Нуриллаев Хамза Кудаибергеновичнинг  
 фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инглиз ва қорақалпоқ тилларидаги соматик фраземаларнинг лингвомаданий таҳлили», 10.00.06 – Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: В2021.3.PhD/Fil1986.
Илмий раҳбарининг Ф.И.Ш., илмий даражаси ва унвони: Абдиназимов Шамшетдин Нажимович, филология фанлари доктори, профессор.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса номи, ИК рақами: Қорақалпоқ  давлат  университети,   PhD.03/30.04.2022.Fil.20.07.  
 Расмий оппонентларнинг Ф.И.Ш., илмий даражаси ва унвони: Кдирбаева Гулзира  Курбанбаевна, филология фанлари доктори (DSc), доцент; Бекбергенов Қıдıрбай Айжариқович,  филология фанлари номзоди, доцент.
Етакчи ташкилот номи: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади инглиз ва қорақалпоқ тилларидаги соматик компонентли фразеологизмларнинг лингвомаданий хусусиятларини таҳлил қилиш.
III. Тадқиқотнинг илмий янгилиги:
миллий урф-одат ва анъаналарни акс эттирувчи соматик фразеологик бирликларнинг лингвомаданий хусусиятларини ўрганиш орқали инглиз ва қорақалпоқ халқлари менталитетини чуқур англаш мумкинлиги исботланган;
инглиз ва қорақалпоқ тилларидаги соматик фраземаларни алоҳида тадқиқ қилиш орқали уларнинг умумий (инсоннинг асосий эҳтиёжлари, ҳис-туйғулари ва ҳаракатлари) ва фарқли белгилари (маданий, тарихий, таркибий, қўлланиш жадаллиги, ассоциатив маънолари) лингвомаданий аспектда қиёсий аниқланган;
инглиз ва қорақалпоқ тилларидаги соматик фразеологик бирликларнинг лексик, структуравий ва грамматик турлари асослаб берилган, бунда уларнинг мазмуни, шакли ва лингвистик хусусиятлари далилланган;
тилшунослик, лингвомаданиятшунослик ва когнитив лингвистика аспектларининг интеграцияси, фанлараро алоқасидан фойдаланиб, соматик фразеологик бирликлар феномени ҳамда уларнинг барча тил сатҳларидаги ўрни ҳар томонлама очиб берилган.
IV. Тадқиқот натижаларининг жорий қилиниши. Инглиз ва қорақалпоқ тилларидаги соматик фразеологизмларнинг лингвомаданий талқини бўйича олиб борилган тадқиқот натижалари асосида:
миллий урф-одат ва анъаналарни акс эттирувчи соматик фразеологик бирликларнинг лингвомаданий хусусиятларини ўрганиш орқали инглиз ва қорақалпоқ халқлари менталитетини чуқур англаш мумкинлиги ҳақидаги хулосалар 2017–2020-йилларда амалга оширилган “ФА-Ф1-ОО5 “Қорақалпоқ фолклори ва адабиётшунослиги тарихини тадқиқ қилиш” мавзусидаги фундаментал лойиҳада фойдаланилган (Ўзбекистон Республикаси Фанлар академияси Қорақалпоғистон бўлими Қорақалпоқ гуманитар фанлар илмий-тадқиқот институтининг 2024-йил 4-октябрдаги 455/1-сон маълумотномаси). Натижада лойиҳа мазмуни кенгайтилган, назарий курс ва амалий машқлар, махсус семинарларни ташкил қилиш имкони яратилган;
инглиз ва қорақалпоқ тилларидаги соматик фраземаларни алоҳида тадқиқ қилиш орқали уларнинг умумий ва фарқли белгилари лингвомаданий аспектда қиёсий ўрганиш ҳамда тилшунослик, лингвомаданиятшунослик, когнитив лингвистика аспектларининг интеграцияси, фанлараро алоқасидан фойдаланиб, соматик фразеологик бирликлар феномени ва уларнинг барча тил сатҳларидаги ўрни билан боғлиқ натижаларидан Қорақалпоғистон телерадиоканалининг “Тил байлıǵı – эл байлıǵı” кўрсатуви ҳамда Қорақалпоғистон радиоканалининг “Тилге итибар – элге итибар” эшиттиришларида фойдаланилган (Қорақалпоғистон Республикаси Телерадиокомпаниясининг 2024-йил 30-сентябрдаги 05-22/423-сон маълумотномаси). Натижада фразеологик бирликларнинг лингвомаданий аспектдаги умумий ва ўзига хос хусусиятлари бўйича илмий-амалий хулосалар чиқариш имкони яратилган;
инглиз ва қорақалпоқ тилларидаги соматик фразеологик бирликларнинг лексик, структуравий ва грамматик турлари, уларнинг мазмуни, шакли ва лингвистик хусусиятлари ҳақидаги хулосалардан “Қорақалпоғистон тарихи ва маданияти” музейи фаолиятида фойдаланилган (Қорақалпоғистон Республикаси тарихи ва маданияти музейининг 2024-йил 30-сентябрдаги 270-сон маълумотномаси). Натижада музей экспонатларининг таърифлари инглиз ва қорақалпоқ тилларидаги миллий тилга хос индикаторлар билан бойитилди, шу билан бирга ўтказиладиган экскурсия ссенарийларининг матнларини янги маълумотлар билан бойитилган.