Усманова Хулкар Асадуллаевнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кўп функцияли автоматлаштирилган ўта юқори частотали пахта материаллари нам ўлчагичининг метрологик таъминотини текшириш ва ишлаб чиқиш», 05.03.01–Асбоблар. Ўлчаш ва назорат қилиш усуллари (тармоқлар бўйича) (техника фанлари).
Диссертация мавзуси рўйхатга олинган рақам: B2018.2.PhD/Т753.
Илмий раҳбар: Исматуллаев Патхулла Рахматович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Тошкент давлат техника университети, DSc.27.06.2017.Т.03.02.
Расмий оппонентлар: Абдувалиев Абдуқаххор Абдулхаиевич, техника фанлари доктори, профессор; Ўлжаев Эркин, техника фанлари номзоди, доцент.
Етакчи ташкилот: «Пахтасаноат илмий маркази» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: пахта материаллари учун сезгирлиги оширилган ўта юқори частотали нам ўлчагичининг метрологик тавсифларини ҳисобга олган ҳолда ўта юқори частотали нам ўлчагичининг метрологик таъминотини текшириш ва ишлаб чиқишдан иборат.
III. Тадқиқотнинг илмий янгилиги:
ўта юқори частотали электромагнит майдонининг пахта материаллари билан ўзаро таъсири функцияси нам материалнинг уч (сув, қуруқ модда ва ҳаво) қатламли модели асосида синтез қилинган;
пахта материаллари ўта юқори частотали нам ўлчагичининг метрологик тавсифлари (ўлчаш диапазони, ўлчаш хатолиги, намуна массаси ва ҳ.к.) асосида информатив ва ноинформатив ўлчов параметрларининг таъсирларини ҳисобга олган ҳолда аниқланган;
пахта материаллари ўта юқори частотали нам ўлчагичини қиёслаш схемаси ҳамда ўта юқори частотали нам ўлчагичининг номинал градуировкали боғланишини тезкор қиёслаш схемасининг элементлари ишлаб чиқилган;
ўта юқори частотали нам ўлчагичларининг метрологик таъминотини оптималлаштиришнинг принципи ишлаб чиқилган.
IV. Тадқиқот натижаларининг жорий қилиниши.
Пахта материаллари намлигини ўлчовчи микропроцессорли ўта юқори частотали нам ўлчагич структурасини такомиллаштириш ва метрологик таъминотини ишлаб чиқиш бўйича олинган илмий натижалар асосида:
такомиллаштирилган ўта юқори частотали нам ўлчагич Янгийўл шаҳридаги “Қорасув пахтатозалаш” АЖга жорий қилинган («Ўзпахтасаноат» АЖнинг 2018 йил 28 июнидаги 02-18/3901-сон маълумотномаси). Натижада нам ўлчагич аниқлиги ошиши имконини берган (хусусан, максимал нисбий хатолик 5-7%дан ошмади);
ўта юқори частотали нам ўлчагич қиёслаш схемасининг элементлари «Қорасув пахтатозалаш» АЖга жорий қилинган («Ўзпахтасаноат» АЖнинг 2018 йил 28 июнидаги 02-18/3901-сон маълумотномаси). Натижада пахта маҳсулотларини қайта ишлаш жараёнларида намликни ўлчаш тизимини такомиллаштириш имкони яратилган;
метрологик таъминоти оптималлаштирилган ўта юқори частотали нам ўлчагич «Қорасув пахтатозалаш» АЖга жорий қилинган («Ўзпахтасаноат» АЖнинг 2018 йил 28 июнидаги 02-18/3901-сон маълумотномаси). Натижада намлик бўйича олинаётган ахборотларнинг ишончлилиги, пахта материалларини қайта ишлаш жараёнида электр энергияни тежаш, контактсиз ўлчаш натижасида намуна сифатининг пасаймаслиги ва ишлаб чиқарилаётган маҳсулотлар сифатининг ошишига эришилган.
