Холмуродова Сабохат Алмахматовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Аминогуруҳ тутган органик бирикмалар билан модификацияланган вермикулит асосида органо-ноорганик сорбентлар олиш технологиясини ишлаб чиқиш», 02.00.13 - Ноорганик моддалар ва улар асосида материаллар технологияси,  02.00.14 - Органик моддалар ва улар асосида материаллар технологияси (техника фанлари).
Диссертация мавзуси рўйхатга олинган рақам: В2024.3.PhD/Т4837.
Илмий раҳбарлар: Тураев Хайит Худайназарович, кимё фанлари доктори,профессор; Алиқулов Рустам Валиевич, кимё фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети ҳузуридаги DSc.03/31.01.2023.К/Т.78.01 рақамли илмий кенгаш асосидаги бир марталик илмий кенгаш.
Расмий оппонентлар: Тураев Зокиржон, техника фанлари доктори; Шукуров Дилмурод Хурсанович, техника фанлари бўйича фалсафа доктори (PhD), доцент..
Етакчи ташкилот: Қарши давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: таркибида аминогуруҳ тутган органик моддалар билан модификацияланган вермикулит асосидаги органо-ноорганик сорбентлар олиш технологиясини ишлаб чиқиш ва қўллашдан иборат.
III. Тадқиқотнинг илмий янгилиги:
вермикулитни термик ва микротўлқинли кенгайтиришнинг мақбул шароитлари аниқланган, вермикулитни микротўлқинли кенгайтиришда унинг таркибидан сувнинг йўқотилган миқдори сув ва водород пероксид эритмалари билан ишлов беришга боғлиқ эканлиги қуйидаги тартибда ошиб бориши исботланган: табиий ҳолатда < сув < 10% ли Ҳ2О2 < 20% ли Ҳ2О2 ≤ 25% ли Ҳ2О2;
кенгайтирилган вермикулит кучли кислоталарда фаоллантирилганида сирт юзасининг кенгайиши кислота консентрациясига боғлиқ ҳолда ортиб бориши физик-кимёвий усуллар билан аниқланган;
вермикулит, гидролизланган полиакрилонитрил ва аминогуруҳ тутган моддалар асосида сорбентлар олишнинг мақбул шароитлари аниқланган ва янги ВМ/ГП/ТЕА; ВМ/ГП/МЕА; ВМ/ГП/ДЕА; ВМ/ГП/У; ВМ/ГП/М полифунксионал сорбентлар олинган;
таркибида аминогуруҳ тутган органик моддалар ва вермикулит асосида олинган янги полифунксиоанл сорбентларнинг Cу(ИИ), Зн(ИИ), Cд(ИИ) ва Аг(И) ионларига нисбатан статик ва динамик алмашиниш сиғимлари аниқланган ҳамда сорбентларнинг металларга танлаб таъсир этувчанлик қатори тузилган;
олинган сорбентлардан саноат оқова сувлари таркибидан Cу(ИИ) ионларини самарали сорбцион ажратиш учун ВМ/ГП/ДЕА сорбентини олиш технологияси ишлаб чиқилган.
IV. Тадқиқот натижаларининг жорий қилиниши. Гидролизланган полиакрилонитрил билан модификацияланган вермикулит ва турли амин гуруҳ тутган моддалар ёрдамида полифунксионал сорбентлар олиш ва унинг физик-кимёвий, сорбсион хоссалари бўйича олинган илмий натижалар асосида:
фаоллантирилган вермикулитни аминогуруҳ тутган органик моддалар билан модификациялаб олинган янги сорбентлар “Муборак газни қайта ишлаш заводи” МЧЖ амалиётига жорий қилинган (“Муборак газни қайта ишлаш заводи” МЧЖнинг 2024 йил  4 сентябрдаги 840/ҒК-09-сонли маълумотномаси). Натижада, ишлаб чиқаришдаги чиқинди сувлар таркибидан оғир металларни ажратиб олиш имконини берган;
олинган юқори сорбсия қувватига эга сорбентлар “Муборак газни қайта ишлаш заводи” МЧЖ да ишлаб чиқаришга жорий қилинган (“Муборак газни қайта ишлаш заводи” МЧЖнинг 2024 йил  4 сентябрдаги 840/ҒК-09-сонли маълумотномаси). Натижада, лаборатория-синов натижалари асосида ишлаб чиқаришдаги чиқинди сувлар таркибидан оғир металларни ажратиб олиш имконини берган.