Махаммадиев Акмал Ахтамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Жисмоний тарбия ва спорт таълимида допинг назоратини ривожлантириш механизмларини такомиллаштириш”, 13.00.04 – Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси ҳамда 13.00.01 – Педагогика назарияси. Педагогик таълимотлар тарихи, педагогика фанлари бўйича фалсафа доктори (PhD).
Диссертация мавзуси рўйхатга олинган рақам: В2023.3.PhD/Ped1463
Илмий раҳбар: Яқубов Фазлиддин Мухитдинович педагогика фанлари бўйича фалсафа доктори (PhD), доцент.
Илмий маслаҳатчи: Джумақулов Шухрат Баходирович педагогика фанлари бўйича фалсафа доктори (PhD), доцент.
Диссертация бажарилган муассаса номи: Ўзбекистон давлат жисмоний тарбия ва спорт университети.
Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, ДСc.03/30.12.2019.Пед.28.01.
Расмий оппонентлар: Олимов Мухсинбек Сотиволдиевич педагогика фанлари доктори (ДСc), профессор; Турсунов Нодиржон Ботирович тиббиёт фанлари номзоди, доцент.
Етакчи ташкилот: Жиззах давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади жисмоний тарбия олий ўқув юртлари талабалари ўқув жараёнида антидопингга қарши йўналтирилганликни шакллантириш методологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
антидопинг таълими консепсияси, назарий ва услубий мазмуни аниқланди, бу допингдан фойдаланишга қарши курашнинг педагогик воситалари ва усуллари, шунингдек жисмоний тарбия ва спорт университетлари талабаларини ўқитишнинг замонавий даражасига қўйиладиган талабларни сезиларли даражада тўлдирган, кенгайтирган ва чуқурлаштирган;
талабаларда антидопинг эътиқоди ва қарашларини шакллантиришга йўналтириш имконини берадиган жисмоний маданият ва спорт мутахассиси моделининг антидопинг компоненти ишлаб чиқилган;
битирувчиларга қўшимча талаблар яратишга ёрдам берадиган жисмоний маданият университетлари талабаларининг антидопинг компетенсиясининг ривожлантириш мақсадида ишлаб чиқилган дастур орқали талабаларнинг допингга қарши курашишга тайёрлик даражасини баҳолашга имкон берадиган баҳолаш мезонлари ва антидопинг компетенсиясини ривожлантириш даражаси аниқланган;
допингга қарши тушунча ва допинг соҳасида юқори даражадаги билимларни яратишга ҳисса қўшган жисмоний маданият олий ўқув юртлари ўқувчиларининг ўқув жараёнида антидопингга қарши йўналтирилганликни шакллантириш методологияси асосланган.    
IV. Тадқиқот натижаларининг жорий қилиниши. Жисмоний тарбия ва спортда допинг назоратини кучайтириш механизмларини такомиллаштиришга оид тадқиқотнинг илмий натижалари асосида:
антидопинг таълими консепсияси, назарий ва услубий мазмуни аниқланди, бу допингдан фойдаланишга қарши курашнинг педагогик воситалари ва усуллари, шунингдек жисмоний тарбия ва спорт университетлари талабаларини ўқитиш бўйича таклиф ва тавсиялар Ўзбекистон давлат жисмоний тарбия ва спорт университети ўқув жараёнига тадбиқ этилган (Ўзбекистон Республикаси Спорт вазирлигининг 2024-йил 4-майдаги 03-16/4532-сон маълумотномаси). Натижада, талабаларнинг антидопинг бўйича билим олиш натижалари 76%га ошган;
талабаларда ўқув жараёнида антидопингга қарши йўналтирилганлик муносабатларини шакллантириш бўйича ишлаб чиқилган методика асосида Спорт фаолияти (фаолият турлари бўйича) бакалавриат таълим йўналишида ўқитиладиган “Спорт ҳуқуқи” фани мавзуларини ўқитишда фойдаланилди (Ўзбекистон Республикаси Спорт вазирлигининг 2024-йил 4-майдаги 03-16/4532-сон маълумотномаси). Натижада, янги методикада ўқитилган талабаларнинг антидопинг бўйича билимлари 18,5 % ривожланган;
битирувчиларга қўшимча талаблар яратишга ёрдам берадиган жисмоний маданият университетлари талабаларининг антидопинг компетенсиясининг ривожлантириш мақсадида ишлаб чиқилган дастур орқали талабаларнинг допингга қарши курашишга тайёрлик даражасини баҳолашга имкон берадиган баҳолаш мезонлари ва антидопинг компетенсиясини қўллаш бўйича таклиф ва тавсиялар Ўзбекистон Миллий университетининг ўқув жараёнига тадбиқ этилган (Ўзбекистон Республикаси Спорт вазирлигининг 2024-йил 4-майдаги 03-16/4532-сон маълумотномаси). Натижада, “Спорт этикаси”, “Допингни қўллашга қарши курашнинг миллий ва халқаро ҳуқуқий асослари”, “Допинг назоратининг ташкилий ҳуқуқий асослари ва халқаро спортда допингни қўллаганлик учун жавобгарлик”, “Спорт низоларини кўриб чиқиш ва ҳал қилишни ҳуқуқий тартибга солиш” фан дастурлари шакллантирилган;
олий ўқув юртларида тайёрланаётган Спорт фаолияти (фаолият турлари бўйича) бакалавриат таълим йўналиши талабаларининг ўқув жараёнида антидопингга қарши йўналтирилганликни шакллантиришга қаратилган методика талабаларнинг Чирчиқ давлат педагогика университетида таҳсил олувчи талабаларнинг ўқув жараёнига тадбиқ этилган (Ўзбекистон Республикаси Спорт вазирлигининг 2024-йил 4-майдаги 03-16/4532-сон маълумотномаси). Натижада талабаларнинг назарий билимлари 66,2%га ривожланган.