Абдиева Хабиба Собировнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи): “Маммография тасвирлари асосида кўкрак  ўсма соҳаларини сегментлаш ва ташхислаш алгоритмлари”, 05.01.11 – Рақамли технологиялар ва сунъий интеллект (техника фанлари).
Диссертация мавзуси рўйхатга олинган рақам: В2023.3.PhD/Т3897.
Илмий раҳбар: Фазилов Шавкат Хайруллаевич, техника фанлари доктори, профессор.
Диссертация бажарилган муассаса номи: Шароф Рашидов номидаги Самарқанд давлат университети.
Илмий кенгаш фаолият кўрсатаётган муассаса (муассасалар) номи, Илмий кенгаш рақами: Рақамли технологиялар ва сунъий интеллектни ривожлантириш илмий-тадқиқот институти, DSc.13/30.12.2021.Т.142.01.
Расмий оппонентлар: Мадрахимов Шавкат Файзуллаевич, техника фанлари доктори, профессор;
Хашимов Ахмаджон Анварович, техника фанлари бўйича фалсафа доктори(PhD).
Етакчи ташкилот: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади маммография тасвирларида кўкрак ўсма соҳасини сегментлаш ва таснифлаш  алгоритмлари ҳамда дастурий мажмуасини ишлаб чиқишдан иборат.
III. Тадқиқотнинг илмий янгилиги:
CйcлеГАН моделига асосланган соғлом инсоннинг маммография тасвирларидан фойдаланиб ўсма мавжуд синтетик тасвирларни ҳосил қилиш алгоритми ишлаб чиқилган;
маммография тасвирларидан кўкрак соҳасидаги интенсивлиги қўшни соҳаларига яқин бўлган ўсмаларини сегментлашнинг тўлиқ боғланишли энкодер-декодер архитектурага асосланган модели қурилган;
маммография тасвирлар тўпламида ўсма мавжуд тасвирларни аниқлашга қаратилган қолдиқ блок ва ўрамали нейрон тармоқ архитектурасига асосланган ташхислаш алгоритми ишлаб чиқилган;
маммография тасвирининг локал соҳасида хавфли ўсмаларни таснифлаш учун адаптив бустинг стратегиясига асосланган алгоритмик ансамбл қурилган.
IV. Тадқиқот натижаларининг жорий қилиниши: Маммография тасвирлари асосида кўкрак  ўсма соҳаларини сегментлаш ва ташхислаш учун ишлаб чиқилган алгоритмлар ва дастурий мажмуаси ёрдамида олинган илмий янгиликлар асосида:
CйcлеГАН моделига асосланган соғлом инсоннинг маммография тасвирларидан фойдаланиб ўсма мавжуд синтетик тасвирларни ҳосил қилиш алгоритми ва маммография тасвирларидан кўкрак соҳасидаги интенсивлиги қўшни соҳаларига яқин бўлган ўсмаларини сегментлашнинг тўлиқ боғланишли энкодер-декодер архитектурага асосланган модел Республика ихтисослаштирилган онкология ва радиология илмий-амалий тиббиёт маркази Самарқанд филиалининг маммология бўлимида жорий қилинган (Соғлиқни сақлаш вазирлигининг 2024-йил 19-июлдаги 02-28/16067-сон маълумотномаси). Натижада маммография тасвирларидан ўсмаларни сегментлаш асосида беморларда кўкрак саратонига ташхис қўйиш аниқлигини 14%га ошириш имконини берган;
маммография тасвирлар тўпламида ўсма мавжуд тасвирларни аниқлашга қаратилган қолдиқ блок ва ўрамали нейрон тармоқ архитектурасига асосланган ташхислаш алгоритми  Самарқанд шаҳар 2-сон оилавий поликлиникасида жорий қилинган (Соғлиқни сақлаш вазирлигининг 2024-йил 19-июлдаги 02-28/16067-сон маълумотномаси). Натижада аёллар оммавий скринингида маммография тасвирлари оқимида ўсма мавжуд тасвирларни аниқлашни 12%га ошириш ҳамда унга кетадиган вақтни 40%гача камайтириш имконини берган;
маммография тасвирларига дастлабки ишлов бериш алгоритмлари ва маммография тасвирининг локал соҳасида хавфли ўсмаларни таснифлаш учун адаптив бустинг стратегиясига асосланган алгоритмик ансамбли “ЗАРМЕД-ПРАТИКША Боғишамол” хусусий клиникаси радиология
бўлимида жорий қилинган (Соғлиқни сақлаш вазирлигининг 2024-йил 19-июлдаги 02-28/16067-сон маълумотномаси). Натижада беморларда кўкрак ўсмаларнинг хавфлилик даражаси ташхислаш аниқлигини 12%га ошириш имконини берган.