Дадаҳонова Зулайҳо Маъмуржон қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармог'и номи): “Нофилологик йўналишлар талабаларининг ўқиш ва ёзиш малака ва кўникмаларини назорат қилиш технологияларини такомиллаштириш (инглиз тили мисолида)”, 13.00.02 - Таълим ва тарбия назарияси ва методикаси (инглиз тили) (педагогика фанлари).
Диссертация мавзуси рўйҳатга олинган рақам: В2023.2.PhD/Ped5012.
Илмий раҳбар: Каҳарова Мавлуда Мукаррамовна, филология фанлари номзоди, профессор.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи: Фарғона давлат университети, DSc.03/30.12.2019.Fil.05.02 рақамли илмий кенгаш асосидаги ташкил этилган бир марталик илмий кенгаш.
Расмий оппонентлар: Ахмедова Лайло Толибжоновна, педагогика фанлари доктори (DSc), профессор; Алимов Шахобиддин Солиевич, педагогика фанлари номзоди, профессор.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади нофилологик йўналиш талабаларининг ўқиш ва ёзиш малака ва  кўникмаларини назорат қилиш технологияларини такомиллаштиришдан иборат.
III. Тадқиқотнинг илмий янгилиги:
нофилологик йўналиш талабаларининг ўқиш ва ёзиш кўникмаларини назорат қилиш педагогик, психологик ва услубий асосларга кўра мотиватион, ўз-ўзини баҳолаш, мустақиллик, ўзига бўлган ишонч, рағбатлантириш, тизимли режалаштириш, индивидуаллаштириш, нутқий-фикрлаш фаоллигини бевосита тизимли таъминлаш орқали аниқлаштирилган;
ўқиш ва ёзиш кўникмаларини ривожлантиришда талабалар билимини назорат қилиш жараёни ташқи назорат (ўқитувчи томонидан талабанинг фаолиятига нисбатан амалга ошириш), ўзаро назорат (талаба томонидан бошқа талаба фаолиятига нисбатан амалга ошириш), ўзини-ўзи назорат қилишга (талаба томонидан ўз фаолиятига нисбатан амалга ошириш) кўра аниқлаштирилган;
нофилологик йўналиш талабаларининг ўқиш ва ёзиш кўникмаларини ривожлантиришда назорат технологияларидан фойдаланиш моделининг ташкилий-контекстуал компоненти мушоҳада юритиш, коммуникатив, мустақил қарорлар қабул қилиш, когнитив коʻникмаларни лингводидактик, социолингвистик, прагматик психологик  омилларга кўра такомиллаштирилган;
нофилологик йўналиш талабаларининг ўқиш ва ёзиш кўникмаларини ривожлантиришда назорат технологиялари вазиятли топшириқлар, СТАР технологияси, интеграцион тестлар ва интерактив тест квестларини бевосита ҳисобга олиш асосида такомиллаштирилган.  
IV. Тадқиқот натижаларининг жорий қилиниши. Нофилологик йўналиш талабаларининг ўқиш ва ёзиш кўникмаларини назорат қилиш технологияларига доир тадқиқот натижалари асосида:
нофилологик йўналиш талабаларининг ўқиш ва ёзиш кўникмаларини назорат қилишда педагогик, психологик ва услубий асосларини ўрганишда мотивация, ўз-ўзини баҳолаш, мустақиллик, ўзига бўлган ишонч, рағбатлантириш, тизимли режалаштириш, индивидуаллаштириш, нутқий-фикрлаш фаоллигига ва вазиятли топшириқлар, С.Т.А.Р технологияси, интеграцион тестлар ва интерактив тест квестларини бевосита ҳисобга олишга оид хулосалардан 2019-2021 йилларда Фарғона давлат университетининг “ЭМИ (Энглиш ас а Медиум оф Инструcтион)” номли халқаро лойиҳаси доирасида материаллар нашр этишда қўлланилган (Фарғона давлат университетининг 2024-йил 1-июлдаги 04/3532-сон маълумотномаси). Натижада талабаларининг ўқиш ва ёзиш кўникмаларини назорат қилиш жаражони такомиллаштирилган;
инглиз тили амалий машғулотларида нофилологик йўналишлар талабаларининг ўқиш ва  ёзиш кўникмаларини такомиллаштириш жараёнида жорий, оралиқ, якуний назоратлар ва мустақил таълим учун интеграцион тестлар, инетрактив тест квести, вазиятли вазифалар ва СТАР технологиясини қўллашга оид янгиликлар 2018-2020 йилларга мўлжалланган Давлат илмий-техника дастурлари доирасидаги ПЗ-20170930223 - рақамли “Демократик ва ҳуқуқий жамиятни ривожлантиришда ёшлар ижтимоий фаоллигини ошириш механизмини такомиллаштириш” мавзусидаги амалий тадқиқот лойиҳа доирасида тадқиқотчи томонидан яратилган назарий маълумотлар, семинар тренинглар, тестлар, анкеталар, методик тавсиялар, глоссарий, мотивацион видеолар бўлимларини ўз ичига олган «Фаоллик сари» мобил иловасида ўз аксини топган ва педагогик амалиётда тажрибадан ўтказилган, шунингдек “Демократик ва ҳуқуқий жамиятни ривожлантиришда ёшлар ижтимоий фаоллигини оширишнинг такомиллашган механизми” номли монографияни тайёрлашда фойдаланилган (Фарғона давлат университетининг 2024-йил 31-октябрдаги 04/6383-сон маълумотномаси). Натижада ўқиш ва ёзиш кўникмаларини ривожлантиришда талабалар билимини назорат орқали самарадорликка эришилган;
нофилологик йўналиш талабаларининг ўқиш ва ёзиш кўникмаларини ривожлантиришда назорат технологияларидан фойдаланиш моделининг ташкилий-контекстуал компоненти мушоҳада юритиш, коммуникатив, мустақил қарорлар қабул қилиш, когнитив коʻникмаларни лингводидактик, социолингвистик, прагматик психологик  омиллар орқали такомиллаштиришга “Таълим ва тараққиёт”, “Адабий жараён”, “Жаҳон адабиёти” Ўзбекистон миллий телевидениеси телеканали учун дастур ссенарийларини яратишда фойдаланилган (Ўзбекистон миллий телевидениесининг 2024-йил 2-июндаги 04-36-802-сон маълумотномаси). Натижада телекўрсатувлар учун тайёрланган материалларнинг мазмуни яхшиланди, шунингдек, кўрсатувларда тақдим этилган илмий натижалар аҳолини маърифий жиҳатдан юксалтиришга хизмат қилган.