Ибрагимов Акмал Акрамовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Маҳаллий ва саноат чиқиндилари ҳамда аммиакли селитра асосида мураккаб комплекс ўғитлар олиш технологияси», 02.00.13 – Ноорганик моддалар ва улар асосидаги материаллар технологияси  (техника фанлари).
Диссертация мавзуси рўйхатга олинган рақам: В2024.4.PhD/Т5001.
Илмий раҳбарлар: Тожиев Рустамбек Расулович, техника фанлари доктори.
Диссертация бажарилган муассаса номи: Озиқ овқат технологияси ва муҳандислиги халқаро институти.
ИК фаолият кўрсатаётган муассаса номи, ИК рақами: Фарғона политехника институти, DSc.03/30.04.2021.T.106.04.
Расмий оппонентлар: Тўраев Зокиржон, техника фанлари доктори, профессор; Султонов Баҳодир Элбекович, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий куллар ва саноат чиқиндиси трийнатрийфосфатни аммиакли селитрага қўшиш орқали азот-калийли ва азот-фосфор-калийли мураккаб ўғитлар олиш технологиясини ишлаб чиқишдан иборат.
III. Тадқиқотнинг илмий янгилиги:
маҳаллий кулларнинг аммиакли селитрага қўшиш орқали азот-калийли мураккаб ўғитлар олишдаги мақбул шароитлар аниқланган;
ТНФЧ ва маҳаллий кулларнинг аммиакли селитрага қўшиш орқали азот-фосфорли ва азот-фосфор-калийли мураккаб ўғитлар олишдаги мақбул шароитлар аниқланган;
маҳаллий куллар ва ТНФ чиқиндиларининг аммиакли селитрага қўшиш орқали азот-калийли ва азот-фосфор-калийли мураккаб ўғитларнинг физик-кимёвий хоссалари яхшилангани исботланган;
маҳаллий куллар ва саноат чиқиндиларининг аммиакли селитрага қўшиш орқали азот-калийли ва азот-фосфор-калийли мураккаб ўғитлар олишнинг материал оқими ҳисобланган ва технологик схемалари ишлаб чиқилган.
IV. Тадқиқот натижаларининг жорий қилиниши: Маҳаллий ва саноат чиқиндиларини аммиакли селитрага қўшиш орқали азот-калийли ва азот-фосфор-калийли мураккаб ўғитлар олиш технологиясини ишлаб чиқиш бўйича олинган илмий натижалари асосида:
аммиакли селитра ва маҳаллий куллари асосида NK-ўгит ҳамда аммиакли селитра ва саноат чиқиндиси тринатрийфосфат асосида NPK-ўғитлар олиш технологияси «Farg‘onaazod» АЖнинг «амалиётга жорий этиш бўйича истиқболли ишланмалари рўйхати»га киритилган  («Farg‘onaazod» АЖнинг 2024 йил 20 февралдаги 10/428-сон маълумотномаси). Натижада, донадор азот-калийли ва азот-фосфор-калий тутган мураккаб ўғитлар олиш имконини беради;
маҳалий кулларни аммиакли селитра эритмасига нисбатларга мос равишда қўшиш орқали мураккаб азот-калийли ўғитлар олиш технологияси «Elektrokimyozavod» ҚК АЖнинг «2027-2028 йилларда амалиётга жорий этиш бўйича истиқболли ишланмалари рўйхати»га киритилган  («Elektrokimyozavod» ҚК АЖнинг 2024 йил 3 июндаги 68-сон маълумотномаси). Натижада шудгорлашдан олдин солишга яроқли бўлган мураккаб азот-калийли ўғит олишга имкон беради;
саноат чиқиндиси трийнатрийфосфатни аммоний нитрат эритмасига қўшиш орқали донадор мураккаб NPK-ўғит олиш технологияси «Elektrokimyozavod» ҚК АЖнинг «2027-2028 йилларда амалиётга жорий этиш бўйича истиқболли ишланмалари рўйхати»га киритилган  («Elektrokimyozavod» АЖнинг 2024 йил 3 июндаги 68-сон маълумотномаси). Натижада, донадор азот-фосфор-калий тутган мураккаб ўғитлар олиш имконини беради.