Uralova Saboxat Ismoiljon qizining
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Boshqaruvlari eksponensial va Langenhop tipidagi chegaralanishli differensial o‘yinlar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: № B2024.1.PhD/FM1006
Dissertatsiya bajarilgan muassasa nomi: V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: V.I.Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Samatov Baxrom Tadjiaxmatovich, fizika-matematika fanlari doktori, professor.
Rasmiy opponentlar: Taxirov Jozil Ostanovich, fizika-matematika fanlari doktori, professor; Ibaydullaev To‘lanboy Tursunboevich, fizika-matematika fanlari nomzodi, dotsent.
Yetakchi tashkilot: O‘zbekiston Milliy universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi o‘yinchilarning boshqaruv funksiyalari eksponensial va Langenhop tipidagi cheklovlarni qanoatlantiruvchi differensial o‘yinlarda quvish-qochish masalalarini hal etishdan iborat.
III. Tadqiqotning ilmiy yangiligi quyidagilardan iborat:
boshqaruv funksiyalari eksponensial integral chegaralanishli oddiy va chiziqli
differensial o‘yinlarda berilgan parametrlar asosida quvlovchiga P-strategiya qurilgan, qochuvchiga esa kechikishga ega boshqaruv aniqlangan va natijada quvish-qochish masalalari echilishini kafolatlovchi etarli shartlarni aniqlangan;
boshqaruv funksiyalari Langenhop tipidagi chegaralanishga ega oddiy va chiziqli differensial o‘yinlarda berilgan parametrlar bo‘yicha quvlovchining P-strategiyasi va qochuvchining kechikishga ega boshqaruvi orqali quvish-qochish masalalari echilishining etarli shartlari aniqlangan va o‘yinchilar orasidagi masofaning quyi chegarasi topilgan;                                                                                                                                                                                                                                                                                              
boshqaruv funksiyalari Langenhop tipidagi chegaralanishli inersiyaga ega o‘yinchilar differensial o‘yinida berilgan parametrlar asosida quvlovchiga P-strategiya qurilgan, qochuvchiga esa kechikishga ega boshqaruv aniqlangan va natijada quvish-qochish masalalari echilishining etarli shartlari topilgan.
boshqaruv funksiyalari Langenhop tipidagi nostatsionar chegralanishga ega oddiy va nostatsionar differensial o‘yinlarda berilgan parametrlar asosida quvish-qochish masalalari echilishini kafolatlovchi etarli shartlarni aniqlagan va o‘yinchilar orasidagi masofaning quyi chegarasi topilgan.               
IV. Tadqiqot natijalarining joriy qilinishi. Boshqaruvlari eksponensial va Langenhop tipidagi chegaralanishli differensial o‘yinlar bo‘yicha olingan natijalar asosida:
boshqaruv funksiyalari eksponensial integral chegaralanishga ega oddiy va chiziqli differensial o‘yinlarda quvish-qochish masalalari echilishini kafolotlovchi shartlaridan 374874-2022 raqamli “Fazaviy  o‘tishlar va tahliliy hodisalar masalalari. Ularning tez o‘tish tenglamalari va  asimptotikalarining matematik xususiyatlari” mavzusidagi xorijiy loyihasida  oddiy differensial tenglamalar uchun analogik masalalarni echishda foydalanilgan (O‘sh davlat universitetining 2024-yil 11-sentyabrdagi 1170-sonli ma’lumotnomasi, Qirg‘iziston Respublikasi). Ilmiy natijaning qo‘llanishi oddiy va chiziqli differensial tenglamalar sistemasi bilan ifodalangan fazaviy o‘tishlar va tahliliy hodisalar masalalarining to‘liq echimlarini ko‘rsatish imkonini bergan;
boshqaruv funksiyalari Langenhop tipidagi nostatsionar chegralanishga ega oddiy va nostatsionar differensial o‘yinlarda berilgan parametrlar asosida quvish-qochish masalalari echilishini kafolatlovchi etarli shartlaridan OT-F4-33 raqamli “Differensial tenglamalar bilan tavsiflanuvchi ziddiyatli boshqaruv uchun yangi usullarni ishlab chiqish va ularning sonli tadbiqi” mavzusidagi fundamental loyihada boshqaruvlari holat cheklovlariga ega dinamik tenglamalar bilan tasvirlangan qarama-qarshi holatlarni boshqarish masalalarni hal qilishda foydalanilgan (O‘zbekiston Milliy universitetining 2024-yil 15-oktyabrdagi 04/11-8818-sonli ma’lumotnomasi). Ilmiy natijaning qo‘llanishi Langenhop tipidagi cheklovlarga bo‘ysunuvchi oddiy va nostatsionar dinamik tenglamalar bilan ifodalangan qarama-qarshi maqsadli boshqaruvga ega masalalarining to‘liq echimlarini ko‘rsatish imkonini bergan.