-20-2295FR raqamli “Geometrik struktura ichidagi qavariq giperfazoda quvish differensial o‘yini” mavzusidagi ilmiy loyihada, cheksiz sistemalar bilan ifodalangan differensial o‘yin masalalarini tadqiq etishda qo‘llanilgan (Putra Malayziya universitetining 2022-yil 31-oktyabrdagi ma’lumotnomasi, Malayziya). Ilmiy natijalarning qo‘llanilishi, qaralgan differensial o‘yinda kafolatlangan quvish va kafolatlangan qochish vaqtlarini aniqlashga imkon bergan.
  Gilbert fazosida o‘yinchilarning boshqaruvlari integral cheklovli differensial o‘yinda optimal tutish vaqtini aniqlash bo‘yicha topilgan yangi etarli shartlar OT-F-4-(36+32) raqamli “Matematik fizika va optimal boshqaruv masalalarini echishning zamonaviy usullarini ishlab chiqish. Toq tartibli xususiy hosilali tenglamalar uchun noklassik boshlang‘ich va spektral masalalar va ularning tatbiqlari” mavzusidagi ilmiy loyihada, optimal boshqaruv masalalarini tadqiq etishda qo‘llanilgan (O‘zbekiston Milliy universitetining 2024-yil 17-oktyabrdagi №04/11-9008-sonli ma’lumotnomasi). Ilmiy natijalarning qo‘llanilishi, optimal boshqaruv funksiyasini qurishga imkon bergan.