Нишанов Данияр Анарбаевичнинг
фан доктори (DSc) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тўғри ичак саратонида сфинктер сақловчи операцияларни патоморфологик асослаш мезонлари», 14.00.15–Патологик анатомия (тиббиёт фанлари).
Диссертация мавзуси рўйхатга олинган рақам: B2017.2.DSc/Tib162.
Илмий маслаҳатчи: [Абдуллаходжаева Малика Саматовна], тиббиёт фанлари доктори, профессор, академик.
Диссертация бажарилган муассаса номи: Республика ихтисослаштирилган онкология ва радиология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.27.06. 2017.Tib.30.03.
Расмий оппонентлар: Турсунов Хасан Зияевич, тиббиёт фанлари доктори, профессор; Алиев Бахром Рахимбердиевич, тиббиёт фанлари доктори, профессор; Ахмедов Мухаммед Аминович, тиббиёт фанлари доктори, профессор.
Етакчи ташкилот: Қозоқ онкология ва радиология илмий-текшириш институти (Қозоғистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: сфинктер сақловчи жарроҳлик амалиётини ўтказишни асослаш мақсадида патоморфологик ва иммуногистокимёвий мезонларни ишлаб чиқиш йўли билан тўғри ичак хавфли ўсмалари билан оғриган беморларнинг даволаш натижаларини такомиллаштиришдан иборат.
III. Тадқиқотнинг илмий янгилиги:
сфинктер сақловчи жарроҳлик амалиётини бажариш жараёнининг ўзига хослигини аниқлаш мақсадида тўғри ичакда хавфли ўсмалари мавжуд беморларда патоморфологик радикалларнинг ўлчамлари исботланган;
хавфли ўсманинг патоморфологик тавсифига боғлиқ ҳолда тўғри ичакнинг хавфли ўсмалари ичак эпителий ҳужайраларида ривожланишининг молекуляр-биологик маркерлари асосланган;
тўғри ичакнинг хавфли ўсмалари патоморфологик жиҳатдан ташхисланганда жарроҳлик амалиёти ҳажмини танлаш ва уни ўтказиш учун зарур прогностик, морфологик ва иммунологик кўрсаткичлар исботланган;
тўғри ичакнинг хавфли ўсмалари билан хасталанган беморларда хавфли ўсма мавжуд бўлган тўғри ичак тўқимасининг иммунологик кўрсаткичларини, яъни Т-В-лимфоцитларни патоморофлогик баҳолаш ҳамда жарроҳлик амалиётидан кейинги макропрепарат ва молекуляр биологик маркерлар билан ўзаро алоқадорлиги исботланган;
тўғри ичакнинг хавфли ўсмаларни сфинктер сақловчи жарроҳлик амалиётини бажариш учун аҳамиятли бўлган морфологик ва иммуногистокимёвий мезонлар ишлаб чиқилган.
IV. Тадқиқот натижаларининг жорий қилиниши.
Тўғри ичак саратонида сфинктер сақловчи операцияларни патоморфологик асослаш мезонларини такомиллаштириш чора-тадбирларни илмий асослаш бўйича олинган илмий натижалар асосида:
«Тўғри ичак саратонида сфинктер-сақловчи амалиётни асослашнинг патомарфологик мезонлари» услубий қўлланмаси тасдиқланган (Соғлиқни сақлаш вазирлигининг 2018 йил 4 майдаги 8н-р/111-сон маълумотномаси). Мазкур услубий қўлланма хавфли ўсма касалликларида тўғри ичак саратонида сфинктер-сақловчи амалиётни асослашда патомарфологик мезонларини ишлаб чиқиш касалликни тўғри ташхислаш ва тўғри даволаш тизимини яратиш имконини берган;
тўғри ичак саратонида сфинктер сақловчи операцияларни патоморфологик асослаш мезонлари такомиллаштириш чора-тадбирларини илмий асослаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган онкология ва радиология илмий-амалий тиббиёт маркази, Фарғона вилояти Онкологик диспансери Обдаминал жарроҳлик бўлими клиник амалиётига ва Республика патологи-анатомик маркази илмий-амалий фаолиятига татбиқ этилган (Соғлиқни сақлаш вазирлигининг 2018 йил 3 июлдаги 8н-з/153-сон маълумотномаси). Олинган илмий натижаларнинг амалиётга татбиқ этилиши хавфли ўсма касалликларни патоморфологик ташхислаш, патоморфологик мезонларни қўллаган ҳолда тўғри ичак саратони касалликларида сфинктер сақловчи амалиётларни радикаллигини таъминлаш ва беморларни касалхонда даволаниш вақтини қисқартириш имконини берган.
