Уралова Сабохат Исмоилжон қизининг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бошқарувлари экспоненсиал ва Лангенҳоп типидаги чегараланишли дифференциал ўйинлар”, 01.01.02-Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: № В2024.1.PhD/FM1006
Диссертация бажарилган муассаса номи: В.И.Романовский номидаги Математика институти.
ИК фаолият кўрсатаётган муассаса номи, ИК рақами: В.И.Романовский номидаги Математика институти ҳузуридаги DSc.02/30.12.2019.FM.86.01 рақамли Илмий кенгаш.
Илмий раҳбар: Саматов Бахром Таджиахматович, физика-математика фанлари доктори, профессор.
Расмий оппонентлар: Тахиров Жозил Останович, физика-математика фанлари доктори, профессор; Ибайдуллаев Тўланбой Турсунбоевич, физика-математика фанлари номзоди, доцент.
Етакчи ташкилот: Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ўйинчиларнинг бошқарув функсийалари экспоненсиал ва Лангенҳоп типидаги чекловларни қаноатлантирувчи дифференциал ўйинларда қувиш-қочиш масалаларини ҳал этишдан иборат.
III. Тадқиқотнинг илмий янгилиги қуйидагилардан иборат:
бошқарув функсиялари экспоненсиал интеграл чегараланишли оддий ва чизиқли
дифференциал ўйинларда берилган параметрлар асосида қувловчига П-стратегия қурилган, қочувчига эса кечикишга эга бошқарув аниқланган ва натижада қувиш-қочиш масалалари ечилишини кафолатловчи етарли шартларни аниқланган;
бошқарув функсиялари Лангенҳоп типидаги чегараланишга эга оддий ва чизиқли дифференциал ўйинларда берилган параметрлар бўйича қувловчининг П-стратегияси ва қочувчининг кечикишга эга бошқаруви орқали қувиш-қочиш масалалари ечилишининг етарли шартлари аниқланган ва ўйинчилар орасидаги масофанинг қуйи чегараси топилган;                                                                                                                                                                                                                                                                                              
бошқарув функсиялари Лангенҳоп типидаги чегараланишли инерсияга эга ўйинчилар дифференциал ўйинида берилган параметрлар асосида қувловчига П-стратегия қурилган, қочувчига эса кечикишга эга бошқарув аниқланган ва натижада қувиш-қочиш масалалари ечилишининг етарли шартлари топилган.
бошқарув функсиялари Лангенҳоп типидаги ностационар чеграланишга эга оддий ва ностационар дифференциал ўйинларда берилган параметрлар асосида қувиш-қочиш масалалари ечилишини кафолатловчи етарли шартларни аниқлаган ва ўйинчилар орасидаги масофанинг қуйи чегараси топилган.               
IV. Тадқиқот натижаларининг жорий қилиниши. Бошқарувлари экспоненсиал ва Лангенҳоп типидаги чегараланишли дифференциал ўйинлар бўйича олинган натижалар асосида:
бошқарув функсиялари экспоненсиал интеграл чегараланишга эга оддий ва чизиқли дифференциал ўйинларда қувиш-қочиш масалалари ечилишини кафолотловчи шартларидан 374874-2022 рақамли “Фазавий  ўтишлар ва таҳлилий ҳодисалар масалалари. Уларнинг тез ўтиш тенгламалари ва  асимптотикаларининг математик хусусиятлари” мавзусидаги хорижий лойиҳасида  оддий дифференциал тенгламалар учун аналогик масалаларни ечишда фойдаланилган (Ўш давлат университетининг 2024-йил 11-сентябрдаги 1170-сонли маълумотномаси, Қирғизистон Республикаси). Илмий натижанинг қўлланиши оддий ва чизиқли дифференциал тенгламалар системаси билан ифодаланган фазавий ўтишлар ва таҳлилий ҳодисалар масалаларининг тўлиқ ечимларини кўрсатиш имконини берган;
бошқарув функсиялари Лангенҳоп типидаги ностационар чеграланишга эга оддий ва ностационар дифференциал ўйинларда берилган параметрлар асосида қувиш-қочиш масалалари ечилишини кафолатловчи етарли шартларидан ОТ-Ф4-33 рақамли “Дифференциал тенгламалар билан тавсифланувчи зиддиятли бошқарув учун янги усулларни ишлаб чиқиш ва уларнинг сонли тадбиқи” мавзусидаги фундаментал лойиҳада бошқарувлари ҳолат чекловларига эга динамик тенгламалар билан тасвирланган қарама-қарши ҳолатларни бошқариш масалаларни ҳал қилишда фойдаланилган (Ўзбекистон Миллий университетининг 2024-йил 15-октябрдаги 04/11-8818-сонли маълумотномаси). Илмий натижанинг қўлланиши Лангенҳоп типидаги чекловларга бўйсунувчи оддий ва ностационар динамик тенгламалар билан ифодаланган қарама-қарши мақсадли бошқарувга эга масалаларининг тўлиқ ечимларини кўрсатиш имконини берган.