Эргашев Вали Алимовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):«Ўткир ва сурункали остеомиелитлар шаклланиши микробиологик жиҳатларнинг сабаб-оқибатли боғлиқликлари», 03.00.04–Микробиология ва вирусология (тиббиёт фанлари).
Диссертация мавзуси рўйхатга олинган рақам: В2017.3.PhD/Тib384.
Илмий раҳбар:Нуралиев Неккадам Абдуллаевич, тиббиёт фанлари доктори, профессор.
Диссертация бажарилган муассаса номи: Санитария, гигиена ва касб касалликлари илмий-тадқиқот институти.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси DSc.27.06.2017.Tib/30.01.
Расмий оппонентлар: Мирзаева Мамлакат Айнакуловна,тиббиёт фанлари доктори, профессор;Эшбоев Эгамберди Хусанович, тиббиёт фанлари доктори, профессор .
Етакчи ташкилот: Андижон давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: ўткир ҳамда сурункали остеомиелитлар шаклланиши микробиологик жиҳатларининг сабаб-оқибатли боғлиқликларини аниқлашдан иборат.
III.Тадқиқотнинг илмий янгилиги:
остеомиелитлар шаклланиши ва патологик жараённинг ўткирдан сурункалига ўтишида Pseudomonas aeruginosa, Klebsiella spp, Candida spp, Bacteroides spp асосий қўзғатувчилар эканлиги исботланган;
остеомиелитда патологик жараён ва касалликнинг клиник оқибатлари қўзғатувчиларни вирулент штаммлар билан алмашишига боғлиқлиги аниқланган;
остеомиелит шаклларида қўзғатувчиларнинг монокультура ҳамда ассоциация ҳолатидаги патологик жараён кечишида макроорганизм ҳолати бирламчи, қўзғатувчи иккиламчи эканлиги исботланган;
остеомиелитлар сурункали шаклга ўтишида қўзғатувчилар унишининг динамикада ошиши, микроорганизмлар ассоциациялари идентификация қилиниши, ассоциацияда анаэроблар аниқланиш мезонлари ишлаб чиқилган;
ўткир остеомиелитларда Staphylococcus aureus барча штаммларнинг 51,9%ини ташкил этгани ҳолда, сурункали остеомиелитда 26,7%гача камайганлиги аниқланган.
Тадқиқот натижаларининг жорий қилиниши.
Турли ёшдаги беморларда кечган остеомиелитлар бактериологик ташхиси замонавий ҳолати бўйича олинган натижалар асосида:
остеомиелитлар билан касалланган беморлар микробиологик ташхиси асосларини ўрганиш мақсадида ишлаб чиқилган «Остеомиелитлар қўзғатувчиларининг микроб манзараси ва улар униш даражаларининг ташхисий қиймати» мавзусидаги услубий тавсиянома тасдиқланган (Соғлиқни сақлаш вазирлигининг 2018 йил 17 мартдаги 8н-р/55 сон маълумотномаси). Мазкур услубий тавсияномада ўткир остеомиелитларда Staphylococcus aureus етакчилиги, сурункали шаклга ўтишида Pseudomonas aeruginosa, Klebsiella spp, Candida spp, Bacteroides spp асосий қўзғатувчилар эканлиги, қўзғатувчилар униши ошиши, микроорганизмлар ассоциациялари идентификация қилиниши, ассоциацияда анаэроблар аниқланиш мезонлари, вирулент қўзғатувчилар билан алмашиши, макроорганизм ҳолати бирламчи, қўзғатувчи иккиламчи эканлиги тавсия этилган;
ўткир ва сурункали остеомиелитлар этиологик агентлари манзараси, шаклланиши ҳамда ўткирдан сурункали кўринишга ўтиши сабаб-оқибатли боғлиқликларини ўрганиш баробарида уларнинг микробиологик жиҳатлари бўйича олинган натижалар соғлиқни сақлаш амалиётига, шу жумладан Хоразм вилояти ва Тошкент шаҳар Яшнобод туман Давлат санитария эпидемиология назорати марказларида жорий этилган (Соғлиқни сақлаш вазирлигининг 2018 йил 17 мартдаги 8н-р/55-сон маълумотномаси). Олинган натижаларнинг тиббиётга жорий этилиши бактериологик тадқиқотлар ўтказишда бюджет маблағларидан бактериологик текширишнинг ҳар биттаси бўйича 63000 сўмни тежаш имконини берган.
