Султонова Масъуда Абдувалиевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қувурли тегирмонларда цементни майдалаш жараёнини жадаллаштириш», 02.00.16 - Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: B2024.1.PhD/Т4397.
Илмий раҳбар: Хурмаматов Абдуғаффор Мирзабдуллаевич,  техника фанлари доктори, профессор.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса номи, ИК рақами: Тошкент кимё-технология институти ҳузуридаги DSc.03/30.12.2019.Т.04.01 рақамли илмий кенгаш асосида бир марталик илмий кенгаш.
Расмий оппонентлар: Сафаров Жасур Эсиргапович, техника фанлари доктори, профессор; Ниғматжонов Самуғжон Каримжонович, техника фанлари номзоди, доцент.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: янги турдаги зирх қопламалардан фойдаланиб  цементни майдалаш қувурли тегирмони қувватини ошириш ва ички ҳаво оқимларини оптималлаштиришдан иборат.
III. Тадқиқотнинг илмий янгилиги:
уч тўлқинли қоплама плиталарини қўллаш билан шарли юкламанинг иш бажариш қобилиятини ошириш имкониятлари асосланган;
поғонали режимда ишлайдиган шарли юкламага мўлжалланган перспектив сирт юзали қоплама плиталарини ишлаб чиқиш принциплари исботланган;
қувурли тегирмонлар учун шар-материал аралашмасидаги турғун ҳудудларни парчалашни таъминлайдиган перспектив сирт юзали зирх қопламалар ишлаб чиқилган;
илк бор математик 3Д моделлаштириш дастурларини қўллаш орқали қувурли тегирмон камералараро тўсиғига яқин масофаларда тегирмон ички ҳавоси оқимида тезлиги паст ҳалқалар ҳосил бўладиган ҳудудлар аниқланган;
майдалик ҳарактеристикасини аниқлашда чўкма ҳажмини аниқлашга асосланган қувурли тегирмонларда цементни майдалаш жараёнини жадаллаштирилган.
IV. Тадқиқот натижаларининг жорий қилиниши. Қувурли тегирмонларда цементни майдалаш жараёнини жадаллаштириш бўйича олинган илмий натижалар асосида:
қувурли тегирмонларда майдалаш жараёнини жадаллаштириш борасида цемент тегирмони қопламаси «БЕКОБОДЦЕМЕНТ» АЖда ишлаб чиқаришга жорий этилган («БЕКОБОДЦЕМЕНТ» АЖ нинг 2022 йил 18 майдаги ИВ/723-сонли маълумотнома, "Цемент тегирмони қопламаси" ФАП 01654, 30.06.2021 й.). Натижада, «БЕКОБОДЦЕМЕНТ» АЖдаги ўлчами Ø213 м қувурли тегирмон қопламасининг ишчи ҳолати 183 кун (4392 соат) дан кейин ҳам қониқарли бўлишига эришилган ва амалдаги стандарт талабларига жавоб берувчи маҳсулот олиш имконини берган;
қувирли тегирмон барабани учун зирх қоплама плитасига Ўзбекистон Республикаси адлия вазирлиги ҳузуридаги Интелектуал мулк агентлигининг фойдали моделга патенти патенти олинган (№ФАП 01653). Натижада, цемент тегирмонининг ишлаб чиқариш қувватини соатига 45 тоннадан 55 тоннага ошди, цемент маҳсулотининг 28 кунлик сиқилишдаги мустаҳкамлигини ўртача 2,2 - 4,0 МПа га ошириш имконини берган.