Шоймуротов Туйчи Халикуловичнинг
фан доктори (DSc) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бухоро-Хива региони мезозой босимли сув системаси нефтгазлилигининг гидрогеологик мезонлари», 04.00.07–Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: В2018.3.DSc/GM34.
Илмий маслаҳатчи: Абдуллаев Ғайбулла Сайфуллаевич, геология-минералогия фанлари доктори, профессор.
Диссертация бажарилган муассаса номи: Нефть ва газ конлари геологияси ҳамда қидируви институти.
ИК фаолият кўрсатаётган муассасалар номи, ИК рақами: Нефть ва газ конлари геологияси ҳамда қидируви институти, Ўзбекистон нефть-газ саноати илмий-тадқиқот ва лойиҳалаш институти, Тошкент давлат техника университети, Россия давлат нефть ва газ университетининг Тошкент шаҳридаги филиали, DSc.27.06.2017.GM/Т.41.01.
Расмий оппонентлар: Боқиев Саиднасим Алимович, геология-минералогия фанлари доктори; Ҳусанов Султонбой Тўхтаевич, геология-минералогия фанлари доктори; Хабибуллаев Иброҳим Хабибуллаевич, техника фанлари доктори, профессор.
Етакчи ташкилот номи: Геология ва геофизика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Бухоро-Хива региони мезозой босимли сув системасида ер ости сувларининг углеводород уюмлари ҳосил бўлиши ва жойлашувидаги ролини аниқлашдан иборат.
III. Тадқиқотнинг илмий янгилиги:
илк бор юра ва бўр ётқизиқлари қатлам сувларининг макро ва микрокомпонентлари ҳамда генетик коэффициентларининг меъёрий қийматларини аниқлаш асосида ажратилган вертикал ва латерал гидрокимёвий зоналар баҳоланган;
юра ва бўр ётқизиқлари қатлам сувлари минерализациясида инверсия ҳолати ва B/Br нисбат миқдори ортиши аниқланган;
углеводород уюмларининг ҳосил бўлиши ва тўпланиши учун қулай шароитли ёпиқ ва очиқ шаклдаги паст гидравлик босимли гидродинамик аномалиялар ажратилган;
юра ва бўр даврлари ётқизиқларидаги босимли сув комплекслари қатлам сувларида саноат аҳамиятига эга микрокомпонентлар ва камёб элементлар тарқалиши ва улардан саноат учун зарур компонентлар олишда гидроминерал хомашё сифатида фойдаланишнинг инновацион моҳияти асосланган;
юра ва бўр ётқизиқлари қатлам сувларининг гидрокимёвий ва гидродинамик мезонлари асосида углеводород хомашёси уюмларини очиш башорати учун ҳудуд нефтегазлилигининг гидрогеологик омиллари аниқланган.
IV. Тадқиқот натижаларининг жорий қилиниши.
Бухоро-Хива региони мезозой ётқизиқлари нефтгазлилигининг гидрогеологик мезонлари бўйича олинган илмий натижалар асосида:
Бухоро-Хива региони юра ва бўр даврлари ётқизиқлари босимли сув комплекслари бўйлаб флюидлар миграцияси участкалари схематик харитаси «Ўзгеобурнефтегаз» АЖ корхоналари тизимига жорий қилинган («Ўзбекнефтегаз» АЖнинг 2018 йил 28 июндаги 02-14/1-40-сон маълумотномаси). Натижада углеводород уюмларини қидириш бўйича кейинги излов-қидирув ишларини амалга оширишда структурали ва гидродинамик типли тутқичларни аниқлаш имконини берган;
углеводород уюмлари тарқалиш тарзи гидродинамик моделлари Рубоий, Шеркент конлари ҳудудларида жорий қилинган («Ўзбекнефтегаз» АЖнинг 2018 йил 28 июндаги 02-14/1-40-сон маълумотномаси). Натижада углеводород уюмлари тўпланиш эҳтимоли юқори бўлган жойлар ажратилган ва қўшимча излов-қидирув қудуқлари пармалаш жойларини аниқлаш имконини берган;
углеводород уюмлари тарқалиш тарзи гидродинамик моделлари Сирли, Наур структураларида жорий қилинган («Ўзбекнефтегаз» АЖнинг 2018 йил 28 июндаги 02-14/1-40-сон маълумотномаси). Натижада углеводород уюмлари тўпланиш эҳтимоли юқори бўлган жойлар аниқланган ва янги излов қудуқлари пармалаш жойларини белгилаш имконини берган.
