Пардаева Шахноза Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Сигирларда пододерматитларнинг қиёсий патоморфологияси”, 16.00.02 – Ҳайвонлар патологияси, онкологияси ва морфологияси. Ветеринар акушерлиги ва ҳайвонлар репродуксияси биотехникаси (ветеринария фанлари).
Диссертация мавзуси рўйхатга олинган рақам: B2024.2.PhD/В114
Илмий раҳбар: Дилмуродов Насриддин Бабакулович, ветеринария фанлари доктори, профессор.
Диссертация бажарилган муассаса номи: Самарқанд давлат ветеринария медицинаси, чорвачилик ва биотехнологиялар университети.
ИК фаолият кўрсатаётган муассаса номи, ИК рақами: Самарқанд давлат ветеринария медицинаси, чорвачилик ва биотехнологиялар университети, DSc.06/30.12.2019 В.12.01.
Расмий оппонентлар: Элмуродов Бозорбой Актамович, ветеринария фанлари доктори, профессор; Юлчиев Жасур Баходирович, ветеринария фанлари бўйича фалсафа доктори.
Етакчи ташкилот: Самарқанд давлат тиббиёт университети.    
Диссертация йўналиши: назарий ва амалий аҳамиятга молик.
II. Тадқиқотнинг мақсади маҳсулдор сигирларда туёқ пододерматитларининг мавсумий учраш даражаси,  йирингсиз ва йирингли пододерматитларда туёқ шох капсуласи ва юмшоқ тўқималарининг патоморфологик ўзгаришларини ўрганиш ва қиёсий ташхислашдан иборат.
III. Тадқиқотнинг илмий янгилиги:
сут йўналишидаги қорамолчиликка ихтисослашган хўжаликлар шароитидаги зотли сигирлар туёқларида йирингсиз ва йирингли пододерматитларнинг бир-бирига боғлиқ ҳолда мавсумий учраш  даражаси  баҳор фаслида энг юқори бўлиши аниқланган;
сигирлар йирингсиз пододерматитлари туёқ кафтида сарғиш рангга эга бўлган қўшалоқ тагликнинг ҳосил бўлиши ва йирингли пододерматитларда  шикастланган олдинги оёқларини Х-симон қўйиб ташқи туёқчаларига таянишдек  ўзига хос клиник белгилари билан кечиши аниқланган;
йирингсиз пододерматитларда тери асоси (дерма) ва тери ости қатлами (гиподерма) қизариб қалинлашганлиги, сўрғичлари сони камайганлиги  ва йирингли пододерматитларда тери асоси (дерма) ва тери ости қатламининг (гиподерма) шишиб қалинлашганлиги, сўрғичларида гипертрофия, қон қуйилганлиги ва некроз каби патанатомик ўзгаришлари аниқланиб, қиёсий ташхислаш илмий асосланган;
сигирларнинг йирингсиз пододерматитларида эпидермисдаги ҳужайралар вакуолизацияси, спонгиози ва базал қатлами юпқалашганлиги  ва йирингли жараёнларида эпидермисдаги ҳужайраларда дистрофик ўзгаришлар,   некроз, шиш ва  ҳужайралар ядроларида рексис ва пикноз каби гистопатологик ўзгаришларга асосланиб, касалликни лаборатор ташхислаш усули ишлаб чиқилган.
IV. Тадқиқот натижаларининг жорий қилиниши. Сигирларда пододерматитлар диагностикаси ва патоморфологияси бўйича олиб борилган илмий тадқиқот натижалари асосида:
«Сигирларда йирингсиз ва йирингли пододерматитлар диагностикаси ва патоморфологияси бўйича тавсиялар» ишлаб чиқилиб ўқув жараёнига жорий этилган (Ўзбекистон Республикаси Қишлоқ ҳўжалиги вазирлиги ҳузуридаги Ветеринария ва чорвачиликни ривожлантириш қўмитасининг 11.10.2024 йилдаги 02/23-566-сон маълумотномаси). Ушбу тавсияларнинг қўлланилиши натижасида ҳайвонларда учрайдиган пододерматитлар бўйича мавжуд ўқув ва илмий маълумотларни бойитиш, ветеринария ва чорвачилик соҳасида кадрлар тайёрлашда «пододерматитлар» нинг учраш даражаси ва касалликнинг патоморфологик ўзгаришларини аниқлаш асосида ташхис қўйиш имконияти яратилган;
    тадқиқотларнинг сигирлар пододерматитида туёқ шох капсуласи ва юмшоқ тўқималарида патологоанатомик ва гистопатологик илмий асосланган хулосалари «Ветеринария хирургияси» фанининг «ортопедия» бўлими ва «Патологик анатомия, гавда ёриш ва ветеринария суд экспертизаси» фанининг «туёқ касалликларнинг патоморфологияси» бўлимини ўқитиш жараёнига жорий қилинган (Ўзбекистон Республикаси Қишлоқ ҳўжалиги вазирлиги ҳузуридаги Ветеринария ва чорвачиликни ривожлантириш қўмитасининг 11.10.2024 йилдаги 02/23-566-сон маълумотномаси). Олинган натижалар асосида сигирлар пододерматитининг тури ва кечиш босқичларини инобатга олган ҳолда ташхис ва қиёсий ташхис қўйиш ҳамда даволаш ва олдини олишнинг илмий асосланган самарали усулларини ишлаб чиқиш, сигирлар пододерматитининг учраш даражаси, патологоанатомик ва гистопатологик ўзгаришларини ўрганиш бўйича талабаларнинг фаоллик ва ўзлаштириш даражасини 96% га етказишга эришилган.