Гасанбеков Владимир Креминальдовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар

Диссертация мавзуси, ихтисослик шифри (илмий даража бериладиган фан тармоғи номи): «Спорт фалсафаси генезиси, моҳияти ва аҳамиятининг ижтимоий-фалсафий таҳлили», 09.00.04–Ижтимоий фалсафа ва 09.00.03–Фалсафа тарихи (фалсафа фанлари).

Диссертация мавзуси рўйхатга олинган рақам: В2017.1.PhD/Fal1.

Диссертация бажарилган муассаса номи: Ўзбекистон Миллий университети

ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.27.06.2017.Ғ.01.05.

Расмий оппонентлар: фалсафа фанлари доктори, профессор Саифназаров Исмоил Саифназарович, фалсафа фанлари доктори профессор Абилов Урол Муродович

Етакчи ташкилот: Низомий номидаги Тошкент Давлат Педагогика университети.

Диссертация йўналиши: назарий аҳамиятга молик.

II. Тадқиқотнинг мақсади: спорт фалсафасининг ривожланиш хусусиятлари, тараққиёти, аҳамиятини ижтимоий-фалсафий нуқтаи назардан очиб беришдан иборат.

III. Тадқиқотнинг илмий янгилиги:

ғарб ва шарқ спорт фалсафасининг эркинлик, бағрикенглик, инсонпарварлик, ватанпарварлик, тинчликсеварлик каби парадигмалари ҳамда жасорат, мардлик, ҳалоллик каби ахлоқий-аксиологик компонентларининг ўзаро алоқадорлиги  тизимлилик асосида очиб берилган;

“агонистика”, “тана ва руҳ дихатомияси”, “спорт фаоллиги”, “жисмоний маданият”, “спорт моделлари конвергенцияси” каби тушунчалар ижтимоий фалсафий жиҳатдан такомиллаштирилган;

жисмоний маданиятнинг умуммаданий жараёндаги фаоллик, ботиний яхлитлик ва ҳиссий кўтаринкилик, соғлом турмуш тарзи каби  ўзига хос хусусиятлари очиб берилган;

соғлом турмуш тарзини шакллантиришда спорт фалсафасининг очиқ баҳслашув, ижодий ва жисмоний имкониятлар уйғунлиги каби тенденциялари, индивидуал ҳамжиҳатлик, валеологик саводхонлик, каби механизмларини татбиқ этишга доир тавсиялар ишлаб чиқилган.

IV. Тадқиқот натижаларининг жорий қилиниши.

Спорт фалсафаси генезиси, моҳияти ва аҳамиятининг ижтимоий-фалсафий таҳлилининг ғарб ва шарқ спорт фалсафаси парадигмалари ҳамда ахлоқий-аксиологик компонентлари ўзаро алоқадорлигига оид хулосалардан Ўзбекистон «Миллий тикланиш» Демократик партияси 2016 йилги ишлар режасининг 6.8- «Келажаги буюк юрт фарзандлари» номли бандини ишлаб чиқишда ҳамда  соғлом турмуш тарзини шакллантиришда спорт фалсафасидаги тенденциялар, механизмларни татбиқ этишга доир хулосалардан 2017 йилга мўлжалланган иш режасининг 6.17-«Ўзбек кураши–жасорат ва ҳалоллик тимсолидир» номли бандини ишлаб чиқишда фойдаланилган. (Ўзбекистон “Миллий тикланиш” демократик партиясининг 2018 йил 2 июндаги 01-374-сон маълумотномаси).  Бу ёшларда миллий ғурур, миллий ифтихор, ватанпарварлик туйғуларини юксалтиришда муайян назарий манба сифатида хизмат қилган;

“агонистика”, “тана ва руҳ дихатомияси”, “спорт фаоллиги”, “жисмоний маданият”, “спорт моделлари конвергенцияси”каби тушунчаларнинг ижтимоий фалсафий хусусиятларига оид хулосалардан Республика Маънавият ва маърифат марказининг 2017 йилда амалга ошириладиган ишлар режасининг 15-«Марказ ҳузуридаги таянч докторантура ва докторантура мустақил изланувчилари институтининг маънавий-маърифий, мафкуравий таргибот, оила ва ёшлар тарбияси масалаларидаги тадқиқотларини янги босқичга олиб чиқиш, бунда соҳага доир тажрибалардан кенг фойдаланиш» бандини ишлаб чиқишда ҳамда жисмоний маданиятнинг умуммаданий жараёндаги ўзига хос хусусиятларига оид таклифлардан 10- «Болаларнинг дам олишини ташкил этиш ва соғломлаштириш чора-тадбирларини ишлаб чиқиш, уларни амалга ошириш юзасидан тизимли назорат ва мониторингни таъминлаш”, 3-«Мактабдан ташкари таълим муассасалари, спорт мактаблари, ахборот ресурс марказларида оромгоҳларга жалб этилмаган болаларнинг бўш вақтларини мазмунли ташкил этиш буйича иш режасини ишлаб чиқиш ва ижрога йўналтириш» бандини ижросини таъминлашда фойдаланилган. (Республика Маънавият ва маърифат марказининг 2018 йил 31 майдаги 02-701-18-сон маълумотномаси). Бу таълим муассасаларида спортнинг шарқ яккакураш турларига ёшларни қизиқтириш, спортни жамиятда оммалаштириш бўйича амалга оширилаётган тарғибот-ташвиқот ишларини мазмунан бойитиш, ёшларда руҳий, маънавий тарбия кўникмаларини кучайтиришга хизмат қилган.